AMAKURU

UKWEZI
cheno 2020

Shampiyona y’Ubudage (BundesLiga) igiye kubimburira izindi gusubukurwa ku mugabane w’Uburayi

Shampiyona y’Ubudage (BundesLiga) igiye kubimburira izindi gusubukurwa ku mugabane w’Uburayi
7-05-2020 saa 17:29' | By Twagirayezu Vincent | Yasomwe n'abantu 328 | Ibitekerezo

Shampiyona y’icyiciro cya mbere mu Budage (Bundesliga) n’icya kabiri zemerewe gusubukurwa nyuma y’amezi agera kuri abiri zari zimaze zarahagaze kubera icyorezo cya Covid-19 ikaba yaraburaga imikino icyenda ngo irangire.

Nyuma y’uko tariki 7 Mata abakinnyi bo mu cyiciro cya mbere n’icya kabiri bari bemerewe gutangira gukora imyitozo ariko igakorwa hubahirijwe amabwiriza yo kwirinda icyorezo, mu cyumweru gishize Ishyirahamwe ry’umupira w’amaguru mu gihugu cy’Ubudage, DFL ryatangiye gupima abakinnyi Coronavirus hafatwa ibipimo bisaga 1700 muri byo 10 basanga aribo banduye bahita bashyirwa mu kato.

Ni mugihe kugeza ubu ababarirwa mu bihumbi 150 aribo barwaye Coronavirus muri iki gihugu naho abasaga 6300 bamaze guhitanwa nayo.

Kuri uyu wa Gatatu tariki 06 Gicurasi nibwo Chanceliere w’Ubudage, Angela Merkel yatanze uburenganzira ko ubu imikino ishobora kongera kuba ndetse ko bitari ngombwa ko abakinnyi babanza gushyirwa mu kato.

Angela Merkel yavuze ko imikino y’umupira w’amaguru izasubukurwa mu mpera z’uku kwezi ariko ikajya iba mu muhezo nta bafana bari mu ma sitade.

Hategerejwe inama y’inteko rusange y’ubuyobozi bwa Bundesliga iteganyijwe kuzateranira i Frankfurt kugirango yige ku buryo bwo gusubukura shampiyona no gushyiraho ingengabihe y’uburyo imikino izasubukurwamo.

Shampiyona y’Ubudage ibaye iya mbere mu zikomeye ku mugabane w’Uburayi ihawe uburenganzira bwo gusubukurwa mugihe iy’Ubufaransa yo yasojwe imburagihe naho iy’Ubwongereza (Premier League) ikaba itarafatwaho umwanzuro.

Ubwo shampiyona y’Ubudage yahagarikwaga Bayern Munich niyo yari ku mwanya wa Mbere igakurikirwa na Borussia Dortmund ikaba yaraburaga imikino icyenda ngo isozwe usibye Eintracht Frankfurt na Weder Bremen zari zisigaje imikino 10.

BundesLiga ibaye iya mbere mu zikomeye ku mugabane w’Uburayi igiye gusubukurwa nyuma ya Guma Murugo


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...