konka coffee
KONKA

AMAKURU

UKWEZI

Miss Rwanda 2018 hamaze kwiyandikisha abasaga 150, abenshi biga za Kaminuza

Miss Rwanda 2018 hamaze kwiyandikisha abasaga 150, abenshi biga za Kaminuza
27-12-2017 saa 16:48' | By Akayezu Jean de Dieu | Yasomwe n'abantu 1508 | Ibitekerezo

Mu gihe habura iminsi mike ngo irushanwa rya Miss Rwanda 2018 ritangire, abakobwa basaga 150 nibo bamaze kwiyandikisha kuzahatanira ikamba rya Nyampinga w’u Rwanda 2018. Muri aba bamaze kwiyandikisha abanyeshuri ba za kaminuza nibo biganje.

Irushanwa rya Nyampinga w’u Rwanda 2018 rirabura iminsi ibarirwa ku ntoki dore ko tariki 13 Mutarama 2018 aribwo rizatangirana n’abo mu Ntara y’Amajyaruguru ubwo hazaba hatoranywa abakobwa batandatu bazahagararira iyi Ntara.

Mu kiganiro n’abanyamakuru cyo ku wa 13 Ukuboza 2017, Ishimwe Dieudonne uhagarariye Rwanda Inspiration Back Up itegura Miss Rwanda, yavuze ko iki gikorwa kirimo impinduka nyinshi harimo nko kuba mu bakobwa 25 batoranywaga mu ntara biyongereye bakagera kuri 30 aho hazatoranywamo 20 bazajya mu mwiherero (Boot Camp).

Ikindi Dieudonne yavuze kiri mu mpinduka zaje muri Miss Rwanda ni uko abakobwa 10 bazatoranywa muri aba 20 bazakora ikizamini cyanditse ndetse na Interview mu buryo butari busanzwe.

Abategura irushanwa rya Miss Rwanda n’abaterankunga mu kiganiro n’abanyamakuru cyo ku wa 13 Ukuboza 2017.

Kuri uyu wa Gatatu tariki 27 Ukuboza 2017, Miss Vanessa Mpogazi ushinzwe itangazamakuru muri Rwanda Inspiration Back Up yabwiye Ikinyamakuru Ukwezi.com ko kugeza ubu umubare w’abiyandikisha muri iri rushanwa uri kugenda wiyongera ndetseavuga ko abanyeshuri ba za kaminuza aribo biganje mu bamaze kwiyandikisha.

Miss Vanessa yagize ati “Nibyo koko abiyandikisha barimo kwiyongera umunsi ku munsi kandi tunakangurira abandi bakobwa bujuje ibisabwa kuba bakwiyandikisha kugira ngo nabo babashe guhatanira ikamba, ikindi wenda navuga ni uko ku munsi w’ejo hashize ( tariki 26 Ukuboza 2017) twari tumaze kugira abakobwa bagera ku 150 bamaze kwiyandikisha mu ntara zose gusa ntabwo turabasha gutandukanya ngo tumenye abagiye biyandikisha muri buri ntara kuko birashoboka ko umuntu agera nyuma akabona mu ntara ye hamaze kwiyandikisha benshi akaba yahindura kuko ayo mahirwe nayo turayabaha kandi biremewe.”

Yakomeje avuga ko mu bari kugenda bishandikisha bari gusanga umubare munini ari abanyeshuri mu makaninuzza atandukanye ndetse ngo abenshi bakaba bafite imyaka hagati ya 20 na 23

Ati “Mu bari kugenda biyandikisha abanyeshuri bo muri za kaminuza bari hagati y’imyaka 20 na 23 y’amavuko nibo bamaze kuba benshi ariko turakangurira n’abandi banyarwandakazi bujuje ibisabwa kuza gukomeza kwiyandikisha.”

Miss Rwanda 2017, Iradukunda Elsa, Miss Rwanda 2016, Mutesi Jolly ndetse na Miss Vanessa Mpogazi wabaye Igisonga cya kabiri muri Miss Rwanda 2017

Amabwiriza agenda abiyandikisha muri Miss Rwanda 2018 (Aboneka kuri uru rubuga : http://missrwanda.rw/registration/

1. Kuba ari umunyarwandakazi (Indangamuntu cg Pasiporo)

2.Kuba afite imyaka hagati ya 18 na 24

3. Kuba yararangije amashuri yisumbuye

4. Kuba azi kuvuga neza Ikinyarwanda n’urundi rurimi hagati y’Icyongereza n’Igifaransa

5.Kuba afite uburebure hejuru ya 1.7m

6. Kuba afite ibiro hagati ya 45-70 Kg

7.Kuba atarigeze abyara

8.Kuba yiteguye kuguma mu Rwanda byibura mu gihe cy’umwaka nyuma y’uko aba Nyampinga

9. Ntagomba gushyingirwa cyangwa gushing urugo igihe akiri Nyampinga

10. Kuba yiteguye guhagararira u Rwanda ahantu hose n’igihe cyose abisabwe cyangwa biri ngombwa

11.Kuba yiteguye gukurikiza amahame n’amabwiriza agenga ba Nyampinga

Amatariki y’ingenzi muri Miss Rwanda 2018

Tariki 13 Mutarama 2018; Musanze mu Ntara y’Amajyaruguru hazatorwa abakobwa 6 bazahagararira iyi ntara.Tariki 14 Mutarama 2018 berekeze i Rubavu mu Ntara y’i Burengerazuba maze hatorwe abakobwa 6 bazayiserukira hanyuma tariki 20 Mutarama 2018 bakomereze i Huye mu Ntara y’Amajyepfo naho hatorwe abakobwa 6 bazahagararira iyi ntara. Tariki 21 Mutarama 2018 bazajya muri Kayonza mu Ntara y’Uburasirazuba naho batore abakobwa 6 bazahagararira iyi Ntara muri Miss Rwanda 2018, tariki 28 Mutarama hasozwe amajonjora yo mu Ntara, batoranya 6 bo mu Mujyi wa Kigali.

Tariki 24 Gashyantare 2017 nibwo hazamenyekana Nyampinga w’u Rwanda 2018,mu birori bizabera muri Kigali Convention Center.

Iyi niyo modoka uzegukana ikamba rya Nyampinga w’u Rwanda 2018 azahabwa nk’igihembo nyamukuru.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...