konka coffee
KONKA

AMAKURU

UKWEZI
Minijust

Zinedine Zidane yongeye kugirwa umutoza wa Real Madrid yari igeze aharindimuka

Zinedine Zidane yongeye kugirwa umutoza wa Real Madrid yari igeze aharindimuka
11-03-2019 saa 21:52' | By Chief Editor | Yasomwe n'abantu 2500 | Ibitekerezo

Zinedine Yazid Zidane, Umufaransa w’imyaka 46 y’amavuko wahoze ari umutoza wa Real Madrid yo muri Espagne, yongeye guhabwa amasezerano y’igihe kirekire yo gutoza iyi kipe yari igeze aharindimuka nyamara yayiherukaga ari ikipe yubatse amateka akomeye mu mupira w’amaguru.

Inama y’abayobozi bakuru ba Real Madrid yabaye kuri uyu wa mbere, yanyuze ko iyi kipe igomba gusesa amasezerano yari ifitanye na Santiago Solari wari umaze igihe ayitoza, ariko akaba ataratanze umusaruro bari bamwitezeho. Ubuyobozi bw’iyi kipe kandi bwanzuye ko Zinedine Zidane bakunda kwita Zizou ahita agaruka gutoza iyi kipe ndetse yahawe amasezerano azagera tariki 30 Kamena 2022.

Zidane yari yasezeye ku kazi ko gutoza Real Madrid kuwa Kane tariki 31 Gicurasi 2018, abitangaza ku mugaragaro mu kiganiro yagiranye n’abanyamakuru cyabereye ku kibuga cya Real Madrid. Mu gutangaza ko asezeye, Zidane ati: "Nafashe icyemezo cyo kudakomeza kuba umutoza wa Real Madrid. Iki nicyo gihe kuri buri wese, n’ubwo hari abo byatungura, ariko byagakwiye gukorwa ku bw’inyungu za buri wese, abakinnyi, ikipe nanjye ubwanjye. Iyi kipe igomba gukomeza gutsinda kandi ikeneye impinduka..."

Zidane yavuye muri Real Madrid ari umwe mu batoza bayitoje bakayigeza kuri byinshi kuko yabashije kuyihesha ibikombe bitatu bya UEFA Champions League, ibikombe bibiri by’isi by’amakipe atari ay’ibihugu (FIFA Club World Cup) ndetse n’igikombe kimwe cya shampiyona. Ikirenze kuri ibyo, anafite igikundiro kidasanzwe kuri sitade ya Santiago Bernabéu kuko yanagejeje byinshi kuri Real Madrid igihe yari akiyikinira.

Nyuma ya Zinedine Zidane, ikipe ya Real Madrid yataye ikuzo haba mu gihugu cya Espagne no mu ruhando mpuzamahanga. Nyuma yo kutitwara neza mu mikino ya shampiyona n’iy’igikombe cy’umwami (Copa del Rey), abakunzi bayo babaye nk’abakubiswe igisongo ubwo Ajax yo mu Buholandi yayitsindaga ibitego 4-1 igahita inayisezerera mu mikino ya UEFA Champions League.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...