konka coffee
KONKA

AMAKURU

UKWEZI

AMAFOTO: Ibyaranze igikorwa cyo gutoranya abakobwa 20 bazakomeza muri ‘Boot Camp’

AMAFOTO: Ibyaranze igikorwa cyo gutoranya abakobwa 20 bazakomeza muri ‘Boot Camp’
3-02-2018 saa 18:11' | By Akayezu Jean de Dieu | Yasomwe n'abantu 3281 | Ibitekerezo

Kuri uyu mugoroba wo kuwa Gatandatu tariki 03 Gashyantare 2018, Nibwo hagomba kurara hamenyekanye abakobwa 20 bazahatanira ikamba rya Nyampinga w’u Rwanda muri uyu mwaka wa 2018.

Aba bakobwa 20 baratoranywa muri 35 bagiye bahagararira Intara mu bikorwa by’amajonjora yazengurutse Intara enye n’Umujyi wa Kigali Uburengerazuba buhagarariwe n’abakobwa 6, Amajyaruguru 6, Amajyepfo 10, Uburasirazuba 6 ndetse n’Umujyi wa Kigali uhagarariwe n’abakobwa 7.

Irushanwa rya Nyampinga w’u Rwanda muri uyu mwaka wa 2018, uwavuga ko rigeze aho bikomeye ntabwo yaba abeshye dore ko kuri uyu wa Gatandatu aribwo mu bakobwa 35 haratoranywamo 20 gusa bagomba gukomeza mu cyiciro

Tugiye ku kugezaho uko iki gikorwa kiragenda umunota ku munota, aho kugeza ubu abafana bamaze kugera I Gikondo muri Expo Ground ahagiye kubera iki gikorwa cya Pre-Selection kiragaragaza abakobwa 20 bazajya muri Boot Camp

Mu mafoto: Kurikira uko iki gikorwa kiragenda umunota ku munota

Abantu benshi baje bambaye imyambaro igaragaza abo bashyigikiye muri iri rushanwa Ibintu byakomeye na Rwarutabura umenyerewe mu gufana umupira w’amaguru by’uwmihariko ikipe ya Rayon Sports ubu nawe yaje muri Miss Rwanda
Abakobwa 35 babanje gufata agafoto k’urwibutso mbere yo gutangira igikorwa nyamukuru
Updates: Ku isaha ya 19:10 abakobwa bose uko ari 35 batangiye kunyura imbere y’abagize akanama nkemurampaka bagenda biyerekana.

Mu cyumba kiri kuberamo iki gikorwa hari imbaga y’abantu bari kugenda bagaragaza uwo bishimiye ndetse hari n’abatari gutinya kugaragaza uwo batishimiye

Update: Ku isaha ya 19:25 Abakobwa bose uko ari 35 bagiye gutangira kuza umwe kuri umwe anyura imbere y’abagize akanama nkemurampaka bagenda bamubaza ibibazo bitandukanye nawe agenda abisubiza. Abagize Akanama nkemurampaka

Ibiragenderwaho ubwiza bufite amanota mu 30, Uburyo yasubije ibibazo Ibisubizo 40, Uburyo basubiza nabyo bikaza kuba bifite amanota 30

Abakobwa barimo kugenda bagera imbere y’akanama nkemurampaka bagatombora agapapuro kanditseho umubare hanyuma abagize akanama nkemurampaka bagahita bababaza ikibazo kijyanye n’umubare batomboye.

#Umunyana Shanittah Yambaye numero imwe akaba yaraturutse mu Ntara y’Amajyepfo abajijwe ikibazo gigira giti “Umwana muto aramutse akubajijije icyo umuco ari cyo wasubiza iki?

Agize ati “Namubwira gukora ibyo abakurambere bakoraga akagira umuco akihesha agaciro akagira n’ikinyabupfura”

#Umutoni Belise, Uyu akaba afite numero 2 ndetse ni umwe muri ba bakobwa bavuzwe muri iri rushanwa ko ari impanga

Yabajijwe icyo atekereza ku kamaro ko guteza imbere abagore cyangwa abakobwa
Ati “Abagore n’abakobwa kubateza imbere bituma igihugu gitera imbere”

#Uwonkunda Belinda Uyu ni umuvukanyi wa Belise kuko ari impanga ndetse baranakurikiranye muri numero bambaye umwe afite numero ebyiri undi akagira eshati
Abajijwe igisobanuro cy’urubyiruko rwataye umuco

We arabyemeza ko aribyo koko urubyiruko rwataye umuco ndetse ngo abantu b’ubu ntibakigendera ku mahame n’imyitwarire y’abo hambere

#Umwari Linda wambaye numero 4, Uyu ahagarariye Intara y’Uburasirazuba
Uyu yabajijwe impamvu bavuga ko Diaspora ari Intara ya 6 y’u Rwanda avuga ko impamvu ari uko n’ababa hanze ari abanyarwanda.

