konka coffee
KONKA

AMAKURU

UKWEZI

Ibyaranze igikorwa cyo gutoranya abahagararira Amajyaruguru muri Miss Rwanda 2018- Amafoto

Ibyaranze igikorwa cyo gutoranya abahagararira Amajyaruguru muri Miss Rwanda 2018- Amafoto
13-01-2018 saa 16:42' | By Akayezu Jean de Dieu | Yasomwe n'abantu 2887 | Ibitekerezo 2

Biteganyijwe ko kuri uyu wa Mbere tariki 13 Mutarama 2018, I Musanze mu Ntara y’Amajyaruguru hagomba gutoranywa abakobwa batandatu (6), bazahagararira iyi Ntara mu irushanwa rya Nyampinga w’u Rwanda 2018

Irushanwa rya Miss Rwanda 2018, riratangira kuri uyu wa Gatandatu, aho ku ikubitiro ritangiriye mu Ntara y’Amajyaruguru ahagiye gutoranywa abakobwa batandatu bazayiserukira bakajya guhatana n’abandi bagera kuri 24 bazaba baturutse mu Ntara zisigaye z’igihugu aho ku itariki 28 Gashyantare 2018 hazarara hamenyekanye uwegukanye ikamba rya Nyampinga w’u Rwanda 2018.

Abakobwa bahatanira kuzahagararira Intara y’Amajyaruguru baturutse mu Turere twa Gakenke, Musanze, Burera na Rulindo bagomba kwiyereka itsinda ry’akanama nkemurampaka naryo rikabasha gutoranyamo batandatu bahiga abandi mu bujuje ibisabwa biteganywa n’abategura iri rushanwa.

Mu mafoto: Kurikirana uko iki gikorwa kiragenda umunota ku munota
Abakobwa biyandikishije mu Ntara y’Amajyaruguru barimo kugaragaza niba koko bujuje ibisabwa kugira ngo bemererwe guhatana Umuhoza Linda ni umwe mu bakobwa nawe waje kugerageza amahirwe ye mu irushanwa rya Miss Rwanda 2018
Uyu yitwa Umutoniwase Paola aturuka mu Mujyi wa Kigali ariko yiyandikishije mu Ntara y’Amajyaruguru Umwe mu bagize akanama nkemurampaka, Rwabigwi Gilbert, Uyu akaba asanzwe aba muri aka kanama Sandrine Isheja, Umunyamakuru wa Kiss FM ni umwe mu bagize akanama nkemurampaka, uyu akaba ajemo ku nshuro ya mbere
Dr. HIGIRO Jean Pierre nawe ari mu bagize akanama nkemurampaka, akaba ajemo ku nshuro ya mbere

UPDATE: Ku isaha ya 2h40 ibijyanye no kureba abakobwa bujuje ibisabwa birarangiye aho abakomeje bagiye guhatana ari 10

Amazina y’abakobwa bagiye gutoranywamo batandatu bazahagararira Intara y’Amajyaruguru

Umuhoza Linda, afite uburebure bwa 1.77 n’ibiro 59

Irebe Natacha Ursule, afite uburebure bwa 1.72 n’ibiro 66

Umutoniwase Paola , afite uburebure bwa 1.72 n’ibiro 65

Ingabire Divine, afite uburebure bwa 1.73 n’ibiro 55

Ibuka Ines Carine, afite uburebure bwa 1.70 n’ibiro 50

Usanase Shami Irene, afite uburebure bwa 1.76 n’ibiro 57

Ishimwe Belly Stecy, afite uburebure bwa 1.76 n’ibiro 55

Ishimwe Henriette, afite uburebure bwa 1.70 n’ibiro 54

Umutoniwase Alpha Buyinza
, afite uburebure bwa 1.70

Umutesi Nicole, afite uburebure bwa 1.70 n’ibiro 52 Ngabo abakobwa 10 bagiye guhatanira guhagararira intara y’Amajyaruguru

Update:Ku isaha ya 3:00’ nibwo abakobwa bose uko ari 10 batangiye kwiyereka bagenda bavuga imigabo n’imigambi ukubiye mubyo bazageza ku banyarwanda by’umwihariko Intara y’Amajyaruguru bagiye guhagararira

