konka coffee
KONKA

AMAKURU

UKWEZI

Uwahoze aririmba mu itsinda rimwe na Riderman na Neg G yatawe muri yombi

Uwahoze aririmba mu itsinda rimwe na Riderman na Neg G yatawe muri yombi
4-01-2018 saa 10:40' | By Akayezu Jean de Dieu | Yasomwe n'abantu 3907 | Ibitekerezo 2

Murenzi Eric wamamaye nka Tiger (M.I.M) mu itsinda rya UTP Soldierz ryahoze riririmbamo Umuhanzi Riderman, Puff G ndetse na Neg G The General, yatawe muri yombi na Polisi ikorera mu Ntara y’Uburasirazuba aho afungiye kuri Sitasiyo ya Mukarange mu karere ka Kayonza akurikiranweho ubujura budakoresheje ikiboko

Uyu musore wamenyekanye nka M.I.M aravugwaho kwiba ibikoresho bya Studio yakoreragamo ya Unlimited Record akaba ashinjwa ko yaba yaribye bimwe mu bikoresho birimo Speaker, Piano ndetse akaba yaranatwaye na bimwe mu bikorwa by’abahanzi bari barimo batunganyiriza muri iyi studio.

Bizimana Theo ari nawe nyir’iyi Studio yabwiye Ukwezi.com ko uyu musore yibye ibi bikoresho mu kwezi kwa Kanama 2017, gusa akaba yarafashwe ku wa 28 Ukuboza 2017 ari nabwo yahise atabwa muri yombi.

Yagize ati “Yatwibye mu kwezi kwa munani, twari tumaze amezi ane tumushakisha ariko ku bufatanye na Polisi yo mu karere ka Kayonza yarafashwe ubu arafunzwe tukaba twifuza ko ibikoresho byacu byagarurwa kuko yaradusenyeye cyane”
Murenzi Eric wamamaye nka Tiger MIM muri UTP Soldier

Aya makuru kandi y’ifatwa ry’uyu mugabo yashimangiwe n’umuvugizi wa Polisi mu Ntara y’Uburasirazuba, IP Jean de Dieu Kayihura mu kiganiro yagiranye n’ikinyamakuru Ukwezi.com mu gitondo cyo kuri uyu wa Kane tariki 4 Mutarama 2018, aho yatubwiye ko uyu mugabo kuri ubu ari mu maboko ya Polisi aho ari gukorwaho iperereza kuri ibi byaha.

IP Kayihura yagize ati “Nibyo koko uyu Murenzi Eric acumbikiwe kuri Sitasiyo ya Police ya Mukarange, akurikiranweho icyaha cy’ubujura budakoresheje ikiboko cyangwa ibikangisho, ibi bikaba bihanwa n’ingingo ya 301 mu gitabo cy’amategeko ahana ibyaha mu Rwanda”

Itsinda rya UTP Soldiers ni rimwe mu ma tsinda yakanyujijeho mu njyana ya Crunck na Hip Hop hano mu Rwanda mu myaka ya za 2007, rikaba ryari ryaratangijwe ku wa 20 Gicurasi 2005 ritangijwe na Ngenzi Serge ari we Neg G The General.

Iri tsinda nyuma ryaje gusenyuka ku mpamvu z’ubwumvikane buke bwagaragaye hagati y’aba basore bose aho amakimbirane yakunze kuvugwa hagati ya Riderman na Neg G kugeza n’uyu munsi agikomeza kugaruka.


INKURU ZA :
Tanga Igitekerezo
Ibitekerezo 2
DANIEL IGIRAMABOKO Kuya 12-01-2018

UWOMUNTU NAKURIKIRANWE NINZEGOZUMUTEKANO KANDI ARIHE IBYOYIBYE

MANIRAGUHA Kuya 12-01-2018

INDIRIMBO YASAF

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...