konka coffee
KONKA

AMAKURU

UKWEZI

Akumiro n’agatangaro mu matora y’abahanzi bahatanira PGGSS 7 - URUTONDE RW’ABATOWE

Akumiro n’agatangaro mu matora y’abahanzi bahatanira PGGSS 7 - URUTONDE RW’ABATOWE
8-03-2017 saa 17:59' | By Chief Editor | Yasomwe n'abantu 22400 | Ibitekerezo 15

Mu nkuru Ikinyamakuru Ukwezi.com cyabagejejeho ijyanye n’uburyo hari amwe mu mabanga y’ibibera mu marushanwa ya Primus Guma Guma Super Star bigiye gushyirwa hanze, twakomoje ku gitabo cyiswe "PGGSS, Akabazo cyangwa Agatangaro" kigeze kure cyandikwa n’umwe mu bahanzi nyarwanda, akaba umwe mu bakurikiranye amarushanwa ya Primus Guma Guma Super Star ndetse yigeze no kuyitabira. Ibiri kuba mu gihe hatorwa abahanzi bazahatanira ibi bihembo ku nshuro ya 7, byo bikomeje kwibazwaho n’abantu benshi batandukanye. Bamwe baribaza bikabayobera, abandi barabireba bagatangara mu gihe abandi bo bumiwe.

Mu gitabo cy’umwe mu bahanzi nyarwanda kizashyira hanze vuba bimwe mu bibera mu marushanwa ya Primus Guma Guma Super Star, harimo n’aho avuga ko azagaragaza ibijyanye n’Urugamba mu gutoranya abahanzi bitabira irushanwa rya PGGSS, uko amategeko yagiye ahinduka buri mwaka n’impamvu nyamukuru zagiye zituma ahinduka. Muri uyu mwaka wa 2017 nabwo, ibintu byarahindutse kandi birakemangwamo urunturuntu.

Icya mbere kivuze byinshi cyahindutse, ni ikijyanye n’abagombaga gutora aba bahanzi. Ubusanzwe abanyamakuru bakora mu bijyanye n’imyidagaduro, abatunganya muzika n’abandi bakorana bya hafi n’abaririmbyi bo mu Rwanda, nibo bitabazwaga na EAP ifatanya na Bralirwa gutegura amarushanwa ya Primus Guma Guma Super Star. Uyu mwaka ariko ibintu byarahindutse, abategura aya marushanwa bategura andi mayeri benshi mu banyamakuru bakemanga bikomeye.

SOMA INKURU BIJYANYE HANO: Hagiye gushyirwa hanze amanyanga, kata n’ibiteye isoni bibera muri Primus Guma Guma

Mu myaka yabanje, Bralirwa ibinyujije mu kinyobwa cya Primus, yagendaga isinyana amasezerano na bimwe mu bitangazamakuru ikazajya ibiha amafaranga buri kwezi mu mezi aya marushanwa amara aba, bakemeranywa imikoranire, byumvikana ko ibi binyamakuru byagiye byirinda gutangaza amwe mu makuru agaragaza amakosa n’ibindi bitagenda bikorwa muri aya marushanwa. Hari kimwe mu binyamakuru bikorana na Bralirwa, kibitse amashusho menshi yafatiwe i Karongi muri 2015, agaragaza abana bato basinze inzoga za Primus, ndetse inkuru ibigaya yigeze gutegurwa ariko ubuyobozi busanga yabateranya na Bralirwa bafitanye amasezerano, bahitamo kwicecekera.

Muri macye, Bralirwa na EAP babashije gutsinda igitego cyo guhisha ibibi bibera mu marushanwa ya Primus Guma Guma Super Star, ariko ibijyanye n’amatora buri mwaka biranengwa, cyane ko yitabirwaga n’abanyamakuru batandukanye barimo n’abadafitanye amasezerano na Bralirwa. Ibi byatumye muri uyu mwaka wa 2017, hakoreshwa andi mayeri yo kwemerera ibinyamakuru bafitanye amasezerano kandi bizajya bihabwa amafaranga buri kwezi, ko ari byo byonyine bigomba gutora abahanzi bazitabira aya marushanwa ya Primus Guma Guma Super Star 7.

Umwe mu banyamakuru bakorera televiziyo imwe ikunzwe cyane mu Rwanda ariko idakorana na Bralirwa, yatangarije ikinyamakuru Ukwezi.com ko bo impamvu bangiwe gushyirwa mu batora, ari uko basanzwe bazwiho kunenga ibitagenda no kudashyigikira ibintu birimo amanyanga, gusa akumva ibi bigaragaza urunturuntu bityo bakaba bakwiye kwerura ko Bralirwa na EAP ari bo bitorera abahanzi bakoresheje ibinyamakuru baha amafaranga bidashobora na mba kubanenga kuko byaba byishe amasezerano bagiranye.

