konka coffee
KONKA

AMAKURU

UKWEZI

Zambia nayo yikomye Umuhanzikazi Zodwa Wabantu ubyina atambaye ikariso

Zambia nayo yikomye Umuhanzikazi Zodwa Wabantu ubyina atambaye ikariso
12-03-2018 saa 15:15' | By Vincent Nsengiyumva | Yasomwe n'abantu 8664 | Ibitekerezo

Zambia yirukanye shishi itabona umuhanzikazi w’icyamamare witwa Zodwa Wabantu w’Umunyafuriuka y’Epfo ku butaka bwayo, kubera umuco amaze kumenyekanaho wo kujya ku rubyiniriro yambaye impenure ndetse nta n’ikariso yambaye.

Reuters dukesha iyi nkuru yatangaje ko Zodwa Wabantu yurijwe indege mu gitondo cyo ku wa Gatandatu tariki ya 10 Werurwe 2018, asubizwa iwabo muri Afurika y’Epfo igitaraganya ngo kuko ibyo akorera mu ruhame bihabanye n’umuco w’abanyagihugu cya Zambia.

Byari biteganyijwe ko uyu mukobwa Zodwa Wabantu asusurutsa abantu mu mbyino ze zidasanzwe mu gitaramo cyari kubera mu murwa mukuru wa Lusaka muri Zambia mu ijoro ryo ku wa Gatandatu tariki ya 10 Werurwe 2018 cyari cyateguwe n’ikompanyi itegura ibitaramo yitwa Sunset Sound Production.

Lucky Munakampe ureberera inyungu z’uyu muhanzi Zodwa Wabantu, niwe watangarije Reuters ko Zambia yamaze guhambiriza bidasubirwaho uyu mukobwa ko ndetse banamwurije indege ikora ingendo Zambia no muri Afurika y’Epfo.

Yagize ati "Nibyo koko Zodwa Wabantu yahagaritswe kuzakorera igitaramo ku butaka bwa Zambia kubera imytambarire ye ngo ishobora kubangamira umuco n’indangagaciro z’Abanyazambia. Yahise yurizwa indege asubizwa mu gihugu cye cya Afurika y’Epfo."

Si ubwa mbere igihugu kikomye uyu muhanzikazi mu gikorwa cyo kuhataramira kuko umwaka ushize uwari Perezida wa Zimbabwe Robert Mugabe nawe yamwamaganiye kure ubwo yari agiye kuza kuhakorera igitaramo, maze naho bamwirukana mu gihugu
atitabiriye icyo gitaramo.

Icyo gihe Perezida Mugabe yavuze ko igihugu cye kitazigera giha ikaze umuntu nka Zodwa Wabantu w’umunyamico mibi, ngo kuko intego ye aba ari ukurarura urubyiruko arwinjizamo imico ye idahwitse.

Yagize ati " Uwo muririmbyikazi namubujije kuza mu gihugu cyanjye kuko imico n’imyitwarire bye bitemewe mu banyagihugu bacu.Ntitwifuza guha urwaho umunyamabi nk’uriya ujya imbere y’abantu yambaye ubusa kuza guteza abantu ibibazo.Ubundi se kuza kwe bidufitiye iyihe nyungu?"

Yunzemo ati “Ngo abagabo baba bifuza kukubona? Oya rwose,,, Ndabizi ko hari abagabo benshi batabyishimiye batangiye gutera hejuru bavuga ko bamwifuza. Ibyo bitekerezo rero nibyo tudashaka, mureke biriya ajye abikorera aho avuka mu gihugu cye."

Umuhanzikazi Zodwa Wabantu amazina ye nyakuri ni Zodwa Rebecca Libram, akomoka muri Afurika y’Epfo, akaba yaramamaye bikomeye ku mbuga nkoranyambaga kubera kwigaragaza cyane yambaye impenure ndetse n’indi myambaro igaragagaza imyanya ye y’ibanga, dore ko ku rubyiniriro atikoza ikariso.

Zodwa Wabantu yagizwe icyamamare no kwigaragaza atambaye ikariso


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...