AMAKURU

UKWEZI
ubumwe

Umunyakenyakazi wiruka harehare yahagaritswe imyaka 8 azira gukoresha imiti

Umunyakenyakazi wiruka harehare yahagaritswe imyaka 8 azira gukoresha imiti
19-07-2019 saa 11:00' | By Nsanzimana Ernest | Yasomwe n'abantu 1733 | Ibitekerezo

Umugore wo muri Kenya wamamaye mu masiganwa yo kwiruka ahantu harehare Salome Biwott yahanishijwe kumara imyaka 8 atitabira aya marushanwa azira kurenga ku mabwiriza abuza gukoresha imiti.

Salome muri 2012 nabwo yari yahagaritswe imyaka ibiri azira aya makosa.
Ishyirahamwe mpuzamahanga ry’ imikino yo gusiganwa ku maguru IAAF niryo ryahanye uyu mugore nyuma y’ uko ananiwe gutanga ibisobanuro mu rukiko rushinzwe ikinyabupfura. Uyu mugore w’ imyaka 36 y’ amavuko aregwa aregwa ibyaha byo gukoresha imiti yongera imbaraga z’ umubiri n’ iz’ ubwoko.

Itangazo rihagarika uyu mugore Salome imyaka 8, rivuga ko tariki 9 Nyakanga 2019 yabwiwe ko itariko ntarengwa yo kuba yatanze ibisobanuro ari tariki 11 Nyakanga, uyu mugore ngo ntiyigeze yisobanura.

Salome Biwott yari yabanje guhagarikwa ibyumweru bitatu by’ agateganyo nyuma y’ uko bapimye amaraso ye bagasamo ‘Norandrosterone’ kandi ibujijwe.

Byabaye nyuma y’ uko Salome Biwott yari asoje isiganwa rya Sao Paulo International Marathon ari uwa kabiri. Yari akoresheje amasaha 2 n’ iminota 37 n’ amasegonda 33 tariki 7 Mata 2019.

Uyu mugore yafashwe nyuma y’ iminsi mike hafashwe Joyce Chepkirui, watwaye irushanwa rya Glasgow Commonwealth and Africa 10,000m muri 2014 na John Jacob Kibet Kendagor wamamaye mu kwiruka ahantu harehare.

Chepkirui, wasize abandi mu mujyi wa Amsterdam agatwara irushanwa Honolulu marathons in 2015’ muri uwo mwaka yasoje irushanwa rya ‘Boston Marathon’ ari ku mwanya wa 10, nabwo hari muri 2015 arinabwo yahise ahagarikwa kubera ko ikizami kizwi nka ‘Athletes Biological Passport (ABP)’ cyagaragaje ko akoresha imiti.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...