AMAKURU

UKWEZI
cheno 2020

Rayon Sports itsinze Musanze FC ikomeza guhatana na APR FC mu gushaka igikombe

Rayon Sports itsinze Musanze FC ikomeza guhatana na APR FC mu gushaka igikombe
7-03-2020 saa 17:51' | By Twagirayezu Vincent | Yasomwe n'abantu 991 | Ibitekerezo

Kuri uyu wa Gatandatu imikino y’umunsi wa 22 wa shampiyona wakomeje hakinwa imikino itandukanye aho ikipe ya Rayon Sports yari yakiriye Musanze FC kuri stade ya Kigali i Nyamirambo, naho Mukura VS ikaba yari yakiriye APR FC mu karere ka Huye.

Rayon Sports yifuza gukomeza gukubana na mukeba wayo APR FC iyiri imbere ngo irebe ko yayifata ikazegukana igikombe cya shampiyona y’uyu mwaka niyo yatangiye iyoboye umukino isatira cyane ku izamu rya Musanze FC ku buryo yanahise ifungura izamu ryayo ku buryo bwihuse kuko ku munota wa 5 wonyine yari ibonye igitego cya mbere cyatsinzwe na Sugira Ernest ku mupira yari ahawe na Michael Sarpong utaherukaga mu kibuga kuko yari yaragiye mu Bushinwa.

Musanze FC nayo ntiyacitse intege yakomeje gukina neza ishaka uko yishyura iki gitego cyari kibonetse hakiri kare maze biza kuyihira igera ubwo yiharira umukino maze ku munota wa 30 itsinda igitego cyo kwishyura ubwo umuzamu Kimenyi Yves wa Rayon Sports yananiwe kumvikana na ba myugariro be bituma ahusha umupira Twizerimana Onesme wa Musanze yari ateye uboneza mu rushundura.

Uko niko igice cya mbere cyaje kurangira amakipe yombi ajya mu karuhuko anganya igitego 1-1.

Mu gice cya kabiri Rayon Sports yagarutse isatira ari nako ihanahana neza bituma yiharira umukino maze iza kubona igitego cya kabiri kuri Penaliti yatewe neza na Michael Sarpong wahise abona igitego cya mbere muri uyu mwaka, umukino uza kurangira Rayon Sports ibonye amanota 3 umutoza Cassa Mbungo Andre wa Rayon Sports abonye intsinzi ye ya kabiri mu mikino ibiri amaze gutoza.

Si kuri stade ya Nyamirambo gusa kandi kuko no kuri stade ya Huye haberaga ibirori nk’ibi aho ikipe ya APR ikomeje gushimangira ko ntawe uzayihagarika ikaba ihatsindiye Mukura VS ibitego 4 ku busa. Ibi bitego byatsinzwe na Nshuti Innocent, Byiringiro Lague, Ishimwe Kevin, na Ombolenga Fitina.


Abakinnyi Rayon Sports yabanjemo:

Kimenyi Yves, Iradukunda Eric Radou, Rutanga Eric (C), Rugwiro Herve, Nshimiyimana Amran, Niyonzima Ally, Ciza Hussein, Sekamana Maxime, Michael Sarpong, Sugira Ernest

Abo Musanze FC yabanjemo :

Ndoli Jean Claude, Sava Ally (c), Mugenzi Cedric, Okwechuku, Twizerimana Onesme, Maombi Jean Pierre, Nshimiyimana Clement, Muhoza Tresor, Nyandwi Sadam na Mwiseneza Daniel

Uko imikino yo kuri uyu wa Gatandatu yose yagenze :

Rayon Sports 2 – 1 Musanze FC (Kigali stadium)
Mukura VS 0 – 4 APR FC (Huye stadium)
AS Muhanga 1 – 0 Bugesera FC (Muhanga stadium)
Gicumbi FC 0 – 1 Sunrise FC (Mumena stadium)
Marines 1– 1Etincelles FC (Umuganda stadium)
Heroes FC 0 – 4 Kiyovu Sports (Bugesera stadium)

Ejo ku Cyumweru hari umukino umwe rukumbi uzahuza Police FC na AS Kigali kuri stade ya Kigali i Nyamirambo.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...