konka coffee
KONKA

AMAKURU

UKWEZI

Rayon Sports yananiwe gutsinda Mukura bituma yongera gutakaza amanota

Rayon Sports yananiwe gutsinda Mukura bituma yongera gutakaza amanota
9-05-2018 saa 18:40' | By Muhizi Olivier | Yasomwe n'abantu 1098 | Ibitekerezo

Kuri uyu wa Gatatu tariki 9 Gicurasi 2017, Mukura Victory Sports yari yakiriye Rayon Sports aho bita ku mbehe yaho i Huye, mu mukino wa shampiyona wari ishiraniro.

Ni umukino wari uvuze byinshi ku mpande zombi cyane kuri Rayon Sports ikomeje kwiruka inyuma ya APR FC na AS Kigali ariko Mukura yihagazeho imbere ya Rayon Sports umukino urangira ari ubusa ku busa.

Ni umukino wahuje aya makipe yahoze aturanye kuko Rayon Sports ikomoka i Nyanza, akarere gahana imbihi na Huye. Wari umukino ubereye ijisho ku mpande zombi kuko Mukura ifite abakinnyi benshi bakomoka i
Burundi kandi b’abahanga bari bahanganye na bene wabo bari muri Rayon Sports.

Mukura Victory Sports niyo yinjiye mu mukino mbere ya Rayon Sports ndetse ikomeza no kuyobora umukino kugeza igice cya mbere kirangiye. Abakinnyi bayo nka Kevin bahushije ibitego 3 byari byabazwe mu gice cya mbere, gusa igice cya mbere cyarangiye amakipe yombi anganya ubusa ku busa.

Igice cya kabiri umutoza wa Rayon Sports yakoze impinduka Ismaila Diarra asimburwa na Shaban Hussein Tchabalala wagerageje gukora impinduka ariko biba iby’ubusa ntiyagira igitego atsinda. Yannick Mukunzi nawe yasimbuwe na Bimenyimana Bon Fils Caleb wanahushije igitego ku munota wa 87, umukino urangira amakipe yombi anganya ubusa ku busa.

Rayon Sports igumye ku mwanya wa gatatu n’amanota 36 ikurikira APR FC ya kabiri n’amanota 40, AS Kigali niyo iyoboye urutonde n’amanota 41. Rayon Sports isigaje kandi imikino 2 y’ibirarane aho izahura na AS Kigali ndetse na Police FC.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...