# Irakoze Vanessa, Yambaye numero 5, abajijwe imikino itatu yumva u Rwanda rwashyiramo imbaraga, avuga ko yumva umukino wa Cricket ariwo yumva washyirwamo imbaraga, hagakurikiraho Basketball, hanyuma kuri we ngo Football yaza ku mwanya wa nyuma.

#Mushombakazi Jordan, Yambaye numero 6 akaba yaraje ahagarariye Intara y’Amajyepfo

Yabajijwe ikibazo kigira giti “Ubona ari uruhe ruhare ururimi rw’ikinyarwanda rugira mu kwimakaza umuco Nyarwanda?”

Mu kugisubiza Mushombakazi Jordan yagize ati “Mbona ururimi mbere na mbere ruhuza abanyarwanda muri rusange”

Yakomeje agira ati “Ibindi bihugu bigira indimi zitandukanye ariko mbona Ikinyarwanda ari ururimi ruhuza abanyarwanda”

#Iradukunda Liliane Yambaye numero 7, abajijwe ikibazo kivuga ku mpamvu Umukino w’amagare umaze gutera imbere avuga ko Leta yashyizemo imbaraga n’abawukina bakaba babikora babikunda

#Nema Nina yambaye numero 8 akaba ahagarariye Intara
Yabajijwe impamvu Ingagi zihabwa agaciro mu Rwanda, avuga ko impamvu ari uko Ingagi ziboneka hake cyane ku isi akaba ari nayo mpamvu Leta y’u Rwanda yahisemo kubyaza amahirwe ubwo bukungu butaboneka ahandi

#Kayirebwa Marie Paulo Yambaye numero
Abajijwe ikibazo kigira giti “Umuyobozi mwiza ni umuyobozi umeze gute? Ni iki cyakorwa ngo mu Rwanda dukomeze kugira abayobozi beza?
Avuze ko umuyobozi mwiza ari utega amatwi abaturage kandi akajya areka gusumbanye abaturage atitaye ku kuba umwe ari umukene cyangwa umukire

#Usanase Shamim yambaye numero 10, Abajijwe aramutse abaye Miss Rwanda 2018, icyo yakora ngo agabanye Inda zitateganyijwe ziterwa abakobwa zigabanyuke
Avuga ko yabinyuza mu bukangurambaga akumvisha abari kumvira inama z’ababyeyi n’abandi babaruta

Ikibazo gikomeye kuko iyo tubona bagenzi bacu bagenda batwara inda babyarira mu rugo biba bisa nabi cyane

#Ingabire Belinda Yamabye numero 11 we abajijwe ku nzego abona ikoranabuhanga rimaze gufasha u Rwanda mu gihe igihugu gikomeje gushyira imbaraga mu gukoresha ikoranabuhanga

Avuga ko ikoranabuhanga rifasha mu kwihutisha akazi, ikindi ngo gutanga ubutumwa birihuta

#Uwineza Solange yambaye numero 12 akabayaje ahagarariye Intara y’Uburasirazuba, ahise yizeza abaje kumushyigikira ko azatsinda iri rushanwa.

Abajijwe ikijyanye n’icyashyirwamo imbaraga kugira ngo uburezi bugere ku iterambere
Nifuza ko Minisiteri y’Uburezi bajya bateganya integanyanyigisho igenewe abanyeshuri atanga urugero niba umwana yiga ubuganga akabasha kujya muri za Laboratwari

#Ndahiro Uwase Liliane, akaba yambaye numero 13 we ahagarariye Intara y’Amajyepfo

Abajijwe icyakorwa ngo abahanzi Nyarwanda barusheho gutera imbere no kumenyekana ku ruhando rw’amahanga, avuze ko yashishikariza umuntu ugiye mu buhanzi kubikora abikunze kandi akabasha no guteza imbere umurimo akora ubundi n’abanyarwanda bakamukunda

