AMAKURU

UKWEZI
pax

Rayon Sports yirukanye Michael Sarpong kubera amagambo yavuze ku muyobozi wayo

Rayon Sports yirukanye Michael Sarpong kubera amagambo yavuze ku muyobozi wayo
23-04-2020 saa 21:02' | By Twagirayezu Vincent | Yasomwe n'abantu 855 | Ibitekerezo

Ubuyobozi bw’ikipe ya Rayon Sports bwatangaje ko bumze gutandukana n’umukinnyi w’umunya-Ghana, Michael Sarpong kubera imyitwarire mibi irimo n’amagambo yari aherutse gutangaza avuga ko umuyobozi wayo, Munyakazi Sadate nta bwenge agira bityo ko adafite ubushobozi bwo kuyobora iyi kipe.

Nyuma y’uko ikipe ya Rayon Sports ifashe icyemezo cyo kuba ihagaritse amasezerano y’abakinnyi, uyu rutahizamu yabaye umwe mu bakinnyi batishimiye iki cyemezo ndetse bahita banabigaragaza. Mu kiganiro yagiranye n’ikinyamakuru Funclub yavuze ko Perezida Munyakazi Sadate ‘nta bwenge agira ndetse ko nta bushobozi afite bumwemerera kuyobora ikipe y’ubukombe nka Rayon Sports.

Sarpong yari yagize ati “Nta bwenge afite, ntabwo akwiye kuyobora iyi kipe y’ubukombe. Iyi kipe ikomeye ikeneye umuntu ukuze bihagije mu mutwe ushobora kuganira n’abakinnyi. Sinkeka ko n’abakinnyi bifuza ko aguma ku mwanya ariho ubu. Ndakeka abakinnyi batamwifuza ubu.”

Nyuma yo kuvuga aya magambo Sarpong yandikiwe ibaruwa imusaba gutanga ibisobanuro kuri iyi myitwarire aho ikipe ya Rayon Sports yavugaga ko amakosa yakoze atihanganirwa mu kazi.

Rayon Sports mu ibaruwa yanditse mu rurimi rw’igifaransa yandikiwe uyu munya-Ghana yagize ati “Dushingiye ku kuba nta mpamvu ishobora gusobanura imyitwarire yawe yo gutukana kandi itiyubashye, Rayon Sports irakumenyesha ko isheshe amasezerano yawe kubera amakosa yawe akomeye.”

Iyi kipe yasoje yifuriza uyu mukinnyi wari wanayigiriye,o ibihe byiza amahirwe masa ahandi hose azajya.

Michael Sarpong yageze muri Rayon Sports muri 2018 avuye muri Dreams FC yo mu gihugu cya Ghana. Yari akiri umukinnyi wa Rayon Sports nyuma y’uko muri Mutarama uyu mwaka yari yifujwe n’ikipe ya Changchun Yatai FC yo mu Bushinwa ariko bikarangira agarutse kurangira agarutse mu Rwanda kubera icyorezo cya Covid-19 cyatumye imikino yose ihita ihagarara.

Michael Sarpong yirukanywe muri Rayon Sports kubera kuvuga ko umuyobozi wayo udafite ubwenge bwo kuyobora iyi kipe avuga ko ari ubukombe


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA