konka coffee
KONKA

AMAKURU

UKWEZI
Minijust

Rayon Sports yaraye ibonye bisi, ikurikijeho gushaka Sitade yigengaho

Rayon Sports yaraye ibonye bisi, ikurikijeho gushaka Sitade yigengaho
1-03-2019 saa 09:34' | By Nsanzimana Ernest | Yasomwe n'abantu 3428 | Ibitekerezo

Ikipe ya Rayon Sports ku mugoroba wo kuri uyu wa 28 Gashyantare 2019, nibwo yashyikirijwe bisi yaguze miliyoni 100 mu mpera z’ umwaka ushize nyuma yo gushyirirwaho ibirango muri Akagera Motors.

Nubwo byari byatangajwe ko iyi bisi isohoka saa kumi n’ imwe nta wari witeze ko hanze haza kuba hari abana benshi b’ iyi kipe nk’ uko byaraye bigenze. Abafana benshi biganjemo abatuye I Remera bari bategerereje hanze iyi bisi, bakiyibona bahita bapfukama baririmba indirimbo yubahiriza Rayon Sports.

Abafana babwiye itangazamakuru ko byari mu rwego rwo gushimira Imana ko iyi kipe ibonye bisi. Umuyobozi wa Rayon Sports Paul Muvunyi yavuze ko binejeje kuba iyi kipe ibonye bisi kuko gukodesha amamodoka byatwara iyi kipe miliyoni 3.

Kugeza ubu iyi kipe ntiragira aho ibarizwa, ni ukuvuga sitade yayo yigengaho nyamara iri mu makipe afite abafana benshi.



Abafana ba Rayon Sports bacinye akadiho bishimira ko ikipe bafana ibonye bisi

Paul Muvunyi yavuze ko nyuma yo kubona bisi igikurikiyeho ari ugushaka uko iyi kipe yabona sitade yayo no gukomeza gushaka intsinzi. Yashishikarije abana bayo kwibumbira muri za Fan Club kuko aribwo bwiza bwo gushyigikira iyi kipe.

Uko ubushobozi bwo kugura iyi bisi bwabonetse

Tariki 5 Ugushyingo 2018 nibwo ikipe ya Rayon Sports yamuritse ku mugaragaro iyo modoka ifite agaciro ka Miliyoni 100 FRW. Icyo gihe ntiyahise itangira gukoreshwa kuko Rayon Sports yategereje ko hatangwa igice cya mbere cy’ubwishyu kingana na Miliyoni 50 FRW muri Akagera Motors. Tariki 15 Mutarama 2019 nibwo ubuyobozi bwa Radiant bwashyikirije Rayon Sports sheki ya Miliyoni 34 FRW nayo yongeraho andi Miliyoni 16 FRW.

Imodoka ya Rayon Sports Foton AUV ifite agaciro ka Miliynoni 100 z’amafaranga y’u Rwanda. Igice cya mbere cy’ubwishyu ni Miliyoni 50 FRW. Rayon Sports yatanzeho Miliyoni 16 FRW naho Radiant yo ikaba yaratanze Miliyoni 34 FRW. Radiant izishyura andi miliyoni 34 FRW azava muri ‘Commissions’ z’abafana ba Rayon Sports bazafatamo ubwishingizi bunyuranye, andi ave mu bafatanyabikorwa ba Rayon Sports bazakenera kuyamamazaho.

Kuri ubu iriho ibirango bya Rayon Sports, Sosiyeti y’Ubwishingizi ya Radiant ari nayo igomba gutanga igice kinini (miliyoni 68 FRW) ndetse n’Akagera Business Group kabarizwamo Akagera Motors kagomba kujya kayitaho (entretien de l’automobile) nta kiguzi.



INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...