konka coffee
KONKA

AMAKURU

UKWEZI
ubumwe

Junior Multisystem waciwe ukuboko yari aherutse kubwira Oda Paccy igisa n’ ubuhanuzi

Junior Multisystem waciwe ukuboko yari aherutse kubwira Oda Paccy igisa n’ ubuhanuzi
4-04-2019 saa 17:39' | By Nsanzimana Ernest | Yasomwe n'abantu 7969 | Ibitekerezo 1

Umuraperikazi Uzamberumwana Pacifique [Oda Paccy] yavuze ko Producer Junior Multisystem bakoranaga muri studio yo ye Empire studio yari aherutse kumubwira ngo "Paccy ngwino dukore bigishoboka ufatirana ibintu bigishoboka ".

Magingo aya amakuru aturuka ku barwaza ba Producer Junior Multisystem aremeza ko abaganga bamaze kumuca ukuboko. Uku kuboko kwangirikiye bikomeye mu mpanuka y’ imodoka yamugonze tariki 30 Werurwe 2019 ubwo yatemberaga I Remera mu mujyi wa Kigali n’ amaguru.

Oda Paccy yabanye igihe kinini na Junior Multisystem. Afite indirimbo nyinshi yakorewe nawe zatumye aba uwo ari we uyu munsi. Indirimbo nka: ‘Gangster Love’, ‘Music’, ‘Banseka’, ‘Nzakuzire’, ‘Ndi uwawe’, ‘Miss President’, ‘Umusirimu’, ‘Love ya weekend’, ‘Igikuba’, ‘Igitego’, Order’, ‘Ibyatsi’.

Mu butumwa Oda Paccy yashyize kuri instagram yavuze ko byinshi yavuga kuri Junior ndetse ko mu minsi ishize yamusanze amusaba gufatirana igihe bagakora indirimbo. Ati “ Mfite byinshi byo kukuvugaho ariko icyo ntakwibagirwa kurenza ibindi mu minsi ishize waraje urakora nta gahunda nari mfite yo gukora ‘recording’ ariko warambwiye ngo ‘Paccy ngwino dukore bigishoboka ufatirana ibintu bigishoboka ” .

Uyu muraperikazi yakomeje avuga ko iyi ndirimbo yakozwe ikarangira neza ariko ko ‘ntawari uzi uko imbere bimeze’. Ati “Ikiruta byose ni URIHO”

Si Oda Paccy gusa wagaragaje ko icibwa ry’ ukuboko kwa Producer Junior Multisystem ryamubabaje kuko n’ abandi bahanzi barimo Ama g The Black, Queen Cha, Safi Madiba, Princess Pricilla bagaragaje akababaro batewe

Princess Priscillah

Umuratwa Princess Priscillah yanditse avuga ko bwa mbere yahuye na Junior Multisystem muri 2011. Yibuka ko bahura yumvaga ko atamufasha ariko ngo yaramusekeye ndetse amufasha byihariye mu nzira y’umuziki yatangiye. Avuga ko adashobora kwibagirwa imirimo myiza yamukoreye.

Ama G The Black

Sinzi icyo navuga gusa Imana ikomeze kukuba hafi ninjira muri studio bwambere nuyu mugabo wanyakiriye haribyo umuntu abona akabura icyo yarenzaho gusa Imana ikomeze igufashe @juniormultisystem

Safi Madiba

Kimwe kimwe,Umwanzuro,rekamfukame,babylove,Adam na Eva,umfatiye runini,bagupfusha ubusa,simubure,ibitenge nizindi nyinshi n’ayamaboko mureba yazikoze Bantu musenga ndabasabye mudufashe gusenga IMANA ikore ibitangaza ukuboko ntibaguce amasengesho arakenewe yanyu

Uncle Austin

yanditse avuga ko ukuboko kw’ibumuso kwa Junior kwaciwe kwamukoreye indirimbo ‘Bagupfusha ubusa’, ‘Nzamira igisasu kubwabwe’. ‘Dududu’, ‘It’s Love’ [Yakoranye na Marina Deborah], ‘Fata Fata’ yatumye atangira guhangwa amaso na benshi n’izindi nyinshi. Yamubwiye ko amukunda kandi azahora ari kumwe nawe amuzirikana mu masengesho ye.

Yagize ati ‘Ubuzima ni bubi rimwe na rimwe burangwa n’ubugome. Junior uri mu ba-‘producers’ nkunda cyane yakoze indirimbo yanjye iheruka none yaciwe ukuboko. Ukuboko kwe kwaduhaye byinshi byiza. Birababaje cyane ndibaza ubu uko amerewe.”

Umuraperi Jay Polly

Umuraperi Tuyishime Joshua wiyise Jay Polly yavuze ko inkuru y’uko Junior yaciwe ukuboko yamutashyeho kandi ‘biteye ubwoba’. Yasabye Imana gukomeza kubana na Junior muri ibi bihe bitoroshye kuri we. Yavuze ko mu ndirimbo yamukoreye harimo na ‘Ndacyariho ndamuheka’ yakunzwe bikomeye.

Producer Lick Lick

Producer Mbabazi Lick Lick yabanye igihe kinini na Junior Multisystem muri studio yitwa Unlimited Records, nta byinshi yanditse gusaba yabwiye ‘Junior ko ari kumwe nawe kandi amusengera’

Queen Cha

Mugemana Yvonne [Queen Cha] ubarizwa yavuze ko Junior ari we warambitse ibiganza ku ndirimbo ‘Icyaha ndacyemera’, ‘Kizimyamoto’, ‘Baby Love’ [Yakoranye na Safi], ‘Ishusho y’urukundo’, ‘Ntawe nkura’ n’izindi nyinshi zatumye uyu muhanzikazi ahagarara neza mu bandi bakora umuziki.

Queen Cha yavuze ko mu masengesho ye azirikana Junior Multisystem asaba Imana kumukomeza muri ibi bihe bitoroshye ari kunyuramo.

Junior yakoze muri studio zitandukanye nka Unlimited Records, Touch Records, Round Music, kuri ubu akaba yari amaze igihe gito atangiye gukorera muri studio ya Oda Paccy yitwa Empire Records.


INKURU ZA :
Tanga Igitekerezo
Ibitekerezo 1
Aphrodis Dusingizimana Kuya 22-04-2019

Junior mwihangane turakomeza kubasabira kuMana kko ibiba byose ibibizi,Imana ibabe hafi kko twe Ababa babantu ntacyo twakora uretse kubasabira.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...