Guhindagura amategeko n’amabwiriza byaba bigamije kwigizayo abadashakwa n’abategura irushanwa.

Buri mwaka amabwiriza agenga irushanwa arahinduka, kuburyo hari n’abatekereza ko ibikorwa bishobora no gushingira ku mugambi wo gushaka kwikiza bamwe mu badashakwa muri iri rushanwa, cyane nk’abahanzi baba baragiye bagaragaza kurinenga mu buryo ubwo ari bwo bwose. Muri uyu mwaka, icyahinduwe kikavugisha benshi ni ikijyanye n’imyaka, aho abahanzi nka Danny Vumbi na Senderi bakuwe mu bagomba gutorwa kuko barengeje imyaka 35 y’amavuko. Aha abakunda gukurikirana ibya muzika mu Rwanda, bagiye bagaragaza ko ntaho byabaye ko irushanwa ry’abahanzi bakunzwe cyane, rikumirwamo ab’imyaka runaka, ariko kandi bakagaruka no ku kuba ibi ari ibintu bigenda bihindagurika, irushanwa rikaba ridafite amahame ntakuka rishingiyeho.

Ally Souddy, yahoze ari umunyamakuru mu Rwanda kuri Radio Salus na Radio Isango Star, mbere y’uko yerekeza muri Leta Zunze Ubumwe za Amerika, kandi yanabaye umuhanzi mu myaka yashize. Ni umwe mu bantu bakunze kuba impirimbanyi y’iterambere rya muzika nyarwanda ndetse n’ubu agaragaza kenshi ko abishyigikira. Abinyujije ku rubuga rwa facebook, yagaragaje ko ababajwe cyane n’ibirimo gukorwa.

JPEG - 116.8 kb

Ally Souddy yagaragaje uburyo ibyakozwe birimo gutuma abahanzi bahabwa urw’amenyo

Mu butumwa burebure yagize ati: "Iyaba abasitari bacu ba muzika bashyira mu gaciro cyangwa se bashyira hamwe, ntibagakwiye gushukwa n’amafaranga cyangwa ubukene ngo bemere kwisenya no gusenya bagenzi babo. Ndimo kureba umusitari bamutumye irangamuntu ngo bamenye imyaka afite ngo ashobore kwitabira irushanwa, iyo shusho ikambabaza... Sinumva uburyo irushanwa nka ririya rifite ubushobozi burenze ubwo twe dutekereza (Mu mafaranga), rishobora kumara imyaka nk’iyo rimaze ritagira amategeko n’amabwiriza ahoraho arigenga, buri gihe iyo bagiye gutora ngo haba hari amategeko mashya akenshi uba ubona hari abo ashaka kwigizayo cyangwa se abo ashaka kongerera amahirwe pe! Mwafashije byimazeyo muzika nyarwanda pe, ndanabibashimira ku giti cyanjye kandi nzahora mbibashimira, ariko nanone mujya mukabya mugakoresha amafaranga/mushukisha abantu amafaranga nanone mu gusenya muzika nyarwanda cyangwa ibindi bikorwa bijya gusa n’ibyanyu kugirango musigarane monopole; iki cyo ndakibagayira pe! Ubucuruzi nibwiza, kuko ntakiruta kwiteza imbere ariko nanone mutekereze rwose ku ruganda rwacu rwa muzika ruracyari ruto, ruracyari kwiyubaka, rukeneye abarufasha kandi bagafatanya n’abandi mu kubaka apana mu kwiharira no gusenya! Ubu mwamaze gukwiza ahantu hose igisebo kuri bamwe mu bahanzi nyarwanda, abantu bari kubaganira, kubashushanya, kubateraho urwenya, n’ibindi bisebeje. Ingaruka ni uko abasitari muri rusange abafana babo batangira kubaca amazi. Ibi biraganisha ku kugwa hasi kwa muzika nyarwanda... Ibi bigeraho bikabyara ugusenyuka kwa showbiz nyarwanda muri rusanjye! Ntarirarenga... Umuziki wacu, Nyarwanda, uri mu maboko yacu twe abafana tuwukunda!"

