konka coffee
KONKA

AMAKURU

UKWEZI

Rwatubyaye yeruye impamvu yishushanyijeho zishingiye ku buzima yabayemo bubabaje cyane

Rwatubyaye yeruye impamvu yishushanyijeho zishingiye ku buzima yabayemo bubabaje cyane
12-02-2019 saa 15:42' | By Muhizi Olivier | Yasomwe n'abantu 3569 | Ibitekerezo 3

Rwatubyaye Abdul ni myugariro w’ikipe y’igihugu Amavubi ndetse n’ikipe ya Kansas City yo muri Leta Zunze Ubumwe za Amerika. Uyu mukinnyi wari umaze igihe muri Rayon Sports, yasobanuye iby’ibishushanyo bigaragara ku mubiri we (Tattoo ) ndetse avuga n’amafaranga byamutwaye abishyiraho ndetse n’icyo bisobanura.

Rwatubyaye yakuriye mu ishuri ryigisha umupira w’amaguru rya APR FC ndetse anakinira ikipe nkuru ya APR FC. Igihe cyose yamaze ayikinira nta bishushanyo (Tattoo ) byagaragaraga ku mubiri we ariko nyuma aho agiriye muri mukeba Rayon Sports yabishyizeho ndetse ahindura n’inyogosho yari asanganywe .

Rwatubyaye agikinira APR FC nta bishushanyo yari afite ku muburi we ndetse n’inyogosho yabaga isanzwe

Yabishushanyijeho kubera kwigunga

Muri Nyakanga 2016 Rwatubyaye yavuye muri APR FC yerekeza muri Rayon Sports FC, ahita aburirwa irengero adakiniye Rayon Sports umukino n’umwe yerekeza mu Misiri aho yamaze hafi ukwezi n’igice kose ntakintu arimo akora yigunze gusa.

Mu kiganiro yagiranya na TV1O, Rwatubyaye yavuze ko kwigunga ari byo byatumaga ashyiraho ibi bishushanyo. Yagize ati: "Ntabwo nigeze ntekereza gushyiraho Tatuage ndi mu Rwanda ariko ngeze mu Misiri mpamara ukwezi n’igice nkomeza kwigunga nkabura icyo nkora uko irungu rimfashe nkagenda bakabishushanyaho nkagaruka umubiri wuzuye, ubusanzwe nkunda indabo cyane ibishushanyo biri ku mubiri wanjye rero bifite icyo bivuze ninayo mpamvu ubona izi ndabo ku mubiri wanjye, naho iyi nzu ni iyo mu Bushinwa ariko n’abayapani bakunda kuzubaka nanjye nshaka kuzatura muri iyi nzu cyangwa nkayubaka ni inzozi mfite ,hanyuma n’aya magambo yanditseho (Sweet home Kigali ), nkunda umujyi wacu cyane naho ayo marira ari hafi yo ku maso asobanura byinshi cyane mu buzima bwanjye ndetse n’uko abantu bamfataga; ashushanyije ubuzima nanyuzemo kugeza nkuze “.

Umubiri we hafi ya wose yawushushanyijeho ibishushanyo, iki kiri ku kaboko n’indabyo ndetse n’inzu akunda cyane iba mu Bushinwa

Rwatubyaye akomeza avuga ko yakuze yifiteho inshingano kuko yabuze ababyeyi akiri muto. Aha ati “Nakuze ntazi papa naho mama we namubuze mu 2000 mfite imyaka 4 gusa, sinagize amahirwe nk’abandi bana nakuze nta muntu n’umwe unyizera nta muntu unshyigikira, yaba n’abantu bo hafi yanjye mu muryango bose batancira akari urutega ndetse n’abarimu bange bose byari uko, ayo marira yo ku maso ni cyo asobanuye “.

Avuga ko kwishushanyaho byamutwaye asaga amadorali ibihumbi 2000, byose ngo byatewe n’ubuzima bwo kubaho wenyine yabayemo igihe yari mu Misiri. Rwatubyaye agiye muri Kansas City avuye muri Rayon Sports aho abaye umukinnyi wa mbere mu Rwanda uzajya uhembwa agatubutse ku kwezi.

No mu ijosi rye harashushanyije ndetse akunda no guhindura inyogosho cyane

Aya marira ari ku maso ,ashushanya imibereho ye yanyuzemo akiri muto nyuma yo kubura ababyeyi be

Amaso ye impande zombi ashushanyijeho amarira hepfo y’amaso

Ubu Rwatubyaye ni umukinnyi wa Kansas City yo muri Leta Zunze Ubumwe za Amerika

Rwatubyaye yakuriye muri APR FC mbere yo kujya muri mukeba Rayon Sports

Yatunguye abantu cyane muri Nyakanga 2016 ava muri APR FC akerekeza muri Rayon Sports byanakuruye kuburirwa irengero nyuma yo gusinyira Rayon Sports


INKURU ZA :
Tanga Igitekerezo
Ibitekerezo 3
Peace Kuya 18-02-2019

Ariko njya nibaza kuki umwana w Impfubyi kenshi atereranwa ariko urerewe ahandi afite ababyeyi ntahure nibyo bibazo

John Kuya 13-02-2019

Mwana w’URwanda humura kandi komera intego wihaye uzayigeraho komeza umurava nubwo bwose wabuze ababyeyi ufite igihugu cyiza( Rwanda) ruzakubera byose icyingenzi nuko uriho rero ugomba kubaho kandi neza

John Kuya 13-02-2019

Mwana w’URwanda humura kandi komera intego wihaye uzayigeraho komeza umurava nubwo bwose wabuze ababyeyi ufite igihugu cyiza( Rwanda) ruzakubera byose icyingenzi nuko uriho rero ugomba kubaho kandi neza

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...