AMAKURU

UKWEZI

Taekwondo :Abanyarwanda bihariye ibihembo mu irushanwa rya Korean Ambassador’s cup 2018

Taekwondo :Abanyarwanda bihariye ibihembo mu irushanwa rya Korean Ambassador’s cup 2018
9-10-2018 saa 10:47' | By Muhizi Olivier | Yasomwe n'abantu 2210 | Ibitekerezo

Abanyarwanda nibo bihariye ibihembo byinshi mu irushanwa ry’umukino wa Taekwondo waberaga mu Rwanda mu irushanwa rya Korean Ambassador’s cup

Ikipe ya Dream Taekwondo yo mu Gatenga niyo yihariye ibikombe byinshi muri iri rushanwa ryahuriyemo amakipe yo mu bihugu binyuranye byo ku mugabane wa Afurika.

Mu mpera z’icyumweru gishize kuri Petit stade Amahoro i Remera haberaga irushanwa rya Korean Ambassador’s cup ku nshuro yaryo ya 6 ryahurije hamwe amakipe yavuye mu bihugu nka Kenya, Uganda, Sudan, Burundi, Tanzania Repubulika iharanira Demokarasi ya Congo (RDC),ndetse n’andi makipe 18 yari ahagarariye u Rwanda .

Kayitare Benoit na Umurerwa Raissa b’abanyarwanda nibo babonye igihembo nyamukuru cy’ itike y’indege ijya aho Ethiopia Airlines ikorera hose ku isi .

Mu cyiciro cya Taekwondo ikinwa n’abafite ubumuga (Para-Taekwondo), Parfait Hakizimana wo mu nkambi ya Mahama ni we wahize abandi.

Kayitare yahembwe itike y’indege ijya aho Ethiopia Airlines yerekeza

Hakizimana uba mu nkambi ya Mahama yatsinze Niringiyimana Jean Claude wari usanzwe ari uwa 5 ku isi muri uyu mukino. Mu mategeko mpuzamahanga ntibyemewe ko impunzi ikina ihagarariye igihugu yahunze byatumye Hakizimana akinira ku izina ry’impunzi .

Hakizimana wa kabiri hagati yegukanye umudari wa Zahabu nyuma yo guhigika Niringiyimana wari usanzwe ari uwa 5 ku isi muri uyu mukino

Umuyobozi w’Ishyirahamwe ry’imikino ya Taekwondo mu Rwanda, Bagabo Placide yatangaje ko uburyo irushanwa ryagenze n’umusaruro warivuyemo, bisobanura neza ko amakipe arimo gutera imbere, aboneraho gushimira abafatanyabikorwa barimo Minisiteri ya Siporo n’Umuco, Ambasade ya Korea ndetse na Ethiopian Airlines.

Yakomeje avuga ko bizeye ko no mu yandi marushanwa abakinnyi bazakomeza kwitwara neza ntakabuza ndetse n’uyu mukino ukomeze gukwira hose mu Rwanda .

Dream Taekwondo Club yo mu Gatenga yisubije iryo rushanwa yari yegukanye umwaka ushize , ikurikirwa na Dream Fighters Taekwondo Club nay o mu Rwanda mu gihe ku mwanya wa Gatatu haje ikipe ya Sudan Taekwondo ndetsE n’umutoza wayo Mostafa Ahmed Abdallah Muhammed ahembwa nk’uwahize abandi batoza muri iri rushanwa .

Dream Taekwondo yo mu gatenga niyo yatwaye ibikombye byinshi muri iri rushanwa


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...