konka coffee
KONKA

AMAKURU

UKWEZI

AMAFOTO & VIDEO: Umuhanzi Ama-G yasezeranye kubana akaramata na Uwase Liliane

AMAFOTO & VIDEO: Umuhanzi Ama-G yasezeranye kubana akaramata na Uwase Liliane
15-12-2017 saa 10:11' | By Chief Editor | Yasomwe n'abantu 7684 | Ibitekerezo 6

Hakizimana Amani, umuhanzi nyarwanda mu njyana ya Hip Hop, yasezeranye kuzabana akaramata na Uwase Liliane bamaze igihe bakundana, imihango yo gusezerana imbere y’amategeko ikaba yabimburiye indi mihango y’ubukwe bwabo iteganyijwe mu minsi ya vuba iri imbere.

Mu masaha ya mugitondo cyo kuri uyu wa Gatanu tariki 15 Ukuboza 2017, nibwo Ama-G The Black na Uwase Liliane basezeranye imbere y’amategeko mu biro by’umurenge wa Runda mu karere ka Kamonyi, barahirira imbere y’ibendera ry’u Rwanda ko bazabana akaramata bagafatanya muri byose nk’uko amategeko y’u Rwanda abiteganya.

Ama-G n’umukunzi we bakurikiranye inyigisho basobanurirwa ibyo abagiye kurushinga bategekwa

Ibirori byo gusezerana kwa Ama-G na Uwase Liliane, byitabiriwe na bimwe mu byamamare nyarwanda birimo umunyamakuru Mike Karangwa ndetse n’umuhanzikazi, umunyamideli akaba n’umukinnyi w’amafilime, Aline Gahongayire. Abaturage benshi kandi barangariye cyane ubukwe bwa Ama-G na Liliane, kuburyo hanze y’ibiro by’umurenge hari huzuye abantu barungurukiraga mu madirishya uburyo uyu muraperi asezerana n’umukunzi we.

Umunyamabanga Nshingwabikorwa n’ushinzwe irangamimerere batanga inyigisho z’abagiye gusezerana

Aline Gahongayire yari kumwe na Mike Karangwa mu birori byo gushyigikira Ama-G

Nyuma yo gusezerana imbere y’amategeko, biteganyijwe ko tariki 24 Ukuboza 2017, ari bwo Ama-G azajya gusaba no gukwa Liliane Uwase, mu mihango n’ubundi izabera muri uyu murenge wa Runda mu karere ka Kamonyi, ahazwi nko muri Chris Guest House ku Ruyenzi. Nyuma y’uwo muhango saa cyenda z’amanywa yo kuri uwo munsi, abatumiwe bazakirirwa kuri Tella Vista ku Kicukiro mu mujyi wa Kigali.

Ubu Ama-G The Black ni umugabo wa Liliane imbere y’amategeko

Urukundo rwa Ama-G The Black na Uwase Liliane ntabwo rwakunze kuvugwa cyane mu bitangazamakuru, kuko byatangiye kuvugwa muri Gicurasi uyu mwaka, nyuma y’uko Ama-G yari amaze gutandukana na Rosine bari bamaze imyaka irenga itatu babana nk’umugabo n’umugore n’ubwo batari barasezeranye, ndetse n’umwana bari barabyaranye yajyanye na nyina. Mbere yo gutandukana, Ama-G na Rosine byavugwaga ko bazakora ubukwe mu ntangiriro z’uyu mwaka wa 2018.

REBA VIDEO UKO BYARI BYIFASHE HANO:


INKURU ZA :
Tanga Igitekerezo
Ibitekerezo 6
dany Kuya 14-09-2018

amag njendamwemera kuko ibyo akora abayabltekerejeho

Dusengimana Kuya 25-12-2017

Niwe Uzi Icyoyamukundiye Ntimukababanzwe Nibitabare Reba Ibyawe Ibyabandi Urebekuruhande

ruru Kuya 16-12-2017

Mbega umutubuzi ngo ni AMAG NONESE UyU NIWE MUZASEZERANA MURI ISLAM KOKO

pasy Kuya 16-12-2017

nibyiza bazabane amahoro kd bakoze neza

bombo Kuya 15-12-2017

Uyumukobwa arambabaje kbsa, uyu koko numugabo ashatse? yewe ubwiza bwumukobwa ntacyo Bukivuze koko? Imana izabafashe ntakindi nabasabira.

mh Kuya 15-12-2017

Ariko uyu ngo na AMAG agira irihe dini mperuka ari umusiramu ,none ndebera uriya mugore we uko yambaye Amadini aragwira

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...