konka coffee
KONKA

AMAKURU

UKWEZI

Uganda: Bobi Wine yabujijwe kuririmba mu gitaramo kubera amagambo aherutse kuvuga

Uganda: Bobi Wine yabujijwe kuririmba mu gitaramo kubera amagambo aherutse kuvuga
18-10-2017 saa 08:36' | By Akayezu Jean de Dieu | Yasomwe n'abantu 1790 | Ibitekerezo

Polisi y’igihugu cya Uganda yahagaritse igitaramo cyari kubera muri Cilline Hotel iherereye i Mukono cyagombaga kuririmbamo Depite Robert Sentamu Kyagulanyi wamenyekanye muri muzika ya Uganda ku izina rya Bobi Wine ku mpamvu z’uko uyu munyepolitiki akaba n’umuhanzi aherutse kuvuga amagambo akomeretsa ndetse akangisha abaturage ubutegetsi buriho.

Balunywa Promotion Ltd ifite mu nshingano gutegura iki gitaramo yabajije Polisi impamvu nyamukuru yatumye iki gitaramo gihagarikwa maze Fred Mwesigwa, umuyobozi wa Polisi ababwira ko Polisi iri gukora iperereza kuri iki cyaha bakekaho Bobi Wine ari nayo mpamvu batamwemerera gukora ibindi bitaramo iperereza ritararangira

Yagize ati “Kubw’amahirwe macye ntabwo dushobora gutanga uruhushya rwo kuririmba kuko igitaramo cyashize cyabereye One Love Beach Busabala, Bobi Wine yaragayeho imvugo zuzuyemo kwangisha abaturage ubuyobozi rero iperereza riracyakorwa”

Ikinyamakuru New Vision dukesha iyi nkuru kivuga ko Bobi Wine uherutse kugaragara mu gitaramo cyo kumurikira abafana be indirimbo ye nshya yitwa Specioze ahitwa One Love Beach Busabala, yagaragayeho imvugo zishobora kwangisha abaturage ubuyobozi akaba ari nabyo kugeza ubu akurikiranweho na polisi y’iki gihugu.

Bobi Wine, Umwe mu badepite bagize Inteko Ishinga Amategeko ya Uganda akaba muri iyi minsi atameranye neza n’ishyaka rya NRM Amafoto yashyizwe ku rukuta rwa Twitter na Bobi Wine ashimira cyane abafana be bamushyigikiye mu gitaramo aherutse gukorera One Love Beach Busabala


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...