konka coffee
KONKA

AMAKURU

UKWEZI

AMAFOTO: Muthoni Fiona yagizwe igisonga cya mbere cya Nyampinga wa Afurika

 AMAFOTO: Muthoni Fiona yagizwe igisonga cya mbere cya Nyampinga wa Afurika
28-12-2017 saa 09:17' | By Akayezu Jean de Dieu | Yasomwe n'abantu 1526 | Ibitekerezo

Miss Muthoni Fiona wari uhagarariye u Rwanda mu irushanwa ry’ubwiza rya Miss Africa 2017 akaba ari n’umwe mu bahabwaga amahirwe menshi yo kwegukana ikamba ntiyabashije gutsinda gusa yabaye igisonga cya mbere, ikamba ryegukanwa na Gaseangwe Balopi wo muri Botswana.

Ibirori byo gutanga ikamba rya Miss Africa 2017 ryatanirwaga n’abakobwa 25 baturutse mu bihugu bitandukanye bya Afurika, byabereye ahitwa Calabar International Conference Centre muri Nigeria, mu ijoro ryo ku wa Gatatu tariki ya 27 Ukuboza 2017.

Aba bakobwa babanje kubazwa ibibazo bitandukanye birimo ibijyanye no kurengera ibidukikije, maze haza gutorwamo 15 bahigaga abandi nabo baje gutorwamo batanu ba mbere baturuka mu bihugu bya Namibia, Botswana, Afurika y’Epfo, Sudani y’Epfo n’u Rwanda.

Abo batanu nibo batowemo Miss Africa Calabar 2017 maze Gaseangwe Balopi wo muri Botswana yegukana ikampa, Fiona Muthoni aba igisonga cya mbere igisonga cya kabiri kiba Nyampinga wo muri Afurika y’Epfo.

Miss Gaseangwe yambitswe ikamba anahembwa sheki iriho ibihumbi 30 by’Amadolari ya Amerika, ni ukuvuga abarirwa muri miliyoni 25RWf n’imodoka nshya.

Ibirori byo gutangaza uwegukanye ikamba rya Miss Africa 2017 byasusurukijwe n’abahanzi barimo umuririmbyi wo mu Rwanda witwa Neza, Tekno na Runtown bo muri Nigeria, Vanessa Mdee wo muri Tanzania ndetse na Mafikizolo bo muri Afurika y’Epfo.

Mu gihe kigera ku byumweru bitatu, Miss Fiona na bagenzi be bamaze muri iryo rushanwa bakoze ibikorwa bitandukanye birimo gusura ahantu hatandukanye, gukora isuku mu duce dutandukanye, gutaha ibikorwa remezo birimo umuyobora w’amazi meza n’ibindi.

Irushanwa ry’ubwiza rya Miss Africa, rifite intego yo kurengera ibidukikije, ryatangiye mu mwaka wa 2016. Muri uwo mwaka ikamba ryegukanwe n’umukobwa wo muri Angola witwa Neurite Mendes.

Miss Fiona wari uhagarariye u Rwanda yaserutse neza atahana umwanya wa kabiri muri Miss Africa 2017


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...