konka coffee
KONKA

AMAKURU

UKWEZI

AMAFOTO: Safi wabonye umujyanama yasubije byinshi ku byamuvuzweho

AMAFOTO: Safi wabonye umujyanama yasubije byinshi ku byamuvuzweho
21-11-2017 saa 18:24' | By Akayezu Jean de Dieu | Yasomwe n'abantu 3903 | Ibitekerezo 1

Umuhanzi Safi Madiba wahoze aririmba mu itsinda rya Urban Boyz yamaze gusinya amasezerano y’imyaka itatu na kompanyi ‘The Mane’ ije ari nk’umujyanama mushya mu bya muzika bazakorana ibikorwa byo guteza imbere muzika y’uyu muhanzi birimo no kumugeza ku rwego mpuzamahanga avuga ko ari zo nzozi yahoze arota kuva yakwinjira mu muziki.

Iyi The Mane ihagarariwe na Mupenda Ramadham uzwi ku izina rya Badrama yari isanzwe ikoreramo umuhanzikazi Marina nawe utangiye kwigarurira imitima y’abafana batari bake, akaba afitemo amasezerano y’imyaka 10 yatangiye mu ntangiriro z’uyu mwaka.

Uyu muhanzikazi Marina avuga ko mu gihe gito amaze akorana n’iyi kompanyi ya The Mane hari ibikorwa byinshi amaze kugeraho atari kuba yarigejejeho ku giti cye ndetse avuga ko imyaka 10 yasinye azaba amaze kugera ku rwego rushimishije cyane ko kuri ubu hari indirimbo nyinshi amaze gushyira ahagaragara ziri mu buryo bw’amajwi n’amashusho harimo iyo yakoranye n’umuhanzi wo muri Tanzania izasohoka mu gihe cya vuba.

Badrama uyobora iyi kompanyi ya ‘The Mane’ yabwiye itangazamakuru ko amasezerano ye na Safi Madiba atazaba ayo gusinzirana ahubwo hari byinshi byitezwemo nko kugeza aba bahanzi bakorana ku rwego mpuzamahanga. Badrama kandi yavuze ko ibikorwa byatangiye ndetse ibindi byinshi biri imbere haba ku ruhande rwa Safi Madiba ndetse no ku ruhande rwa Marina.
Uhereye i Bumoso: Safi Madiba, Marina na Badrama (Umujyanama w’aba bahanzi bagize The Mane)

Kuri Safi Madiba winjiye muri iyi kompanyi nk’umuhanzi uherutse gutangira urugendo rwo gukora muzika ku giti cye nyuma yo kwitandukanya na bagenzi be bahoranye mu itsinda rya Urban Boyz, yavuze ko agendeye ku bunararibonye afite muri muzika ndetse n’abajyanama benshi yakoranye nabo yizeye ko azagera ku rwego rushimishijwe abifashijwemo na The Mane.

Ubwo yari mu kiganiro n’abanyamakuru cyo kuri uyu wa Kabiri tariki 21 Ugushyingo 2017, Safi Madiba yasubije ibibazo byinshi byamuvugwagaho birimo uru rugendo yatangiye muri The Mane, Ibyo kuba ateganya kujya muri Canada agasangayo umugore we, ndetse n’ubwambuzi yigeze gushinjwa n’abagize itsinda rya Urban Boyz.

Agaruka ku itandukaniro yabonye kuri uyu mujyanama mushya agereranije n’abo yagiye akorana nabo akibarizwa muri Urban Boys, Safi Madiba yavuze ko itandukaniro yabonye kuri Ramadhan ari uko baganiriye akumva we ashobora kumugeza ku rwego mpuzamahanga nk’uko yahoze abirota.

Yagize ati “Ikindi nk’uko wabivuze njyewe nari nsanzwe nkora muzika ariko nahoze ndota kuzakora ibintu biri ku rwego mpuzamahanga, rero nahuye n’abayobozi ba The Mane turaganira numva bafite uburyo n’ubushobozi bwo kungeza kuri urwo rwego rero nanjye nemera gukorana nabo”

Agaruka kubijyanye na bimwe mubyo Urban Boyz yavuze ko ishobora kuba ihuriyeho n’uyu muhanzi, yagize ati “Buriya tujya kuza mu muziki ntabwo RDB yabagaho ngo tube twakwandikisha ibikorwa byacu ariko kuri ubu Urban Boyz yari yaramaze kwandikwa nka kompanyi ariko njyewe mfite umunyamategeko kandi ibyo nabagombaga twarabikemuye ndetse nabo ibyo bangombaga barabikemuye, ikijyanye n’indirimbo twahuriragamo ziramutse zibagiriye izindi nyungu zakomeza ari iza Urban Boyz kuko iracyahari ntabwo yasenyutse n’ubwo njyewe nayivuyemo”

Abajijwe iby’ubujura yabanje gushinjwa na Nizzo amwita umwambuzi, Safi Madiba yagize ati “Iriya YouTube burya ni njyewe wari warayikoze kuko mbere twari dusanzwe dufite abo dukorana bagezaga ibihangano byacu kuri YouTube ariko nyuma tuza kujya muri Nigeria njyewe mpava mfashe umwanzuro wo gukora YouTube yacu nk’uko twasanze abahanzi bo muri Nigeria babigenza, ubwo rero naraje nkora iriya YouTube uretse ko kugeza ubu njyewe nayibahariye ngakora iyanjye bwite kuko njye sinkunda ibintu by’amahane”

Abajijwe ku kuba ashobora kuzasanga umugore we muri Canada, yagize ati “Ibyo rwose na Badrama yabanje kubimbazaho mbere na mbere tugitangira kugirana ibiganiro by’imikoranire, ariko njyewe mpora mbivuga ko ndi umunyarwanda, rero nshobora kuva hano nkajyayo mu rwego rwo kureba umugore cyangwa nkajya gukora n’ibitaramo muri iki gihugu ariko nzajya mpita ngaruka i Kigali kuhakomereza ibikorwa byanjye”

Kugeza ubu ntabwo itangazamakuru ryahishuriwe ibikubiye mu masezerano y’imyaka itatu yahawe Safi ndetse n’aya Marina wasinye imyaka 10 ariko ubuyobozi bwa The Mane bwavuze ko igikubiyemo nyamukuru ari uko aba bahanzi bazajya bakorerwa ibihangano byabo ndetse bikanakorerwa imenyekanisha mu mu rwego rwo kubageza ku rwego mpuzamahanga.


INKURU ZA :
Tanga Igitekerezo
Ibitekerezo 1
CHACHA Kuya 22-11-2017

iyi the mane yaritaramenyekana cyane mu rwanda,nuyu marina nibwo agitangira kujya mumatwi yabanyarwanda.ndumva safi rero agiye kuba menyekanisha ino

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...