AMAKURU

UKWEZI
cheno 2020

Nyuma yo kumara amezi 7 idahemba, Mukura VS yahagaritse amasezerano y’abakinnyi

Nyuma yo kumara amezi 7 idahemba, Mukura VS yahagaritse amasezerano y’abakinnyi
15-05-2020 saa 14:06' | By Twagirayezu Vincent | Yasomwe n'abantu 380 | Ibitekerezo

Nyuma y’uko ikipe ya Mukura VS ivuzweho ikibazo cyo kumara amezi agera kuri arindwi idahemba abakinnyi bayo ubuyobozi bwayo bwafashe icyemezo cyo gusesa amasezerano yabo y’akazi mugihe kitazwi ariko bwemera ko bugiye kubahemba imishahara y’ibirarane byose bwari bubabereyemo.

Ni mu nama yahuje ubuyobozi bw’ikipe ya Mukura Victory Sports, akarere ka Huye, abakinnyi ndetse abatoza kuri uyu wa Kane tariki 14 Gicurasi 2020 ikaba yabereye mu biro by’akarere ka Huye yarangiye impande zose zemeranyije gusesa amasezerano y’abakinnyi n’abatoza b’iyi kipe bitewe n’uko nta bushobozi buhari bwo guhemba muri ibi bihe by’icyorezo cya Covid-19 imikino yahagaze.

Ubuyobozi bwemeye ko bugiye gukora ibishoboka byose bugahemba abakinnyi ibirarane by’imyenda yose bubabereyemo ubundi bakaba batashye bagategereza gahunda z’umwaka w’imikino utaha mugihe shampiyona yaba idasubukuwe mu kwezi kwa Cyenda nk’uko Minisiteri ya siporo yanzuye ko aribwo ibkorwa by’imikino bizongera gusubukurwa.

Abakinnyi ba Mukura VS bamaze iminsi bavuga ko ubukene bubishe kuko badaheruka ikitwa umushahara, bakavuga ko baberewemo amezi arindwi kuko ngo baheruka guhembwa muri 2019.

Uyu mwanzuro ufashwe nyuma y’iminsi mike uwari umuyobozi w’iyi kipe Nizeyimana Olivier yeguye ku mpamvu atatangaje nyuma y’imyaka 9 ayiyobora, uyu muyobozi akaba yaranayiteraga inkunga binyuze mu kigo cya Volcano Ltd.

Nyuma yo kwegura kwa Nizeyimana Olivier wayoboraga iyi kipe, ubu iri kuyoborwa by’agateganyo na Sakindi Eugene wari Visi Perezida n’Umunyamabanga Mukuru Siboyintore, ikaba isigaye icumbikiye abakinnyi bake b’abanyamahanga barimo Kapiteni wayo w’Umurundi Duhayindavyi Gael mugihe abandi basabwe kuba batashye iwabo binavugwa ko buri mukinnyi yahawe amafaranga ibihumbi 250 yo kuba yifashisha mugihe umushahara itari yaboneka.

Mukura VS ibaye yiyongereye ku yandi makipe nka Rayon Sports, Heroes, Musanze FC, AS Muhanga na Etincelles zamaze guhagarika amasezerano mugihe andi nka Bugesera yagabanyije umushahara kugeza kuri 1/3 cy’ayo umukinnyi yari asanzwe ahabwa.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...