JPEG - 53.1 kb

Ally Soudy Uwizeye; umuhanzi akaba n’umunyamakuru ukurikirana cyane muzika nyarwanda

Victor Fidele Koudou, ni umuhanzi wamenyekanye cyane mu itsinda rya The Brothers, akaba ari n’umunyamakuru wakunze gukora cyane mu bijyanye no guteza muzika nyarwanda imbere. We agaruka kuri ibi yagize ati: "Harya ngo iyi PGGSS izitabirwa n’abafite hagati y’imyaka 18 na 35 gusa? Ndumva EAP na BRALIRWA bafunguye undi muryango ushobora kuzahindura byinshi muri iyi industry! Ibibazo mpise nibaza ni ibi? 1. Kuki bashyizeho umupaka ku myaka mu gihe tuzi ko abahanzi bakunzwe bari popular bashobora kuba bagejeje iyo myaka cyangwa bari hafi yayo (tutirengagije ko abenshi bahisha indangamuntu)? 2. Ese ni irushanwa rigiye guhindura ishusho rikaba nka Tusker, kuko abakwiye kwitwa SUPERSTAR babazungurutse bose? 3. Abahanzi bafite uburambe basanzwe bafitanye umubano n’abanyamakuru basa nk’aho ari generation imwe. Ese byaba ari ukugira ngo Media ntizongere kugirwaho influence n’abahanzi bari gukura kandi bafite ku gafaranga? 4. Ubutaha bazongeramo ko nta muhanzi washinze urugo cyangwa abamukomokaho wemerewe kwitabira lol. Ndumva bizaba interesting umugani wa ba bandi!"

Victor Fidele Koudou, umwe mu bakurikirana cyane muzika akanagira uruhare mu iterambere ryayo

Hakuzwumuremyi Joseph, ni umunyamakuru ubimazemo igihe akaba na nyir’ikinyamakuru Umuryango. We mu magambo ye yagize ati: "Gushyira hamwe kw’Abahanzi n’abareberera inyungu za bo niko konyine gushobora gukosora ibikunze kutavugwaho rumwe muri Guma Guma. Nk’umunsi abahanzi batowe bazashyira hamwe ntibitabire mbere y’uko iki n’iki mu irushanwa gikemuka... Nk’ubu simbona icyo imyaka ipfana na Hit, simbona icyo kwitabira inshuro izi n’izi bivuga... Ariko nyine sindirimba. Baca umugani ngo uzarongora mama niwe uzaba data..."

DORE URUTONDE RW’ABAHANZI BATOWE N’AMAJWI BAGIZE:

1. Danny nanone 34 kuri 35

2. Bull dogg 35 kiri 35

3. Christopher 30 kuri 35

4. Social mula 27 kuri 35

5. Davis D 33 kuri 35

6. Mico 35 kuri 35

7. Dream boys 35 kuri 35

8. Active 35 kuri 35

9. Paccy 34 kuri 35

10. Chary na nina 33 kuri 35

Aya ni amafoto yafashwe rwihishwa ahaberaga amatora, kuko bari babibujije

Aba ni abashinzwe umutekano babuzaga abanyamakuru gufotora banacunga abaza batasinyanye amasezerano na BRALIRWA

N’ubwo aya marushanwa avugwamo gushaka kwigizayo bimwe mu binyamakuru bitangaza amakuru agaragaza ibitagenda bikwiye gukosorwa, turabizeza ko tuzakomeza kubibagezaho kuko ingingo ya 38 mu Itegeko Nshinga rya Repubulika y’u Rwanda, iteganya ko hagomba kubaho Ubwisanzure bw’itangazamakuru, ubwo kugaragaza ibitekerezo n’ubwo guhabwa amakuru. Ivuga ko Ubwisanzure bw’itangazamakuru, ubwo kugaragaza ibitekerezo n’ubwo guhabwa amakuru buremewe kandi bwubahirizwa na Leta.

WOWE AYA MARUSHANWA URAYABONA UTE?


INKURU ZA :
Tanga Igitekerezo
Ibitekerezo 15
nkundimana Kuya 10-03-2017

Nzaba mbarirwa.

Gusa mbabazwa nikinyoma badukubita barangiza ngo dutore.
Hakwiye ko irushanwa twariharira beneryo.kuko gutora mbona ari ugusetsa imikara.

gumayo Kuya 9-03-2017

Yeweeee ndumiwe

kanye gedeon Kuya 9-03-2017

ark named muza shyireho like na dislike kuko nka wa daressallam yavuze ibintu bizima yarakwiriye like kbs nn abahanzi Bach gukura nikibazo Muzarebe no mubindi bhugu babayo benshi Mandi nka bulldogg ndamweera pe ark kwemera kujyamo hariya agasiga senderi age atekeraezako umwana utaha arise niwe mbashije gutangaho igitekerezo murakoze

olga Kuya 9-03-2017

ark bralirwa none iratwengeje barabura gushyigikira abakuze kuko aribo bazi icyo gukora ahubwo barimo barabapfobya ibyo sibyo.

