AMAKURU

UKWEZI
ubumwe

Umutoza Paul Bitok ugiye gusubira iwabo ngo ibyo azakumbura birimo isombe yo mu Rwanda

Umutoza Paul Bitok ugiye gusubira iwabo ngo ibyo azakumbura birimo isombe yo mu Rwanda
17-06-2019 saa 14:09' | By Muhizi Olivier | Yasomwe n'abantu 1319 | Ibitekerezo

Paul Bitok ni Umunyakenya umaze imyaka 10 ari umutoza w’amakipe y’igihugu mu mukino w’intoki wa Volleyball avuga ko atifuza kumara ubuzima bwe bwose mu Rwanda gusa ngo azarukumbura .

Amasezerano Paul afitanye na Minisiteri y’umuco na Sports arangirana n’ukwezi kwa Kamena 2019 ngo ntiyifuza kuyongera nubwo Minisiter ikivuga ko imukeneye.

Mu kiganiro cy’ihariye n’ikinyamakuru Ukwezi .com Bitok yavuze byinshi ku rugendo rwe muri Volleyball mu myaka 10 amaze mu Rwanda .

Bitok yahishyuye ko ubuyobozi bwakomeje ku mwinginga ngo agume mu Rwanda ariko we ngo abona agomba kugenda.

Yagize ati “Ntabwo nifuza kuba hano ubuzima bwange bwose ,imyaka 10 irahagije ngo n’abatoza b’imbere mu gihugu batoze ikipe y’igihugu ,ariko twagiranye ibiganiro na Minisiter ndetse n’ishyirahamwe ry’umukino wa Volleyball ariko nifuzako n’abatoza nka Fidel ,Christophe ,Elia nabo bakore akazi nakoraga kandi nizerako abatoza dufite hano ari beza ".

Paul avuga ko abatoza bahari bamusimbura gusa ntibashaka gufatanya no gukorana kandi bizaba ikibazo mu minsi iri imbere.

Ati "Abatoza ba hano imbere mu gihugu nabo barashoboye ariko hari abadashaka gukorana mu kubaka igihugu cyabo ibyo bizagorana mu mikino irimbere mu gihe u Rwanda ruzaba rushaka itike mu marushanwa atandukanye nko muri volleyball yo ku mucanga mu mikino ya all Africain games n’ibindi ’’.

Paul Bitok yagiye atoza amakipe y’ibyiciro byose abato n’abakuru yaba muri Valley yo ku mucanga ndetse na volley ikinirwa muri salle

Paul Bitok umaze imyaka 10 mu Rwanda avuga ko igihe azaba yasubiye muri Kenya hari ibintu byinshi azakumbura birimo n’ isombe.

Yagize ati "Nzakumbura ibintu byinshi hano harimo ibiryo abakinnyi bange twaruhanye mu marushanwa atandukanye nifuzaga kugumana nabo ikindi nifuza ko ko wenda nanatoza umukino umwe muri iyi Kigali Aréna ,ibiryo nzakumbura ni byinshi Burushete za hano Kenya ntituzifite kuko dufite nyamacoma ,isombe n’ibindi biryo".

Avuga ko yifuza ko abatoza bo mu Rwanda nabo batoza ikipe y’igihugu kandi abona bashoboye

Mu myaka 10 Bitok yamaze mu Rwanda hari byinshi yakoze mu mukino wa Volleyball haba muri Volley ikinirwa ku mucanga mubagabo n’abagore ndetse na volley ikinirwa mu nzu mu bagabo n’abagore mu byiciro byose abato n’abakuru ,Bitoke avuga ko agiye gusubira Kenya kwita kuri fondation ye n’ibindi bikorwa afiteyo .

Paul avuga ko azakumbura u Rwanda ndetse n’ibiryo byo mu Rwanda biri mu byo azakumbura


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...