AMAKURU

UKWEZI
ubumwe

‘Nyanza FC umwaka utaha izagaruka muri Shampiyona’ Meya Ntazinda

‘Nyanza FC umwaka utaha izagaruka muri Shampiyona’ Meya Ntazinda
1-07-2019 saa 08:29' | By Nsanzimana Ernest | Yasomwe n'abantu 843 | Ibitekerezo

Umuyobozi w’ akarere ka Nyanza Ntazinda Erasme yabwiye abaturage b’ akarere ayoboye bamaze imyaka nta kipe bagira ko bashonje bahishiwe kuko umwaka utaha w’ imikino ikipe ya Nyanza FC izagaruka muri Shampiyona.

Ni mu gihe hari n’ amakuru avuga ko ikipe ya Rayon Sports nayo ishobora gusubira mu karere ka Nyanza.

Mu kiganiro Meya Ntazinda yagiranye n’ abanyamakuru mu mpera z’ icyumweru gishize yagize ati “ Uyu munsi akarere nta kipe gafite ariko inkuru nziza ni uko ikipe ya Nyanza FC yamaze kwandikwa muri RGB, ubusabwe buri muri FERWAFA bwo kugira ngo izatangirane na season itaha mu kiciro cya kabiri.

Meya Ntazinda avuga ko ibiganiro bagiranye na FERWAFA bitanga icyizere ko muri shampiyona ya 2019/20 ikipe ya Nyanza FC izaba irimo.

Ati “Ibiganiro ntagiranye na FERWAFA nta cyakagombye gutuma ikiciro cya kabiri nigitangira ikipe ya Nyanza itazajyamo”.

Ikipe ya Nyanza yigeze kubaho iza guhagarara. Muri Gashyantare 2019 , Meya Ntazinda yavuze akarere kagiye muri FERWAFA gusaba ko iyi kipe yakongera kubaho, FERWAFA ibabwira ko isa n’ itarigeze ibaho kuko yabayeho idafite ibyangombwa.


Meya wa Nyanza muri Gashyantare ubwo yabwiraga abanyamakuru ko Nyanza FC yabaye idafite ibyangombwa

Mu kiganiro , Umuyobozi w’ Intara y’ Amajyepfo CG Emmanuel Gasana yagiranye n’ abanyamakuru mu mpera za Gashyantare uyu mwaka yavuze ko bari mu biganiro n’ ikipe ya Rayon Sports ngo isubire mu karere ka Nyanza aho yavukiye.

Mu ntangiriro za Werurwe 2019, Perezida wa Rayon Sports, Muvunyi Paul, yabwiye abanyamakuru ko iyi kipe ya Rayon Sports ibarizwa mu gihugu hose bityo ko kuba yasubira i Nyanza nta kibazo kirimo.

Umuyobozi wa Rayon Sports yavuze ko icyo iyi kipe ishaka ari igituma ibona umusaruro ndetse ko icyo ikineye ari ukugira ho ibarizwa ‘sitade yayo bwite’.

Yagize ati “Rayon Sports iri mu gihugu hose ndetse no hanze. Si ukuvuga ngo irabarizwa aha, yasubira hariya cyangwa iri aha. Biragoye kuko n’Akarere ka Ngoma kari kurangiza ikibuga , kifuza ko twagirana amasezerano, Rayon Sports ikajya ihabarizwa rimwe na rimwe …".

Mu gihe Rayon Sports yasubira mu karere ka Nyanza na Nyanza FC ikongera kubaho byaba ari inkuru nziza cyane ku baturage b’ akarere ka Nyanza bamaze imyaka nta kipe bafite hafi yabo.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...