Aba bakobwa kandi bari kugenda basubiza ibibazo bari kubazwa n’abagize akanama nkemurampaka

Umuhoza Linda wize amateka yavuze ko naramuka atabaye Miss Rwanda azaba rwiyemezamirimo kandi akazaba umukobwa wigenga mu buryo bwose

Abajijwe icyo atekereza ku bakobwa bihinduza uruhu, Linda yagize ati "Abakobwa bihinduza ntekereza ko babona abazungu bagashaka kuba nkabo, icyo ngewe nzakora nimba Nyampinga w’u Rwanda nzakuraho amavuta yitwa Mukorogo kuko niyo atuma urubyiruko cyane cyane abakobwa bihinduza uruhu"

Ingabire Divine w’imyaka 21 y’amavuko we yageze imbere y’akanama nkemurampaka avuga ko irushanwa rya Nyampinga w’u Rwanda kuri we abona riri ngombwa kuko no mu bindi bihugu ribaho kuko ari uburyo bwo kugaragaza umuco

Uyu Divine wavuze ko nta mukunzi afite yabajijwe imyaka kuri we yumva umunyarwandakazi agezaho akaba yagakwiye gushing urugo, yavuze ko ku myaka 25 n’ubwo umukobwa yaba adakuze ariko kuri we asanga aba afite ibitekerezo bizima byanamufasha kwita ku rugo n’umuryango muri rusange

Umutesi Nicole we ageze imbere y’akanama nkemurampaka yabajijwe niba yaraba azi impamvu bamwise Nicole avuga ko ari ise umubyara wamwise izina rya Umutesi kuko ngo yavutse uyu papa we atari mu rugo aho aziye ahitamo kumwita Umutesi. Abakobwa 10 batambuka imbere y’abagize akanama nkemurampaka Abagize akanama nkemurampaka barahindutse kuri iyi nshuro Mike Karamgwa wari umaze kumenyererwamo ntiyagaragayemo
Usanase Shamim Irene, asubiza ibibazo
Ishimwe Belly Stecyn, asubiza ibibazo
Umuhoza Linda asubiza ibibazo
Ingabire Divine nawe asubiza ibibaza agenda abazwa n’akanama nkemurampaka Umutesi Nicole nawe asubiza ibibazo Ishimwe Henriette nawe imbere y’akanama nkemurampaka Natacha Ursule MUTONIWASE Alpha Buyinza
UMUTONIWASE Paula IBUKA Ines Carine, uyu niwe uherukiye abandi mu kubazwa ibibazo n’akanama nkemurampaka

Update:Ku isaha ya 4:17, Abakobwa bose uko ari 10 bamaze kwiyerakana imbere y’akanama nkemurampaka, aho bagiye basubiza ibibazo bitandukanye ndetse bakerekwa ikimenyetso cy’uko bemerewe cyangwa bahakaniwe (YES cyangwa No).

Nyuma y’iki gikorwa rero, Abagize akanama nkemurampaka bagiye kwiherera bahurize hamwe amanota bagiye baha aba bakobwa hanyuma yo kubarura aya manota nibwo baza kugaruka batangaza abakobwa batandatu bagiye gukomeza bagahagararira iyi Ntara muri iri rushanwa rya Miss Rwanda 2018

Update:Nyuma y’umwanya muto abagize akanama nkemurampaka bamaze mu mwiherero bagarutse batangaza abakobwa batandatu bagiye guhagararira Intara y’amajyaruguru

Usanase Shamim ,Umutoniwase Paula ,Ishimwe Belly Stecy,Irebe Natacha ,Umuhoza Linda ,Ingabire Divine

Iri rushanwa riteganyijwe kuzakomeza ku munsi w’ejo tariki 14 aho mu i Rubavu mu Ntara y’Uburengerazuba nabo bazaba bahatana hagatoranywamo abakobwa batandatu bazahagararira Uburengerazuba


INKURU ZA :
Tanga Igitekerezo
Ibitekerezo 2
titi Kuya 16-01-2018

Nyampinga azaba ariwe pe nizeye aba judges kabs batekerejweho neza pe nimana zirwanda kubunyangamugayo cyeseee

Lolo Kuya 13-01-2018

ababandi bagende Paola nubwambere kandi niwe uzaryegukana nimwiza cyaneeee 👠🎸

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...