konka coffee
KONKA

AMAKURU

UKWEZI

Hateguwe ibirori bizitabirwa n’ibyamamare birimo na Vampino

Hateguwe ibirori bizitabirwa n’ibyamamare birimo na Vampino
11-12-2017 saa 18:19' | By Akayezu Jean de Dieu | Yasomwe n'abantu 384 | Ibitekerezo

Abahanzi b’ibyamamare mu karere barimo Vampino, Rider Man, Diplomate n’abandi batandukanye bagiye guhurira mu bitaramo bizenguruka imijyi itatu, aho bazaba bafatanya n’abanyarwanda kwishima mu minsi mikuru ya Noheli n’Ubunani mu birori byiswe Hashtag Party.

Ibi birori bizazenguruka Imijyi itatu; Kayonza,Kigali na Nyamata biteganijwe kuba mu mpera z’iki Cyumweru ku matariki ya 15, 16 na17 Ukuboza 2017 nk’uko byemejwe na Isango Star yateguye ibi birori.

Umushyushyarugamba, akaba na kabuhariwe mu kuvanga imiziki, MC Phil Peter akaba n’umwe mu bari gutegura ibi birori yabwiye Ikinyamakuru Ukwezi.com ko bateguye ibi birori mu rwego rwo guha abanyarwanda iminsi mikuru ariko na none babakangurira kumenya akamaro ko gukoresha imbuga nkoranyambaga by’umwihariko Hashtag hagamijwe iterambere ry’imyidagaduro mu Rwanda.

Phil Peter kandi yavuze ko ibi birori bizaba mu minsi ikurikiranye aho bazabanza i Kayonza, bagakurikizaho i Kigali bagasoreza i Nyamata ubwo azaba ari ku Cyumweru tariki 17 Ukuboza 2017.

Uyu mushyushyarugamba yavuze kandi ko abahanzi benshi bazitabira ibi bitaramo bamaze kwemezwa ndetse harimo n’abandi benshi bakora mu myidagaduro bazagaragara muri ibi birori bya Hashtag. Mu bahanzi bamaze kwemezwa ko bazitabira ibi birori harimo; Vampino, Rider Man, Diplomat, Naason n’abandi batandukanye aho bazaba basusurutsa abanyarwanda hirya no hino by’umwihariko abatuye muri iyi mijyi.

Ibi birori bya Hashtag bibaye mu Rwanda ku nshuro ya mbere, biteganijwe ko bizajya biba buri mwaka ndetse nk’uko bisobanurwa n’abategura ibi birori ngo barateganya ko bikunze byazajya biba kabiri mu mwaka mu rwego rwo gukomeza gukangurira abanyarwanda gukoresha imbuga nkoranyambaga hagamijwe iterambere ry’imyidagaduro.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...