konka coffee
KONKA

AMAKURU

UKWEZI
Minijust

Rayon Sports yaciye amarenga y’ icyo Amajyepfo asabwa ngo isubireyo

Rayon Sports yaciye amarenga y’ icyo Amajyepfo asabwa ngo isubireyo
1-03-2019 saa 12:51' | By Nsanzimana Ernest | Yasomwe n'abantu 3913 | Ibitekerezo 4

Umwanzuro ntabwo uramenyekana ariko hariho ibiganiro hagati y’ ubuyobozi bw’ Intara y’ Amajyepfo n’ Ubuyobozi bwa Rayon Sports kugira ngo iyi kipe isubire mu karere ka Nyanza.

Umuyobozi wa Rayon Sports yavuze ko icyo iyi kipe ishaka ari igituma ibona umusaruro ndetse ko icyo ikineye ari ukugira ho ibarizwa ‘sitade yayo bwite’.

Yabitangarije itangazamakuru kuri uyu wa 28 Gashyantare 2019, ubwo yari amaze gushyikirizwa urufunguzo rwa bisi ya miliyoni 100 z’ amanyarwanda igiye kujya itwara abakinnyi b’ iyi kipe iri muzikunzwe cyane mu Rwanda.

Yagize ati “Rayon Sports iri mu gihugu hose ndetse no hanze. Si ukuvuga ngo irabarizwa aha, yasubira hariya cyangwa iri aha. Biragoye kuko n’Akarere ka Ngoma kari kurangiza ikibuga , kifuza ko twagirana amasezerano, Rayon Sports ikajya ihabarizwa rimwe na rimwe …"

Yakomeje agira ati "Ikiriho kuri twebwe ni ikizana umusaruro kugira ngo natwe tugire aho twabarizwa, ndavuga nka Stade kuko kugeza ubu ntayo dufite. Bituma rero ntaho tubarizwa kandi aritwe dufite abakunzi benshi ari natwe tumaze igihe kirekire. Birumvikana ko Rayon Sports igikeneye byinshi.



Abafana ba Rayon Sports i Nyanza, mu mukino wa Rayon vs AS Muhanga

Tariki 15 Gashyantare ubwo Rayon Sports yari yahuye na AS Muhanga kuri sitade ya Nyanza, Umuyobozi w’ Akarere ka Nyanza Ntazinda Erasme yabwiye abanyamakuru ko akarere kari mu biganiro n’ ubuyobozi bwa Rayon Sports kugira ngo iyi kipe isubire I Nyanza ku gicumbi cyayo.

Guverineri w’ Intara y’ Amajyepfo CG Emmanuel Gasana warebye uyu mukino, tariki 27 Gashyantare mu kiganiro yagiranye n’ abanyamakuru yavuze ko uburyo Rayon Sports ikunzwe n’ abantu benshi ari ibintu bikomeye.

Yavuze ko abantu bitabiriye umukino w’ iyi kipe tariki 15 bajya kungana n’ ibihumbi birenga 20 byari ku kibuga cyo mu karere ka Nyamagabe tariki 26 Gashyantare Perezida Kagame yagasuye.


CG Emmanuel Gasana , Guverineri w’ Intara y’ Amajyepfo

CG Gasana yongeyeho ko, kugira ngo imikino ishyuhe mu Ntara y’ Amajyepfo hari ikiri gukorwa ngo iyi kipe isubire I Nyanza.

Yagize ati “Kugira ngo imikino ishyuhe , siporo tuyimakaze, Rayon Sports nibishoboka izagaruke n’ aha ng’ aha. Tubirimo kandi ku bw’ amahirwe n’ abayobozi bayo ntabwo bigeze babyanga ariko hagomba kubaho ibintu byo kumvikana kuko ikipe kuyitaho ntabwo ari ibintu byoroshye”

Guverineri Gasana mbere y’ uko aba umuyobozi w’ iyi Ntara yari Umuyobozi Mukuru wa Polisi y’ Igihugu, ngo azi uko kwita ku ikipe bigora kuko yabiboneye kuri ‘Police FC’.

Nyanza FC mu nzira zo kongera kubaho

Akarere ka Nyanza, muri iki gihe bisa n’ aho nta kipe gafite kuko Rayon Sports ikomoka i Nyanza yibera i Kigali na Nyanza FC ikaba itarongera kubaho.

Meya wa Nyanza avuga ko bagiye mu ishyirahamwe ry’ umupira w’ amaguru mu Rwanda FERWAFA, gusaba ko Nyanza FC yongera kubaho, bakababwira ko n’ ubundi isa n’ itarigeze ibaho kuko itari ifite ibyangombwa. Nubwo bimeze gutyo ariko ngo iyi kipe iri kwandikishwa mu Urwego rw’ Igihugu rw’ Imiyoborere RGB.


Meya wa Nyanza Ntazinda Erasme

Meya Ntazinda ati “…FERWAFA itubwira ko yari yarabayeho idafite ibyangombwa biyemerera kubaho, ubu noneho biri muri RGB, kugira ngo noneho na FERWAFA iyihe uburenganzira bwo kubaho”

Ibi bivuze ko Nyanza FC nihabwa uburenganzira bwo kubaho na Rayon Sports igasubira i Nyanza , aka karere kazaba kabarizwamo amakipe abiri.


INKURU ZA :
Tanga Igitekerezo
Ibitekerezo 4
Aline Kuya 15-03-2019

Ariko njye mbona niba abantu dukunda sport twagashatse ibiteza amakipe imberbe aho gukora ibidufitiye inyungu gusa ici byaba ari igisubizo rayon inyuma kundi rwose akarere ntikayishobora kuko ingengo y utari ya rayon n umutwaro kukarere imishahara y abakinnyi nayo umwe umwe n abatoza biraruta iyabakozi b akarere ibyo muboreke mwisenya rayon sport muyireke iyo gasenyi ikomeye turayitsinda tukaryoherwa kuko ukoyavuyeyo murakoze ntiyaribayeho neza nanubu iracyafote amadeni ya hotel yaho wamutoza wabatukaga yabaga mubisuzume neza ndumva ntamuterankunga uzajye kwamamaza kukarere Namwe avuye kurwego es igihugu murakoze

Faustin Kuya 10-03-2019

reka ngusubize wowe uvugako nta organisation iba muri rayon rwanda nushake ugende nabya impanga ebyiri tuzafana mpaka

mugabo Kuya 5-03-2019

aho gusubiza rayon sports hasi bashinge andi makipe
rayon izajye iyatera inkunga nkukoAPR ifite andi mashami

Rayon Kuya 1-03-2019

Jye nzasubira gufana Rayon aruko igize organisation nkiya APR

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...