Wa Mombasa Kuya 9-03-2017

Jye ngaya aba ba star back nabo ubwabo baracashira imbere inzara ! Ariko nabo bamenye ko imyaka yabo irimwo kugenda yiyongera ntabwo irimwo gusubira inyuma kuko ejo nibo batahiwe gukurwamwo ! Nkabahanzi basenyera kumugozi umwe bagakwiye kwanga kwitabira ayo marushanwa . No muri amerika nahandi bateye imbere mubya muzika ko usanga hair abasaza nabakecuru babahanzi usanga bitabira amarushanwa bagahatana nabo nakwita ko ari abana babo ex kubona nka Lionel Richie ahangana na Bruno Mars ntabwo bivuze ngo nuko ashaje nuko aba ashaka ko ibihangano byaguma kwisoko kandi baca umugani ngo nta Umuhanzi usaza ! Niyo mpamvu tucumva indirimbo zaba Rujindiri Christoph Matata nabandi benshi muzi

Yankee Kuya 9-03-2017

Iryo rushanwa ntakigenda ritarimo Buravan na Bruce Melodie kuko nibo ubu bahagaze neza, mwashizeho ayo mategeko yanyu kugirango batazatorwa kuko nibo ubu bari Top. Murigaragaje kweli

athanazi Kuya 9-03-2017

Jyewe sibyumva ukuntu dream boy, yagarutsemo kdi ishuro 3,zirenga iza muri Guma Guma, iyi ngingo irimo ko uzirengeje atagomba kuzamo, nibabasimbuze burvan kbs, izi nikata (cash)

Olivier mugabo Kuya 9-03-2017

u Rwanda twifuza sirwo tubona muri PGGSS kuko ubu bagaragaje isura mbi nubukunda mugayo bwinshi ahubwo bashyirwe mu nkiko kuko iryo nihohoterwa rishingiye ku myaka nakundaga ikinyobwa cya PRIMUS kuko cyari gahuza miryango none bagihinduye gateranya miryango kubwibwo sinzongera ku kinywa wasanga ari aba Eliminate

Simple Kuya 8-03-2017

Erega ministre yumuco nayo mbona ibya muzika ibyitaza. Muzika nyarwanda uretse amagambo yabafana ubundi numukino udafite amategeko namabwiriza! Leta ntiyitaye kubyo baririmba rwose ibyitayeho ntabwo yareka blarirwa ngo ijye yirirwa itoba umuziki bigeze aha! Ubwo bakuyemo abarengeje imyka runaka reka dutegereze next year ko batazakuramo abatujuje uburebure runaka! Hahah ubundi ibijya gushya birashyuha! Gusa abatoranyijwe kokuo badashobora kwivimbura ngo babyange ntakundi bazajya hariya baririmbe birengagije ko iminsi ibara imyaka batayihagaritse! Reka ntangire urugamba rwo kurwanya guma guma ntibizabura icyo bizatanga nubwo indusha amafranga.

aa Kuya 8-03-2017

ubundi nigute ikintu kiba burimwaka nta mategeko kigira bagakomeza kuyahindura sindagura sinanaraguza ariko iri rishanwa nirikomeza gutya umuziki nyarwanda uzasubira inyuma

hahha Kuya 8-03-2017

Birababaje, si ugusubiza umuziki inyuma gusa ahubwo bizatuma n’iri rushanwa ryabo ricika amazi. Abakuru baryoshya umuziki, sinjya mbona hanze ba basaza bafite 80 batwara za awards, bakaririmba live abantu bakaryoherwa!!!!? Aha baracyishe, ku bwanjye nabigaye
N’ivanguramyaka ubwaryo nta shingiro rifite, uwabaza impamvu basobanura iyihe???

guma guma Kuya 8-03-2017

ntakundi nibabifatire uko bashaka none c ko na ministère yabatereranye nibabivemo bajye mumagare

Eloi Kuya 8-03-2017

wi kwigora, Objectif ya BraliRwa ntabwo ari uguteza imbere iyo muzika kuko ntanyungu bo babifitemo objectif yabo ni ugucuruza no kugwiza abasinzi benshi mu urubyiruko bakaba bazasimbura abashaje, ko irushanywa rimaze imyaka 7 wambwira umuntu waritsinze waba yaranjyi ku ririmbira abandi batari abanyarwanda ? Niba ntawe rero nta akamaro, kuko na abaritsinze aho gutera imbere basubiye inyuma.
Ahubwo abo bahanzi bazi kureba kure barireka ku inyungu zabo

Tom Kuya 8-03-2017

icyo nsaba abagize PGGSS nuko bashyiraho amategeko agenga irushanwa adahundagurika, bakatumenyesha niba ari irushwanwa rizamura abato, kuzamura urubyiruko, cg gukarishya bamwe abandi bagacika amazi tubimenye. nkubu mwibuke PGGSS yambere abayivuyemo bikabambura n’izina bari bifitiye aho kubonjyerera n’itafari kubwo bari bafite barimo(Rafiki,Dr Cloude,Code.......).

matiza Kuya 8-03-2017

Eh! ntimumbwire ko Buravan ntawurimo! its totally unfair

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...