AMAKURU

UKWEZI
ubumwe

VIDEO: Uko umunyamakuru Gentil Gideon yahaye indaya 5000, uko yasagariwe n’abatinganyi n’ibindi

VIDEO: Uko umunyamakuru Gentil Gideon yahaye indaya 5000, uko yasagariwe n’abatinganyi n’ibindi
8-08-2019 saa 09:31' | By Chief Editor | Yasomwe n'abantu 5802 | Ibitekerezo

Gentil Gideon Ntirenganya, umunyamakuru wa KT Radio umenyerewe cyane mu kiganiro gikunzwe cy’inkuru zicukumbuye cyitwa "Inyanja Twogamo", yahishuye uburyo gukora ikiganiro nk’iki bibamo ingorane zikomeye no gukoresha amayeri anyuranye ngo ubone amakuru, avuga ko nko kubasha kumenya imibereho y’abakobwa bakora uburaya byamusabye kujya mu biciro nayo, akayibaza ayo ayishyura ndetse ayigisha inama n’icyumba bararamo, agamije kubona amakuru nyayo.

Gentil Gideon Ntirenganya yakoze ku maradiyo atandukanye mu Rwanda nka Radio Salus, Radio 10 na KT Radio akorera kugeza ubu. Yakunze kumvikana mu biganiro by’imyidagaduro ariko ageze kuri KT Radio nibwo yashimangiye ubuhanga afite mu gukora ibiganiro by’inkuru zicukumbuye zimara abazumva amatsiko bagahishurirwa ukundi kuri batajyaga babasha kumenya.

Ikiganiro "Inyanja twogamo" uhereye ku izina ryacyo, ni umwihariko w’uyu munyamakuru kuko yanagiye kuri KT Radio ntibanamuhe ikiganiro nk’iki ariko akaza kugisaba ubuyobozi bukamwemerera kugikora, ubu kikaba kimaze kwamamara no kuba indorerwamo waboneramo ubuhanga bw’uyu munyamakuru.

Kubona inkuru zicukumbuye, si ibintu byoroshye nk’uko uyu mugabo abisobanura. Yahishuye ko yagiye mu gace kazwi nka Koridoru kabarizwamo indaya nyinshi, agahera kumanywa akageza ninjoro ashakisha amakuru ku buzima n’imibereho y’indaya, ariko ngo byamusabye gufata umukobwa umwe ukora uburaya baricarana, amugurira inzoga, bajya mu biciro agenda amubaza ayo yamwishyura bararanye cyangwa baryamanye akanya gato akigendera, bavugana iby’icyumba bararamo n’ibindi kugeza ubwo uyu munyamakuru yaje kumuha amafaranga 5000 nk’ikiguzi cy’igihe yari yamutwaye, hanyuma abona kumuhishurira ko atari umukiriya ahubwo ari umunyamakuru wishakiraga amakuru, undi nawe arabona abimuvira imuzingo.

Gentil kandi yasobanuye ko nk’inkuru icukumbuye yakoze ku batinganyi bo mu Rwanda, yayihuriyemo ingorane zikomeye zirimo kuba yarasohowe mu nama yabo bamaze kuvumbura ko atari umwe muri bo. Yavuze kandi ko hari umugabo ufite umugore baganiriye akamubwira ko ari umutinganyi, bikaze gutuma umugore we abimenya agatangira inzira yo gushaka gatanya, ibi ngo bikaba byaramugizeho ingaruka kuko bamureze ariko abona ibimenyetso bimurengera.

REBA VIDEO Y’IKIGANIRO CYOSE TWAGIRANYE NA GENTIL HANO:


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...