konka coffee
KONKA

AMAKURU

UKWEZI

Aline Gahongayire n’umugabo we basubiye mu rukiko bamaramaza kugira ibyabo amateka

Aline Gahongayire n’umugabo we basubiye mu rukiko bamaramaza kugira ibyabo amateka
8-11-2017 saa 14:03' | By Chief Editor | Yasomwe n'abantu 16419 | Ibitekerezo 5

Kuri uyu wa Gatatu tariki 8 Ugushyingo 2017, nibwo Aline Gahongayire n’umugabo we Gahima Gabriel bongeye kwitaba urukiko baburana mu mizi ku bijyanye n’ubutane bwabo nk’abashakanye ndetse bakomeza kumaramaza ku cyemezo cy’uko batandukana, nyuma y’iminsi 20 bikaba bizamenyekana niba bazahita bahabwa gatanya cyangwa niba hari ikindi urukiko ruzanzura.

Urubanza rw’ubutane bwa Gahongayire na Gahima, nta gihe kirekire rwamaze mu iburanisha ryabereye mu cyumba cy’urukiko rw’ibanze rwa Kacyiru ruherereye i Kibagabaga. Umucamanza yabajije Gahima niba hari icyo yongera ku byo yavuze mu gihe cyo kubunga cyabayeho inshuro ebyiri, ndetse na Aline Gahongayire warezwe akiregura abazwa niba hari igishya yungutse yabwira inteko y’abacamanza, bombi bavuga ko ntacyo.

Umucamanza, nyuma y’akanya gato cyane, yahise avuga ko iburanisha rirangiye, ko tariki 28 Ugushyingo 2017 ari bwo hazatangazwa umwanzuro w’urukiko ku kirego cy’ubutane cyatanzwe na Gahima Gabriel asaba gutandukana byemewe n’amategeko na Gahongayire Aline.

Muri Nzeri umwaka ushize, nibwo Aline Gahongayire yeruye ku mugaragaro ko yatandukanye n’umugabo we n’ubwo batarabona gatanya byemewe n’amategeko. Icyo gihe yagize ati: "Impamvu natandukanye na we, ni uko byanze burundu, byaranze ntabwo twumvikanye, ntabwo turi abanzi ariko ntabwo twumvikanye. Ngasanga rero, iyo udakunze ubuzima bwawe ntawe uzabugukundira, ntabwo nzahisha ibyo bintu... Hari abagabo benshi batagifite ubwo bugabo kubera abagore babo babananiye, ni byiza ko nikunda, abanyarwanda ntabwo turagira ya sisitemu (system) yo kwikunda... Ngo ndacyahisha, ngo niko zubakwa, oya! Ijuru rya mbere rizaba mu mutima wanjye hanyuma ribe ahandi. Meze neza, ndatuje, ndi umunyamugisha kandi nzi neza ko uwahoze ari umugabo wanjye Gahima Gabriel, azabona undi nanjye nzabona undi turacyari bato."

JPEG - 42.1 kb

Icyo gihe ibijyanye n’uko akiri muto kandi azashaka undi mugabo, Aline Gahongayire yabigarutseho cyane, ashimangira ko mu mpera z’umwaka ushize wa 2016 ari bwo yujuje imyaka 30 y’amavuko. Yagize ati: "Ndacyari mutoya, mu kwezi kwa 12 nzuzuza imyaka 30 ariko buriya ntabwo ubungubu byihutira kuko hari ibisebe bikeneye gukira muri njye, hari n’ubundi buhamya Imana igomba kunyubakira ariko nyine ntabwo nzabaho njyenyine kuko ndi umunyamugisha, ntabwo ndi mubi Imana izampa undi... nzabona undi mugabo ntabwo nzakomeza kubaho gutya... Undi mugabo nzamushaka, ko nkiri muto se! Nkeneye kubyara, nkeneye kuba nyina w’amahanga, humura undi mugabo nzamushaka, nako ntabwo nzamushaka azanshaka."

