konka coffee
KONKA

AMAKURU

UKWEZI

Safi Madiba yatangije umuryango uzajya ufasha abatishoboye-Amafoto

Safi Madiba yatangije umuryango uzajya ufasha abatishoboye-Amafoto
25-10-2017 saa 15:00' | By Vincent Nsengiyumva | Yasomwe n'abantu 5210 | Ibitekerezo 2

Niyibikora Safi uririmba mu itsinda rya Urban Boyz yatangije umuryango yise ‘Madiba Foundation’ ugamije kuzajya ufasha abatishoboye mu buryo butandukanye.

Kuri uyu wa Gatatu tariki ya 25 Ukwakira 2017, nibwo uyu muhanzi yatangije kumugaragaro uyu muryango, ‘Madiba Foundation’ aho ku ikubitiro yanahise atangiza ibikorwa byo gufasha abatishoboye batuye mu Mudugudu wa Gapfupfu, mu kagari ka Nyakabanda ya mbere mu murenge wa Nyakabanda.

Mu gutangiza iki gikorwa, abinyujije mu muryango ‘Madiba Foundation’ , Safi yahise afasha imiryango igizwe n’abantu 27 kubona ubwisungane mu kwivuza ndetse abakennye cyane muri bo uyu muryango ubaha ibyo kurya birimo imiceri, amavuta, kawunga n’ibindi.

Muri aba bahawe ubufasha butandukanye kandi harimo imiryango ibiri bigaragara ko ikennye cyane kurusha indi maze Safi yiyemeza ko azajya akurikirana ubuzima bwabo umunsi ku wundi.

Ubwo yatangizaga iki gikorwa, Safi yavuze ko yagize igitekerezo kera cyane ariko akomeza kuzitirwa n’ubushobozi buke kugira ngo abishyire mu bikorwa. Yagize ati “Iki gitekerezo nakigize kera ariko nari ntarabona ubushobozi. Nyuma naje kwwisuganya nanabiganiraho n’umufasha wanjye Judith arabyemera. Ubu ndi njyenyine ariko ndimo gushaka abandi bantu dufatanya kugirango dukomeze igikorwa cyo kwiyubaka ubwacu dufasha bagenzi bacu ndetse tunazamura igihugu cyacu.”

Niyibikora Safi avuga ko uyu muryango ‘Madiba Foundation’ agomba kuwushyiramo imbaraga zishoboka kuko icyifuzo cye ari ugukomeza ibikorwa byo gufasha abatishoboye ndetse no kwagura uyu muryango ukaba mugari ukajya ufasha abantu benshi.

Muri uyu mudugudu wa Gapfupfu , mu kagari ka Nyakabanda ya mbere Safi yatangirije ibikorwa bya ‘Madiba Foundation’ ni naho yabaye igihe kinini mu busore bwe bikaba byaramufashije kumenya abafite ibibazo nk’umuntu wahabaye igihe kitari gito.

Bamwe mu bahawe ubufasha n’uyu muryango ndetse n’abandi batuye muri aka gace bagaragaje ukwishimira iki gikorwa cya Safi Madiba, ndetse abo bari baturanye bavuga ko ubundi ibikorwa bye by’ubugwaneza yabigiraga kuva na kera.



INKURU ZA :
Tanga Igitekerezo
Ibitekerezo 2
Bahati bertrand Kuya 28-10-2017

Biblia igira iti ukuboko kw’iburyo nigutanga ukw’ibumoso ntikukabimenye naho rero ibyo yatanga byose singobwa uko bingana ahubwo icya ngobwa ni umutima ubikoze

babougie Kuya 26-10-2017

arko mu rda mukunda kwifotoza urabona ukuntu bikweduye ra
uwo muceri utageze ni kubiro 10 niwo waciye igikuba urareba rwasa ukuntu yikweduye namataratara
bafatanyije icyo gikorwa ra?
muge mubanza mukore ibifatika mwifotoze nyuma kko ibikorwa birivugiraq!

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...