AMAKURU

UKWEZI

‘Bonjour Vacance’ mu isura nshya yo kuvumbura impano mu rubyiruko

‘Bonjour Vacance’ mu isura nshya yo kuvumbura impano mu rubyiruko
25-11-2018 saa 13:11' | By Vincent Nsengiyumva | Yasomwe n'abantu 2632 | Ibitekerezo 1

Bonjour Vacance ni gahunda yashyiriweho urubyiruko rugiye mu biruhuko, igamije kuruhuriza hamwe, rukagaragaza impano rwifitemo rukanagirwa inama y’uburyo rugomba kwitwara mu buzima bwo hanze y’ishuri ruba rwinjiyemo.

Ni gahunda izazenguruka mu gihugu yatangirijwe muri Kigali ikazagera mu Ntara zose z’igihugu aho bazagenda bahuriza hamwe abanyeshuri bakagaragazza impano, abahize abandi bagafashwa kuzikuza.

Bonjour Vacance yashibutse mu gitekerezo cyo gukuza impano z’urubyiruko no kurushajkira ibizatuma ruhuga bikarurinda ibishuko n’ibigare byarushora mu ngeso mbi.

Iyi gahunda yatangiriye i Gikondo ku wa 21 Ugushyingo 2018, yakomereje i Kabuga mu Mujyi wa Kigali, ahagaragariye impano zinyuranye mu bana bakiri bato.

Urubyiruko rwo muri Kabuga rwagaragaje impano zinyuranye zirimo kubyina imbyino za kizungu, kuririmba no gukina imikino ngororamubiri ya ‘acrobate’ wakinwe n’abiganjemo abakiri bato.

Rumwe mu rubyiruko rw’i Kabuga rwaganiriye na Ukwezi.com rwagaragaje ko iyi gahunda izabagirira umumaro mu buryo bunyuranye, haba mu kuzamura impano zabo no kubafasha gusobanukirwa no kwirinda ibintu byakangiza iterambere ryabo.

Umuhoza Janviere yagize ati “ Bonjour Vacance tuyitezeho guteza imbere z’abana bamwe na bamwe. Hari nk’abana usanga bafite impano ariko nta buryo bwo kuzigaragaza babonaIyo haje amarushanwa nk’aya bituma bigaragaza, abashoboye bagafashwa abatsinzwe bakamenya aho integer nke ziri bigatuma bakosora ibitagenda.”

Yakomeje ashimangira ko iyi gahunda izanafasha urubyiruko kwigisha rugenzi rwarwo rwishora mu biyobyabwenge, rubifashijwemo n’inyigisho bakura muri iyi gahunda.

Umukozi w’Inama y’Igihugu y’Urubyiruko ushinzwe ubukangurambaga mu rubyiruko, Eric Zibukira, yavuze ko urubyiruko ruba rufite ubumenyi butandukanye, Bonjour Vacance ikaba izabafasha gusangizanya ku bumenyi bafite.

Yanavuze ko iyi gahunda izarinda urubyiruko kwijandika mu ngeso mbi zirimo ubusambanyi n’ibiyobyabwenge nka bimwe mu bibazo byugarije urubyiruko muri iki gihe.

Zibukira yaboneyeho gusaba urubyiruko gutanga umusanzu warwo mu kurwanya abashora bagenzi babo mu ngeso mbi zifatwa nk’umwanzi w’iterambere ry’urubyiruko.

Ubwo yatangizaga ku mugaragaro iyi gahunda ya Bonjour Vacance i Gikondo, ukuriye iyi gahunda Musengimana Eugène uzwi ku izina rya Professor Mbata muri iyi gahunda yo kwakira abana baje mu biruhuko, hazajya hatangirwamo impanuro z’uko bagomba kubyitwaramo ndetse banahabwe umwanya wo kugaragaza impano zabo, abashoboye bakazafashwa kuyikuza.

Bonjour Vacance iri kuba ku nshuro ya 4, yatangiye ikorera mu Mujyi wa Kigali gusa, ariko ubu imaze kwaguka aho izagera mu Ntara zose z’igihugu. Nyuma yo gukorera mu bice binyuranye byo muri Kigali nka Gikondo, Kabuga na Kimisagara, izakomereza mu turere twa Rwamagana, Muhanga na Rubavu.

Abakiri bato bagaragaje impano zidasanzwe

Uyu mwana yigaragaje mu mukino wa acrobate abantu bamukurrira ingofero


INKURU ZA :
Tanga Igitekerezo
Ibitekerezo 1
mazina Kuya 26-11-2018

Ni byiza ko ABANA bashaka icyo bakora muli Vacances.Ariko ntabwo ari byiza kwigisha abana Karate,Judo,Box,etc...Imana itubuza ibintu byose byerekeye kurwana.Nubwo abantu babyita Sport,ntabwo ari byiza gukubita cyangwa kurasa umuntu.Imana ya nga Violence yose nkuko Zaburi 11:5 havuga.Aho kwigisha abana kurwana no gukubita,byaba byiza twigishije abana bacu Bible ikabahindura,bakamenya neza icyo Imana ibasaba.Hanyuma bagikora Imana ikazabahemba ubuzima bw’iteka muli Paradizo.
Niba ushaka ko umwana wawe yiga Bible ku buntu kandi tumusanze iwawe,tubwire tuzabikora.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...