konka coffee
KONKA

AMAKURU

UKWEZI

Senderi yikomye bikomeye KNC wavuze ko yaberwa no kwambara amahembe afana ikipe ye

Senderi  yikomye bikomeye KNC wavuze ko yaberwa no kwambara amahembe afana ikipe ye
18-01-2018 saa 12:10' | By Akayezu Jean de Dieu | Yasomwe n'abantu 1781 | Ibitekerezo 2

Umuhanzi uzwiho kugira udushya twinshi hano mu Rwanda, Senderi International Hit yikomye bikomeye Nkuriza Kakooza Charles [KNC] anavuga ko akwiye kumusaba imbabazi kubera amagambo aheruka kumutangazaho we yafashe nkaho yamusebeje.

Nkuriza Kakooza Charles wamamaye nka KNC aherutse gutangaza ko aho kugira ngo Senderi Hit akomeza kwaka abantu ubufasha , ngo yaza akaba umufana w’ikipe ye ya Unit Gasogi , akajya yambara ya mahembe yagaragaye yambaye ubwo yari mu irushanwa rya PGGSS maze akajya amwishyura neza.

Ibi KNC yabivugiye mu kiganiro ‘Rirarashe’ gica kuri Radio na TV1 asanzwe akora buri gitondo, amagambo yarakaje cyane Senderi aho avuga ko uyu munyamakuru akanaba nyiri TV 1 yamusebeje.

Ubwo KNC yamaraga kuvugira ibi kuri TV1, ibitangazamakuru bitandukanye byabiugarutseho n’ubwo kuva icyo gihe Senderi yari yaririnze kugira icyo abivugaho.

Kuri uyu wa Kane tariki 18 Mutarama 2018, nibwo Senderi yagize icyo avuga ku magambo yamuvuzweho na KNC, aho yagaragaje ko byamubabaje cyane ndetse avuga ko akwiye kumusaba imbabazi abinyujije mu nzira yakoresheje amusebya.

Abinyujije ku rukuta rwe rwa Instagram Senderi Hit yagize ati “KNC uraho. Nanjye ndaho Hit ni Hit. Uri umwe mu banyamakuru nubaha cyane kandi Nemera. Ejobundi nakurikiye TV1 ubereye umuyobozi mbona uburyo unsebya ubigendereye mbona n’ibindi binyamakuru byinshi byanditse, uko wasenye umutungo wanjye muby’ubwenge w’Ubuhanzi ubigendereye."

Yakomeje agira ati “Si byiza ibyo wakoze mu busesenguzi bwiza nzi ugira mu itangazamakuru. Ufate akanya usabe imbabazi abafana banjye Live nk’uko wabikoze Live, kuko ngushubije warira wanababara cyane kandi uri umuyobozi nubaha kandi nemera. Usuhuze n’uwo mugabo Mutabaruka umubaze uti kuki basenya Hit urebera?”

Nyuma y’ubu butumwa bwa Senderi International Hit yashyize ku rukuta rwe rwa Instagram benshi mu bamukurikira bakomeje kujya bagira byinshi babivugaho harimo n’abagiye bahamya ko habayeho kurengera no gusebanya, gusa hari n’abandi bavuze ko KNC atigeze asebya uyu muhanzi nk’uko yabifashe.

Ubwo yari mu kiganiro n’abanyamakuru cyo ku wa Mbere tariki 15 Mutarama 2018 , Nkuriza Kakooza Charles [KNC], yavuze ko ajya kuvuga aya magambo atari agamije kubabaza Senderi ahubwo byari ukuganira no gutebya nk’uko aba bombi babizwiho.

Yagize ati " Ntabwo nari ngamije kumubabaza. Naramubwiye nti rero Senderi ibyiza waza ukaba umuhuliga w’ikipe , ukajya wisiga amarangi kuko twarakubonye nk’umuntu w’umuhanga mu kwambara amahembe, mu kwikorera igitebo …Ahubwo waba umufana mwiza cyane."

Yakomeje agira ati " Uko biri kose ntekereza ko na we ashobora kuba atarabifashe nabi kuko nta bugome bwari burimo , byari ugutebya kandi niba naramubabaje, musabye imbabazi. Sindabona comment ituruka iwe ivuga ko namubabaje.Ni nk’ibintu dusanzwe tuganira ibihe byose kuko hari n’igihe, cya gihe batamushyira muri Guma Guma yagiye avuga ngo bashyizemo abamurusha ubukuru ba Charly na Nina, nabyo twabiteyemo urwenya na biriya byari ugutebya."

KNC yamenyekanye nk’umuhanzi, mu gutegura ibitaramo, umunyamakuru n’ibindi bitandukanye yagiye yigaragazamo cyane.Azwi nk’umwe muri ba rwiyemezamirimo bamaze gutera intambwe ,cyane ko atagikorera abandi ahubwo afite Radio na Televiziyo yishatsemo.

Muri Nyakanga 2018 nibwo azakora igitaramo azamurikiramo ‘Album’ yise ‘Heart Desire’ kizaba kihariye ari nacyo azasezereramo gukora muzika.


INKURU ZA :
Tanga Igitekerezo
Ibitekerezo 2
UWERA Alice Kuya 19-01-2018

Ariko nkubu nukugira ngo ikinyamakuru gisomwe cg? jye numva KNC ntakosa yakoze pe ! kandi mujye mugabanya gushyushya inkuru ziteranya

k Kuya 18-01-2018

nkiyi nkuru imariye iki abanyrwanda n’abasomyi muri rusange ... uziko mwabuze ibyo mwandika bahu

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...