konka coffee
KONKA

AMAKURU

UKWEZI

Anita Pendo na Nkusi Arthur bazifatanya n’abana mu kwishimira iminsi mikuru ya Noheli n’ubunani

Anita Pendo na Nkusi Arthur bazifatanya n’abana mu kwishimira iminsi mikuru ya Noheli n’ubunani
14-12-2017 saa 14:52' | By Muhizi Olivier | Yasomwe n'abantu 2140 | Ibitekerezo

Nyuma yo gusanga mu minsi mikuru abantu bahugira gutegura ibirori bishimisha abakuze gusa, ubu abana nibo batahiwe aho Nkusi Arthur uzwi ku izina rya Rutura wamenyekanye nk’umunyarwenya azaba ari kumwe na Anita Pendo, aba bombi basanzwe ari abanyamakuru bakunzwe hano mu Rwanda bakazifatanya n’abana kwishimana mu minsi mikuru ya Noheli n’Ubunani mu birori byiswe “Christmas Kids Festival” bizamara iminsi ibiri, abana bakina imikino itandukanye.

Mu kiganiro n’itangazamakuru cyabaye kuri uyu wa Gatatu tariki ya 13 Ukuboza 2017, umuyobozi mukuru wa The New Spiderman Game Center, Nkurunziza Jovia wafatanyije na Anita Pendo na Nkusi Arthur mu gutegura iki gikorwa, yatangaje ko bishimiye kongera gutegura iyi Festival ku nshuro ya kabiri, ndetse akaba yishimiye kuzafatanya n’ibyamamare nka Nkusi Arthur (Rutura) na Anita Pendo.

Jovia yagize ati "Abana bazitabira Christmas Kids Festival bazidagadura babinyujije mu mikino ndetse n’amarushanwa anyuranye, ndetse banishimana n’umunyarwenya Arthur na Anita Pendo aho bitenganyijwe ko abazajya bahiga abandi bazajya bahabwa ibihembo bitandukanye byatanzwe na Spiderman Game Center ifatanyije na I&M Bank, dore ko muri ibyo bihembo harimo n’amafaranga y’ishuri ".

Nkusi Arthur nawe yavuze ko yiteguye gushimisha abana aho yagize ati: "Niteguye kuzakora ibishoboka byose kugirango nishimane n’abana bato kuko wumvishe ko ari kuva ku bana b’imyaka 2 kandi nanabafashe kwishimira iminsi mikuru ya Noheli n’ubunani ndetse n’umwaka mushya muhire wa 2018, gusa nzi ko bizaba ari ibintu biryoshye, nasaba ababyeyi bose kuzana abana babo tukabafasha kurangiza umwaka neza".

Anita Pendo utewe ishema no kuba umubyeyi nawe yiteguye gushimisha abana. Mu ijambo rye yagize ati: "Ubu nzi umwana neza ntabwo ndi nka ba Arthur kuko we arababona ntabwo abazi, twiteguye neza kubafasha kwishima mu mikino itandukanye kandi nzakora iyo bwabaga kugirango banezerwe buriya umwana ni umutware erega ".

Christmas Kids Festival yateguwe n’ikigo cyitwa The New Spiderman Game Center giherereye i Masaka ho mu karere ka Kicukiro, izatangira tariki ya 16 kugeza 17 Ukuboza 2017.

Kwinjira muri ibi birori ni amafaranga 5000 Frw ku bana mu gihe ku babyeyi babo ari ubuntu! Muri aya mafaranga, umwana azahabwa ifunguro ndetse abazajya baruha babateganyirije umwanya wo kuruhukiramo! Bizajya bitangira mu gitondo nka Saa tatu bisozwe saa moya z’umugoroba, umwana azajya ajyamo mu masaha amunogeye cyangwa anogeye ababyeyi be.

Spiderman Game Center Ltd bita "Ku bana bato", ni ikigo gifite ibikoresho binyuranye byifashishwa mu gushimisha abana, muri ibyo twavuga nk’ibyicungo binyuranye, Mask, Utumodoka, Imipira yo gukina n’ibindi nyinshi, ibi birori bikaba bizabera i Masaka ugana ku bitaro.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...