konka coffee
KONKA

AMAKURU

UKWEZI

Radio yakorewe amasengesho yo kumusabira yitabirwa n’ibihumbi by’abantu- Amafoto

Radio yakorewe amasengesho yo kumusabira yitabirwa n’ibihumbi by’abantu- Amafoto
2-02-2018 saa 14:01' | By Vincent Nsengiyumva | Yasomwe n'abantu 5063 | Ibitekerezo

Umuhanzi Mowsey Radio yakorewe amasengesho ya nyuma yo kumusabira ku Mana banamusezeraho muri Rubaga Cathedral, aho uyu muhango witabiriwe n’abantu benshi cyane ku buryo babuze aho bicara abenshi bawukurikiranira hanze.

Mowzey Radio ubusanzwe witwa Moses Nakintije Ssekibogo yashizemo umwuka kuri uyu wa Kane tariki ya 1 Gashyantare 2018 ahagana saa kumi n’ebyiri za mu gitondo azize inkoni yari aherutse gukubitirwa mu kabari.

Radio yakubiswe mu ijoro rya tariki 22 Mutarama 2018 ubwo yari mu kabari kitwa De Bar gaherereye i Entebbe. Yakubiswe n’umusore ucunga umutekano muri ako kabari (bouncer) aviramo imbere ku buryo byamuhungabanyije ahita ajya muri ’coma’ by’akanya gato nyuma aranabagwa.

Ubu umurambo wa Radio wagejejwe murusengero kuri Cathedral Rubaga aho abavandimwe ndetse n’abakundaga umuziki we bari kumusengera banamusezezeraho bwa nyuma.

Abantu ni benshi cyane kuri uru rusengero baje guherekeza uyu muhanzi uri mu bari bamaze kwigarurira imitima ya benshi, ku buryo babuze ibyicaro mu rusengero abenshi bakaba bari gukurikirana umuhango bari hanze.

Abahanzi bakomeye hafi ya bose muri Uganda ndetse n’abandi baturutse hirya no hino mu bihugu by’ibituranyi bitabiriye aya masengesho, gusa kugeza magingo aya hari abatarakira neza iby’urupfu rwe, aho amarira n’agahinda bikigaragara ku maso y’abamuherekeje.

Nyuma y’aya masengesho umurambo wa Mowzey Radio urahita ujyanwa ahitwa Kololo Airstrip hasanzwe hakorerwa imihango y’abanyacyubahiro bakomeye, aho binateganyijwe ko umukuru w’igihugu cya Uganda Yoweri Kaguta Museveni ari bube ahari.


Umurambo wa Mowzey Radio wagejejwe muri Kiliziya ya Rubaga aho ari gusabirwa no gusezerwaho bwa nyuma

JPEG - 46.7 kb

Urupfu rwa Radio rwashegeshe imitima ya benshi

JPEG -

Uyu muhango witabiriwe n’abantu benshi cyane


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...