konka coffee
KONKA

AMAKURU

UKWEZI

Video& Amafoto: Alikiba yageze i Kigali asezeranya igitaramo cy’akataraboneka

Video& Amafoto: Alikiba yageze i Kigali asezeranya igitaramo cy’akataraboneka
30-12-2017 saa 21:25' | By Akayezu Jean de Dieu | Yasomwe n'abantu 1971 | Ibitekerezo

Ku mugoroba wo kuri uyu wa Gatandatu tariki 30 Ukuboza 2017, nibwo Umuhanzi wo mu gihugu cya Tanzania, Alikiba wubatse izina mu karere no muri Afurika yose yageze I Kigali aho yatangaje ko igitaramo azaririmbamo azashimisha abanyarwanda ku buryo budasanzwe ndetse akabafasha gutangira umwaka wa 2018 mu byishimo

Alikiba wageze ku kibuga cy’indege cya Kigali, I Kanombe ahagana saa mbili z’umugoroba aje mu gitaramo cya East African Party kizaba ku wa Mbere Tariki ya 1 Mutarama 2018 kizaba kiba ku nshuro ya cumi.

Mu kiganiro kigufi yahaye itangazamakuru akigera I Kigali, Alikiba yavuze ko ashimishijwe cyane no kuba aje mu Rwanda dore ko atari ubwa mbere aza gutaramira abanyarwanda.

Uyu muhanzi kandi yavuze ko igitaramo azakora ku itariki 1 Mutarama 2018, azashimisha abanyarwanda bagatangira umwaka mu byishimo bidasanzwe abinyujije mu ndirimbo ze benshi bakunze azaba abacurangira mu buryo bwa Live.

Iki gitaramo Alikiba azaheramo abanyarwanda ubunani kizitabirwa kandi n’Abahanzi bakomeye yaba mu karere ndetse no mu mu Rwanda barimo Sheebah Karungi

Mu banyarwanda batumiwe muri iki gitaramo harimo Tuff Gangz itsinda ry’abaraperi bane bari bamaze igihe barasenyutse ariko magingo aya bakaba baramaze kwiyunga ku buryo ubu batangiye imikoranire mishya, Usibye aba ariko hazitabira kandi Bruce Melody, Riderman na Yvan Buravani.

Iki gitaramo cya East African Party kimaze kumenyererwa nk’igitaramo ngarukamwaka gitangira umwaka mushya kuri iy nshuro kizaba tariki 1 Mutarama 2018 kibere i Remera muri Parikingi ya Stade Amahoro aho kwinjira ari ibihumbi bitanu (5000frw) n’ibihumbi icumi mu myanya y’icyubahiro (10000frw)

AMAFOTO:Mugabo Paccy


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...