SOMA INKURU BIFITANYE ISANO HANO:


INKURU ZA :
Tanga Igitekerezo
Ibitekerezo 5
Didier Kuya 13-11-2017

Ariko ko mutatubwira icyo bapfuye? barikwaka gutana gusa?

dada Kuya 13-11-2017

Ufite cash zawe rata uzabona undi do not worry

gogos Kuya 9-11-2017

ntajuru ritagira umusaraba mukobwa mwiza! umusaraba wawe uwufashije hasi ijuru uzaryinjiramo ute? yezu ati: ushaka kunkurikira aheke umusaraba we ankurikire" none wowe ukuri wakurekeye mundirimbo urorohewe gusa! no kubyara nakugira inama yokubireka kuko nabyo ntibyoroshye ndetse nokurera ntuzabivamo byaba byiza ukomeje ukiririmbira gusa! naho abana urabavuga ntubazi sha uzamuta wikomereze se? we yaguhagama

fkaaa Kuya 8-11-2017

dore ibi inkiko zigora nibyo bituma abanu bicana bagiye bareka abanu bagatana kki babahatiriza kubana ugirango baza murukiko atariko byarangiye

lambert Kuya 8-11-2017

N’undi uzagushaka muzaatandukana niba utihangana nkuko abo ukomokaho barangwaga no kwihangana bikarangira bubbatse

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
  • munyemana Muli 2 Petero 3:13,Bible yigisha ko dutegereje "Ijuru rishya n’Isi Nshya".Abantu benshi beza,"bazasigara" kandi bature mu isi ya Paradizo iteka ryose.Naho ababi bose bazakurwa mu isi,bapfe burundu.Bisome muli Imigani 2:21,22 na Zaburi 37:29.Abandi beza bazajya mu Ijuru,nibo bazategeka Isi izaba Paradizo.Bisome muli Daniel 7:27 na Ibyahishuwe 5:10.Gehinomu,ni Igiheburayo "Ge Hinnom",bisobanura "Ikibaya cya Hinnom",cyabaga hafi n’i Yeruzalemu.Bahoraga batwikiramo imyanda n’intumbi z’abantu,bakaba ivu.YESU yavuze ko abanyabyaha bazajya muli Gehinomu,ashaka kuvuga ko "bazapfa burundu ntibongere kubaho".Byari ikigereranyo cy’icyo kibaya.Muli Abaroma 6:23,Bible ivuga ko igihano cy’icyaha ari "URUPFU" rwa burundu,nta kongera kubaho.Ntabwo ari Umuriro utazima.Bigenda gute iyo dupfuye?Ese tujya mu Ijuru?Nta hantu na hamwe Bible yigisha ko umuntu upfuye aba yitabye imana.Dore uko Bible yigisha ku Rupfu.Upfuye ntabwo aba yumva (Umubwiriza 9:5).None se yakitaba imana gute kandi atumva?Umwuka Imana yashyize muli Adamu,ntabwo ari Roho itekereza nkuko benshi bibeshya.Ahubwo ni “neshamah “ mu Giheburayo (breath mu Cyongereza,Souffle mu Gifaransa).Uwo mwuka imana yashyize muli Adamu,siwo utekereza.Hatekereza “ubwonko gusa†.Umwuka uba mu mubiri wacu,ni imbaraga zidukoresha.Twabigereranya n’amashanyarazi akoresha Radio.Ntabwo rero umwuka wakitaba imana kandi “udatekereza†.Iyo dupfuye,uwo mwuka uragenda,nkuko amashanyarazi nayo agenda,RADIO ntiyongere kuvuga.Dore urugero rwiza rwerekana ko iyo dupfuye tutaba twitabye imana: Igihe Yakobo bamubwiraga ko umuhungu we witwaga YOZEFU yapfuye,ntabwo yavuze ko umwana we yitabye imana.Ahubwo yavuze ko azasanga umwana we mu gitaka (Itagiriro 37:35).Bible yigisha ko upfuye yakoraga ibyo imana idusaba,azazuka “ku munsi w’imperuka†,agahembwa ubuzima bw’iteka muli paradizo (Yohana 6:40).Ni Yesu ubwe wabivuze.Abantu bapfa biberaga mu byisi gusa,biba birangiye batazazuka kuko imana ibafata nk’abanzi bayo (Yakobo 4:4 ).Barabora bikarangira (Abagalatiya 6:8).

    ">Wakoze kutubwira Ijambo ry’Imana.Ariko reka nkosore bimwe mu byo wanditse.Ndasaba abasomyi (...)
  • IZINDI NKURU WASOMA
    Loading...