konka coffee
KONKA

AMAKURU

UKWEZI

Miss Rwanda 2018 igiye gutangira igaragaremo impinduka zidasanzwe

Miss Rwanda 2018 igiye gutangira igaragaremo impinduka zidasanzwe
13-12-2017 saa 16:20' | By Akayezu Jean de Dieu | Yasomwe n'abantu 1619 | Ibitekerezo

Irushanwa rya Nyampinga w’u Rwanda 2018, rizarangwa n’impinduka zitandukanye cyane n’uko ryari rimenyerewe ndetse abaritegura bavuga ko izi mpinduka zigamije kugirango iri rushanwa rizabe ryiza kurushaho kandi bigendane n’iterambere igihugu kigezeho.

Mu kiganiro n’abanyamakuru kuri uyu wa Gatatu tariki 13 Ukuboza 2017, Ishimwe Diedonne uhagarariye Rwanda Inspiration Back Up itegura Miss Rwanda, yavuze ko iki gikorwa cya Miss Rwanda 2018, kirimo impinduka nyinshi harimo nko kuba mu bakobwa 25 batoranywaga mu ntara bariyongereye bakagera kuri 30 aho hazatoranywamo 20 bazajya mu mwiherero (Boot Camp).

Ikindi Diedonne yavuze kiri mu mpinduka zaje muri Miss Rwanda ni uko abakobwa 10 bazatoranywa muri aba 20 bazakora ikizamini cyanditse ndetse na Interview mu buryo butari busanzwe, ikindi kandi hazabaho uburyo bwo gutora hakoreshejwe ubutumwa bugufi ibi byo bikaba byari bisanzwe.

Agaruka ku matariki iri rushanwa riteganijweho, Diedonne yavuze ko kuva kuri uyu wa Kane tariki 14 Ukuboza 2017, abashaka kuzitabira iri rushanwa batangira kwiyandikisha kuzageza tariki 13 Mutarama ubwo igikorwa nyirizina cyo kuzenguruka intara z’u Rwanda kizatangira.

Tariki 13 Mutarama 2018, i Musanze mu ntara y’Amajyaruguru nibwo hazatoranywa abakobwa 6 bahiga abandi bazakomeza muri 30 bambere bazahatana hakavamo 20 bazerekeza mu mwiherero (Boot Camp).

Nyuma y’intara y’Amajyaruguru iki gikorwa kizakomereza mu ntara y’Uburengerazuba aho igikorwa cyo gutoranya abakobwa bazahatana kizaba tariki 14 Mutarama 2018, i Rubavu

Tariki 20 Mutarama 2018, iki gikorwa kizakomereza mu karere ka Huye, Intara y’Amajyepfo naho kuri 21 Mutarama 2018, iki gikorwa gikomereze mu ntara y’Iburasirazuba aho kizabera mu karere ka Kayonza.

Tariki 27 Mutarama 2018, i Kigali nibo bazaba batahiwe aho abakobwa biyandikishije hazatoranywamo abakobwa batandatu bazakomeza muri 30. Nyuma gato ku itariki 10 Gashyantare 2018, nibwo hazatoranywamo ba Nyaminga 10 bazakomeza ari nabo bazavamo batanu banyuma bazatoranywamo Miss Rwanda 2018, n’ibisonga bye bibiri bitandukanye cyane n’uko ubusanzwe hatoranywaga Nyampinga n’ibisonga bye bine.

Iri rushanwa rya Miss Rwanda 2018 ryatewe inkunga na Cogebanque ari nayo izatanga imodoka ari nacyo gihembo nyamukuru kiri muri iri rushanwa. Mu bandi baterankunga harimo Rwandair, Radisson Blue hotel, ndetse na Minisiteri ifite umuco na Siporo mu nshingano zayo.

Igikorwa nyirizina cyo kumenya Nyampinga w’u Rwanda mu mwaka wa 2018 giteganijwe kuba tariki 24 Gashyantare 2018 muri Kigali Convention Center.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...