#Umunyana Shemsa
Yambaye numero 14, Yabajijwe gahunda yo guhemba abana b’abakobwa barangije amashuri abanza n’ayisumbuye avuga ko ari uburyo bwo kubatera imbaraga ngo bakore cyane

#Nzakorerimana Glorie Yambaye numero 15 abajijwe icyo Ambasaderi bisobanuye avuga ko Ambasaderi ari umuntu uhagararira igihugu cye kandi neza

#Teta Shallon yambaye numero 16, akaba ahagarariye Umujyi wa Kigali,
Ikibazo yabajijwe kigira giti “Ni ikihe gikorwa gikomeye ubona cyabaye mu Rwanda umwaka ushize unavuge n’impamvu ubona aricyo gikirwa cyari gikomeye?

Igikorwa mbona cyabaye ni amatora y’Umukuru w‘Igihugu” kubera ko amatora ya Perezida Aba akomeye iyo atowe agatorwa neza igihugu kiba giteye imbere

#Ikirezi Mpore Marie Vivine we yambaye numero 17, abajijwe ku cyo abona cyakorwa kugira ngo imiturire y’abanyarwanda irusheho kujya ku murongo

Avuga ko icyo yasaba ari uko abaturage bakurikiza gahunda ya Leta yo kubimura bakanabishishikariza abandi

#Gacukuzi Belise ufite numero 18 uhagarariye Intara y’Uburengerazuba avuga ko I Rubavu haba ikiyaga cya Kivu we abona ko ari ikintu kidasanzwe

Abajijwe uruhare yagira mu iterambere ry’igihugu avuga ko we nk’urubyiruko yafasha bagenzi be bafata ibiyobyabwenge kubivamo ngo bafatanye n’abandi mu iterambere.

# Ishimwe Stecy we afite numero 19, yabajijwe uruhare Itangazamakuru rigira mu iterambere ry’igihugu avuga ko icya mbere ari uko itangazamakuru ritanga amakuru kandi ku gihe ndetse rigatanga amakuru ariyo

#Umuhoza Linda wambaye numero 20, we yabajijwe icyo abona cyakorwa kugira ngo urubyiruko rube rufite ubumenyi bwo guhatana ku ruhando rw’amahanga

#Irebe Natasha wambaye numero 21 abajijwe icyo ibirango by’igihugu biba bimaze avuga ko biba bisobanuye icyo bagamije gukora

Ibara riri mu idarapo ry’u Rwanda avuze ko ubururu bisobanuye amahoro n’ibyishimo

#Ishimwe Noriella, Yambaye numero 22, bajijwe icyo abona cyakorwa kugira ngo itangazamakuru n’ibitangazamakuru bitere imbere mu Rwanda avuga ko icyo abona ari uko amakuru atangazwa yajya aba ari amakuru mpamo

Abajijwe kandi uko abibona niba ibitangazamakuru mu Rwanda bitera imbere cyangwa bidatera imbere avuga ko atari cyane

#Dushimimana Lydia yambaye numero 23, Ku itariki ya mbere Gashyantare twijihije umunsi w’Intwari . Ese ubona bitumariye iki kugira no kwibuka Intwari
Avuga ko bidufasha kumenya amateka y’ibyabaye mu gihugu no kwigira kuri izo ntwari ngo tugire ejo heza

#Umutoni Charlotte wambaye numero 24, abajijwe ikibazo kigira giti “Urubyiruko rwinshi rusigaye rwitabira gukoresha ikoranabuhanga n’imbuga nkoranyambaga abazwa icyo abona bimariye igihugu, avuga ko bifasha kumenya icyo igihugu gishaka
#Uwimbabazi Alliance Yambaye numero 25,

#Umutoniwase Paula, Yambaye numero 26, we yabajijwe icyo yumva gahunda ya Leta yo guca amashishi yafashije mu Rwanda, anabajijwe kandi ikindi kintu yumva mu Rwanda twaca kuko kibangamye nacyo

Icyo guca amashashi avuga ko byagabanyije umwanda mu gihugu.

