konka coffee
KONKA

AMAKURU

UKWEZI

Rayon Sports yafatiwe ibihano ku makosa yakoze mu mukino na Yanga yo muri Tanzania

Rayon Sports yafatiwe ibihano ku makosa yakoze mu mukino na Yanga yo muri Tanzania
30-05-2018 saa 13:43' | By Muhizi Olivier | Yasomwe n'abantu 4625 | Ibitekerezo

Ikipe ya Rayon Sports yafatiwe ibihano n’Impuzamashyirahamwe y’umupira w’amaguru ku mugabane wa Afurika (CAF), izira amakosa yakoze yo kutubahiriza amategeko ajyanye no kwamamaza. Ibi byatumye icibwa ihazabu y’amadolari 1000.

Impuzamashyirahamwe y’umupira w’amaguru muri Afurika (CAF) yihanangirije iyi kipe ya Rayon Sports ndetse uko kwihanangirizwa kujyana n’akanyafu bayicishijeho izira kutubahiriza amasezerano yo kwamamaza, ikaba igomba kwishyura ihazabu ringana n’amadolari 1000, ni ukuvuga asaga 870.000 uyabaze mu mafaranga y’u Rwanda.

Ibi byaturutse ku makosa yakozwe mu mukino Rayon Sports yanganyijemo na Yanga Africans muri Tanzaniya. Ubusanzwe mu mabwiriza ya CAF, harimo ingingo ivuga ko ikipe itemerewe kwambara ikirango cy’umuterankunga gifatanye n’ikirango cy’ikipe, ariko ibyo Rayon Sports yabirenzeho ijya gusuzuma ikibuga yambaye umwambaro uriho ikirango cya Rayon Sports gifatanye n’icy’umuterankunga wayo Skol, byatumye CAF ibakebura ibibutsa ko bitemewe.

Mu ibaruwa CAF yandikiye Rayon Sports ibinyujije muri FERWAFA nk’ishyirahamwe ry’umupira w’amaguru rishinzwe kugenzura amakipe mu bijyanye n’imyitwarire, CAF ivuga ko iyi kipe ikwiye kuzirikana ibijyanye n’amabwiriza ngengamyitwarire bityo ikazajya iyitwararika mu mikino itaha.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...