konka coffee
KONKA

AMAKURU

UKWEZI

Hagiye kuba Iserukiramuco rizitabirwa n’abahanzi bakomeye bo mu Bufaransa

Hagiye kuba Iserukiramuco rizitabirwa n’abahanzi bakomeye bo mu Bufaransa
7-02-2018 saa 15:49' | By Muhizi Olivier | Yasomwe n'abantu 457 | Ibitekerezo

Isaano Art Festival ni Iserukiramuco rigiye kubera mu Rwanda rizitabirwa n’abahanzi bakomeye bo mu Bufaransa babarizwa mu istinda rya Dub Inc basanzwe bamenyerewe mu jyana ya Reggae, Dancehall na Dub zikunzwe ku mugabane w’i Burayi.

Iri serukiramuco rizamara iminsi 4, rizatangira tariki ya 8 kugeza 11 Gashyantare 2018 kuva saa kumi n’ebyiri z’umugoroba kugeza saa tanu z’igicuku muri One Love ahazwi nko kwa Rasita .

Iri serukiramuco ritegurwa na Positive Production iyoborwa na Judo Kanobana umenyerewe cyane mu gutegura ibitaramo bikomeye no kuzana abahanzzi b’ibyamamare ku Isi bagataramira abakunzi babo b’abanyarwanda.

Mu kiganiro Kanobana yagiranye n’abanyamakuru yasobanuye uko iryo serukiramuco rizaba riteye ndetse avuga ko ari ibintu byiteguwe igihe kinini.

Yagize ati "Isaano Art Festival tumaze igihe turitegura, twatumiye Dub Inc kuko ari abahanzi b’abahanga bazi kuvuza umuziki wa Live kandi bikaryoha.Twifuza ko bahuza n’abahanzi ba hano mu Rwanda. Bakunda gukora mu ma Festival akomeye kuko bacuranze muri Senegal na Gabon n’ahandi hatandukanye.”

Abagize Dub Inc bavuze ko biteguye kuzashimisha abanyarwanda kakahava, ndetse ko biteguye bihagije ko bategereje ko umunsi ugera gusa.

Iri serukiramuco rizitabirwa n’abantu banyuranye barimo ababyinnyi, abavuga imivugo, abakora umuziki, abamurika imideri, abanyarwenya n’abandi bari mu byiciro binyuranye, intego akaba ari ugushimisha abantu bazitabira.

Mu bazataramira abantu harimo abahanzi bakomeye barimo Andy Bumuntu, Sam Band, Cubaka Justin Yvan Ngenzi, Peace, Weya, Tito Uribe na Alyn Sano bo mu Rwanda bakazafatanya n’abo mu Bufaransa.

Iri tsinda rya Dub Inc ryo mu Bufaransa rigizwe n’abacuranzi barindwi. Dub Inc yatangiye gukora umuziki mu 1997 ikaba igizwe na Hakim "Bouchkour" Meridja, Aurélien "Komlan" Zohou, Jérémie Grégeois, Moritz Von Korff, Frédéric Peyron, Idir Derdiche na Grégory "Zigo" Mavridorakis.

Dub Incorporation cyangwa Dub Inc ni itsinda kugeza ubu rimaze gushyira hanze Album esheshatu zirimo; Diversité (2003), Dans le décor (2005) ,Afrikya (2008), Hors contrôle (2010), Paradise (2013) na "So What" (2016).


Abagize itsinda rya Dub Inc ryo mu Bufaransa bamaze kugera i Kigali

Bavuze ko biteguye gushimisha abanyarwanda


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...