konka coffee
KONKA

AMAKURU

UKWEZI
ubumwe

Sunrise FC ikubise ahababaza APR FC

Sunrise FC ikubise ahababaza APR FC
23-01-2019 saa 19:50' | By Muhizi Olivier | Yasomwe n'abantu 1403 | Ibitekerezo

Umukino w’ikirarane utarabereye igihe wahuzaga Sunrise FC na APR FC i Nyagatare, urangiye Sunrise ikubise ahababaza APRFC iyitsinda igitego ku munota wa 89, nyuma y’imyaka 5 yari imaze idatsinda APR FC.

Uyu mukino wari uwo ku munsi wa 7 wa shampiyona utarebereye igihe, wabereye kuri Stade Amabati i Nyagatare. Sunrise FC yari yakiriye APR FC yatangiye ubona isatira cyane kurusha APR FC, ku munota wa 4 w’umukino rutahizamu wayo ukomoka muri Nigeria Babua Samson atsinda igitego cya mbere ku makosa y’abakinnyi b’inyuma ba APR FC.

APR FC yabaye nk’ikangutse nayo itangira gukina isatira ishaka kwishyura, ku munota wa 38 Hakizimana Muhdjili aboneza mu izamu ku mupira yari ahawe na Sugira, APR FC ibona igitego cyo kwishyura igice cyambere kirangira amakipe yombi anganya igitego kimwe kuri kimwe .

Muhadjili niwe watsindiye APR FC igitego cya mbere muri uyu mukino .

Mu gice cya kabiri Sunrise yakiniraga ku kibuga cyayo yaje yariye karungu itangira isatira maze ku munota wa 50 Uwambajimana Leo ayitsindira igitego cya kabiri. Umupira wakomeje gukinirwa hagati mu kibuga, ku munota wa 68 Savio Nshuti Dominique atsindira APR FC igitego cya 2 ku mupira yari yatse abakinnyi b’inyuma ba Sunrise, ariko habura umunota umwe ngo iminota 90 isanzwe y’umukino yuzure Sunrise yatsinze igitego cya 3 cy’agashinguracumu, umukino urangira ari ibitego 3 bya Sunrise FC kuri 2 bya APR FC. Sunrise yigaranzuye APR FC nyuma y’imyaka itanu yari imaze itarabasha kuyikuraho amanota atatu.

APR FC igumye ku mwanya wa mbere n’amanota 35, ikurikiwe na Rayon Sports irusha amanota 4 .

Photo:IGIHE


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...