AMAKURU

UKWEZI
RPF

Igihugu cy’u Bufaransa cyasabye ko Koffi Olomide atabwa muri yombi agafungwa

Igihugu cy’u Bufaransa cyasabye ko Koffi Olomide atabwa muri yombi agafungwa
17-07-2018 saa 15:57' | By Chief Editor | Yasomwe n'abantu 6584 | Ibitekerezo

Ambasade y’u Bufaransa muri Zambia yasabye ko umuhanzi w’icyamamare Koffi Olomide wo muri Repubulika Iharanira Demokarasi ya Kongo, atabwa muri yombi kubera ibyaha bitandukanye ashinjwa birimo ibyo guhohotera abagore n’abakobwa mu buryo butandukanye.

Koffi Olomide byari biteganyijwe ko azagera muri Zambia mu minsi ya vuba aho yari afite ibitaramo bibiri bikomeye muri uku kwezi, ariko Minisitiri ushinzwe ibijyanye n’iyobokamana muri Zambia, Godfridah Sumaili, yavuze ko nahagera azahita atabwa muri yombi agafungwa nk’uko ambasade y’u Bufaransa muri iki gihugu yabisabye.

Ambasaderi w’u Bufaransa muri Zambia, Sylvain Berger,yavuze ko Koffi Olomide akurikiranyweho ibyaha bitandukanye byaba ibyo yakoreye muri Zambia ndetse no mu Bufaransa. Muri ibyo harimo ibyaha bijyanye n’ihohoterwa rishingiye ku gitsina yakoreye ababyinnyi be, kubatwara bunyago no kubahesha akazi mu Bufaransa nta ruhushya ndetse no kubafasha kwinjira mu Buransa mu buryo budakurikije amategeko akabafasha no kugumayo batabifitiye ibyangombwa.

Si ubwa mbere Koffi Olomide ahura n’akaga mu gihugu cya Zambia kuko muri Mutarama 2013, yahohoteye umunyamakuru wo muri iki gihugu bikaza gutuma atoroka bwangu atinya gufungwa. Byaje kurangira afunzwe amezi atatu ndetse nyuma aza gusaba imbabazi uwo munyamakuru.

Muri Nyakanga 2016, yakubise bikomeye umubyinnyi we ku kibuga cy’indege cya Jomo Kenyatta muri Kenya, yoherezwa igitaraganya i Kinshasa aho yaje kuburanishwa kuri iki cyaha ndetse nyuma yo gutabwa muri yombi aza kurekurwa yishyuye akayabo. Ibi nabyo amaze kubikora, yaje gusaba imbabazi abanyakenya ku bw’imyitwarire mibi yagaragaje.

Koffi Olomide w’imyaka 62 y’amavuko, asanzwe azwiho urugomo no mu gihugu cye cy’amavuko. Nko muri Kanama 2012, yahawe igifungo cy’amezi atatu asubitse azira gukubita uwamutunganyirizaga indirimbo.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...