konka coffee
KONKA

AMAKURU

UKWEZI

Ubutumwa bwa Perezida Kagame kuri Arsenal bwakoze benshi ku mutima

Ubutumwa bwa Perezida Kagame  kuri Arsenal bwakoze benshi ku mutima
4-05-2018 saa 09:08' | By Akayezu Jean de Dieu | Yasomwe n'abantu 4774 | Ibitekerezo 2

Perezida wa Repubulika y’u Rwanda, Paul Kagame usanzwe ari umufana ukomeye w’ikipe ya Arsenal yo mu Bwongereza yababajwe bikomeye n’uburyo umutoza wa Arsenal, Arsene Wenger uri mu bihe bye bya nyuma muri iyi kipe yasezerewe mu mikino ya Europa League atabashije kugera ku mukino wa nyuma ngo anatware igikombe abone kuva muri iyi kipe.

Abakunzi ba Arsenal barimo na Perezida Kagame, baraye basezerewe muri Europa League nyuma yo gutsindwa igitego 1-0 na Athletico Madrid bari banganyije igitego 1-1 mu mukino ubanza wa ½ cy’irangiza.

Ibi byabashenguye cyane ndetse banababazwa n’uko iri rushanwa ari na ryo rya nyuma mpuzamahanga ryo ku rwego mpuzamahanga Umutoza w’Umukambwe Arsene Wenger atoje Arsenal, kuko mu mpeshyi y’uyu mwaka azahita ahagarika gutoza iyi kipe dore ko yamaze no gusezera.

Ibyo ni bwo byatumye Perezida Kagame yandika ku rukuta rwe rwa Twitter, asa n’ugaragaza ko kuba aho Arsenal yambariye inkindi irimo kuhambarira ubucocero ari umugayo kuri beneyo, ariko kandi ngo hakenewe impinduka ikipe akunda ikongera kuba ikipe itwara ibikombe nk’uko yahoze.

Yagize "Ni byo koko hari hakenewe impinduka muri Arsenal, ariko izabaye mbona atari zo zari zikenewe. Amahirwe kuri buri wese bireba. Gusa twari dukeneye ko Arsenal isubira mu bihe byayo byiza, ikongera ikaba mu makipe ya mbere afite n’umukino mwiza."

Perezida Kagame yakomeje avuga ko atanyuzwe na gato n’uburyo Arsenal isoje uyu mwaka w’imikino, ndetse akaba atanishimira uburyo idaheruka igikombe.

Ati "Icyo navuga ku ikipe yanjye nkunda ya Arsenal nuko igira umukino mwiza ndetse ikaba ifite umutoza mwiza nka Arsene Wenger, itagakwiye gusoza gutya uyu mwaka w’imikino."

"N’ubwo umutoza agiye ndetse n’ibikombe bikaba byarabuze, ikibazo nkibona kuri ba nyiri ikipe. Gusa ku bwanjye sindacika intege ndacyari umufana w’akadasohoka wa Arsenal."

Arsenal iheruka kuba ubukombe mu mwaka wa 2003/2004, ubwo yegukanaga igikombe cya shampiyona (ari na cyo iheruka) iciye agahigo ko gusoza imikino yose ya Premier League idatsinzwe umukino n’umwe.

Muri uyu mwaka w’imikino iviriyemo muri ½ cy’irangiza muri Europa League, ikaba iri ku mwanya wa gatandatu (6) ku rutonde rwa shampiyona n’amanota 57, ikaba isigaje imikino ine, ari nay o Umutoza Arsene Wenger asigaje muri iyi kipe ubundi agahita atandukana na yo.


INKURU ZA :
Tanga Igitekerezo
Ibitekerezo 2
Kayumba Alain Kuya 4-05-2018

Amakuru mu postinga, habamo amakosa menshi, mujye mukora checking mbere ya posting. Murakoze!

Diego Kuya 4-05-2018

Forza Atletico. Hari abafana usanga batera umwaku ikipe ntirenge umutaru.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...