konka coffee
KONKA

AMAKURU

UKWEZI

Rayon Sports yatsinzwe na USM Alger bituma irushaho kujya ahabi

Rayon Sports yatsinzwe na USM Alger bituma irushaho kujya ahabi
18-07-2018 saa 21:51' | By Muhizi Olivier | Yasomwe n'abantu 1905 | Ibitekerezo

Kuri uyu wa Gatatu tariki 18 Nyakanga, Rayon Sports yari yakiriye U.S.M Alger yo muri Algeria mu mukino wa CAF Confederation Cup mu mikino yo mu matsinda umukino wabereye kuri sitade ya Kigali i Nyamirambo, umukino warangiye iyi kipe ikomoka i Nyanza irushijeho kujya ahabi kuko yatsinzwe amahirwe yo gukomeza agakomeza kuyoyoka.

Uyu mukino watangiye amasaha yari ateganyijwe ataragera kuko watangiye saa kumi n’ebyiri zateganyijwe zibura iminota 3. Umukino watangiye Rayon Sports ari yo yinjira mu mukino mbere, maze ku munota wa 40 Ismaila Diarra abonera igitego Rayon Sports.

U.S.M Alger yabaye nk’ikanguka maze ku munota wa 45 itsinda igitego cyo kwishyura cyatsinzwe na Farouk Chafai, igice cya mbere kirangira amakipe yombi anganya igitego kimwe kuri kimwe.

Mu gice cya kabiri amakipe yombi yaje yakaniranye ariko Rayon Sports ntiyakomeza kubona amahirwe yari kubyara ibitego. Ahagana ku munota wa 75, ku burangare bw’abakinnyi b’inyuma ba Rayon Sports U.S. M Alger yabonye amahirwe Abderrahmane yisanga asigaranye n’umuzamu ariko amahirwe yari abonye ntiyayabyaza umusaruro umuzamu wa Rayon Sports Abouba Bashunga ababera ibamba.

Umukino wakomeje gukinirwa hagati mu kibuga ntakipe isatira indi, iminota isanzwe y’imukino irangira amakipe yombi anganya igitego kimwe kuri kimwe bongeraho iminota 4 y’inyongera maze ku munota wa 92 Mohammed Benkhemassa atsindira U.S.M Alger igitego cy’agashinguracumu. Muri iri tsinda kandi Gor Mahia yatsinze Younger Africans ibitego 3 ku busa, kugeza ubu Rayon Sports ikaba ari iya gatatu muri iri tsinda nyuma ya U.S.M Alger ifite amanota 7 na Gor Mahia ifite amanota 5.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...