#Bampire Diane, Yambaye numero 27, Abajijwe ikibazo kijyanye n’akamaro ka Polisi y’u Rwanda avuga ko irinda umutekano ikanakorera abantu ubuvugizi

#Umuhire Rebecca, Yambaye numero 28,Abajijwe uburyo bubiri abona Umuganda wagiriyemo u Rwanda akamaro, avuga ko umuganda ugaragaza ko abanyarwanda bakunda igihugu cyabo, abajijwe niba nawe awukora avuga ko awukora gusa avuze ko umuganda uba ku Cyumweru cya Nyuma cy’ukwezi

#Uwase Fiona Yambaye numero 29, Abajijwe kuba u Rwanda rwarorohereje abanyamahanga baza mu Rwanda, avuga ko bazana ubumenyi bwinshi hano mu Rwanda bikanafasha u Rwanda kuba rwamenya ibyo abanyamahanga bafite

#Uwase Teta Anitha, Yambaye numero 30, Abajijwe gahunda za Leta ebyiri abona zifasha abanyagihugu kongera ubumenyi, avuze ko umuganda ufasha abanyarwanda kongera ubumenyi, indi gahunda ngo ni Made In Rwanda kuko urubyiruko rubasha kwihangira imbere, bityo bigateza igihugu imbere

#Umutoniwase Anastasie, Yambaye numero 31, Abajijwe inking imwe mu muco nyarwanda ifite akamaro avuga ko ari inking yo kwihesha agaciro.

#Umuhoza Karen, Yambaye numero 32, Abajijwe Ahantu habiri n’impamvu, ahambere avuze ko ari Virunga National Park, asubije ko ari ahantu hari amateka y’u Rwanda kandi hari ingagi , Ahandi avuze ko yabazana mu Mujyi wa Kigali

#Isimbi Chanelle, Yambaye numero 33, Abajijwe akamaro k’imyidagaduro avuga ko ifasha mu guteza imbere urubyiruko rw’u Rwanda avuze ko akunda kogera La Parisse kandi atuye I Rubavu.

#Ingabire Divine, Yambaye numero 34, Abajijwe gahunda y’Ubukungu yashyirwamo imbaraga ngo u Rwanda rwihutishe iterambere avuga ko hakwiye kubanza gufasha urubyiruko

#Umutoni Fidelle, Yambaye numero 35, Abajijwe icyakorwa kugira ngo u Rwanda rugere ku ntego rwihaye avuga ko abo hakenewe ubufatanye ndetse anashimangira ko bikorwa

Update: Ku isaha ya 20:59 , abagize akanama nkemurampaka bagiye mu mwiherero aho bagiye kubarura amajwi hanyuma bakaza kugaruka batangaza abakobwa 20 ari nabo bagiye gukomeza muri iri rushanwa rya Nyampinga w’u Rwanda muri uyu mwaka wa 2018. Update: Ku isaha ya 21:48, Abagize akanama nkemurampaka bavuye mu karuhuko aho kuri ubu hakurikiyeho igikorwa cyo gutangaza abakobwa 20

Urusaro Carine uhagarariye iyi kipe y’abakemurampaka, avuze ko ibyagendeweho ari ibintu bitatu by’ingenzi ariko hakaza kubaho umwihariko w’umukobwa umwe urakomeza kuberako yagize amajwi menshi mu buryo bwo gutora hifashishijwe telefone.


Urutonde rw’abakobwa 20 bazahatanira ikamba rya Nyampinga w’u Rwanda

1. Ndahiro Uwase Liliane , Numero 13

2. Umunyana Shanittah, Numero 1

3. Irebe Natasha,Numero 21

4. Umunyana Shemsa ,Numero 14

5. Irakoze Vanessa,Numero 32

6. Umuhire Rebecca, Numero 28

7. Ishimwe Noriella,Numero 22

8. Iradukunda Liliane,Numero 7

9. Uwase Fiona, Numero 29

10. Irakoze Vanessa,Numero 5

11. Umutoniwase Anastasie,Numero 31

12. Dushimimana Lydia,Numero 23

13.Ingabire Belinda, Numero 11

14. Ingabire Divine,Numero 34

15.Uwonkunda Belinda, Numero 3

16. Umutoniwase Paula, Numero 26

17. Uwineza Solange, Numero 12

18.Mushombakazi Jordan, Numero 6

19. Nzakorerimana Glorie,Numero 15

20.Umutoni Charlotte, Numero 24


AMAFOTO: Mugabo Paccy


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...