konka coffee
KONKA

AMAKURU

UKWEZI

AMAFOTO: Ibyaranze amajonjora y’abazahagararira Amajyepfo muri Miss Rwanda 2018

AMAFOTO: Ibyaranze amajonjora y’abazahagararira Amajyepfo muri Miss Rwanda 2018
20-01-2018 saa 14:26' | By Akayezu Jean de Dieu | Yasomwe n'abantu 2019 | Ibitekerezo

Kuri uyu wa Gatandatu tariki 20 Mutarama 2018, Amajonjora y’Irushanwa rya Nyampinga w’u Rwanda muri uyu mwaka wa 2018, akomereje I Huye mu Ntara y’Amajyepfo ahagiye gutoranywa abakobwa 6 bazahagararira iyi Ntara muri iri rushanwa rya Miss Rwanda 2018 ribaye ku nshuro yaryo ya 8.

Kimwe n’Intara y’Amajyaruguru ndetse n’Uburengerazuba ari nazo zabanjirije izindi muri aya majonjora, uyu munsi abakobwa 6 bagomba kuzaserukira Amajyepfo muri iri rushanwa bagomba kurara bamenyekanye.

Mu mafoto: Kurikira uko iki gikorwa kiri kugenda


Abakobwa biyandikishije muri iyi Ntara y’Amajyepfo bose babanje kugaragaza ibijyanye n’imyirondoro ndetse no kwerekana koko niba bujuje ibisabwa nkenerwa birimo uburebure n’ibiro bisabwa muri iri rushanwa. Update: Ku isaha ya 2:24; abakobwa bose uko ari 14 bemerewe guhatana batangiye kunyura imbere y’abagize akanama nkemurampaka bagenda babazwa ibibazo bitandukanye ariko banagenda babisubiza umwe kuri umwe. Aba nibo bakobwa 14 bagiye guhiganwa hakavamo batandatu bazahagararira intara y’Amajyepfo

Intara y’Amajyepfo izwiho kugira umwihariko w’abakobwa benshi bitabira iri rushanwa, ibi niko bigenze muri uyu mwaka wa 2018, aho abakobwa bagera kuri 30 gusa muri aba bose abagera kuri 14 nibo basanze bujuje ibisabwa ari nabo bagiye guhatana hagatoranywamo 6 bazahagararira iyi Ntara.

Abakobwa 14 bagiye gutoranywamo 6 bazahagararira Intara y’Amajyepfo

1 . Ikirezi Mpore Marie Wivine afite ibiro 46 na metero 1.71

2 . Agasaro Charlene afite ibiro 64 na metero 1.75

3 . Umunyana Shanitah afite ibiro 55 na metero 1.84

4 . Umutoniwase Anastasie afite ibiro 60 na metero 1.80

5 . Dushimimana Lydia afite ibiro 57 na metero 1.70

6 . Ishimwe Noriella afite ibiro 46 na metero 1.70

7 . Nzakorerimana Gloria afite ibiro 65 na metero 1.71

8 . Mushombokazi Jordan afite ibiro 56 na metero 1.71

9 . Uwase Ndahiro Liliane afite ibiro 69 na metero 1.70

10 . Irakoze Vanessa afite ibiro 60 na metero 1.70

11 . Kwizera Claire afite ibiro 55 na metero 1.76

12 . Umuhire Rebecca afite ibiro 56 na metero 1.70

13 . Irabishoboye Grace afite ibiro 62 na metero 1.74

14 . Bampire Diane afite ibiro 60 na metero 1.70

IKIREZI Mpore Marie Wivine (No 1), niwe ubanje gutambuka imbere y’abagize akanama nkemurampaka agenda abazwa ibibazo bitandukanye.
IRAKOZE Vaness (No 2).
IRABISHOBOYE Grace (No 3). KWIZERA Claire (No 4). BAMPIRE Diane (No 5).
NZAKORERIMANA Gloria (No 6). MUSHAMBAKAZI Jordan (No 7).
UMUTONIWASE Anastasie (No 8)., Uyu niwe urimo kubazwa ibibazo n’abagize akanama nkemurampaka, bamubajije aho akomoka avuga ko ari mu karere ka Muhanga.

Anastasie kandi abajijwe nk’abanyamahanga bifuza gusura u Rwanda aho yabatembereza baramutse baje muri iyi Ntara, ati "Nabazana hano mu karere ka Huye kuko niho hari ibintu nyaburanga kandi bibumbatiye amateka yacu nk’abanyarwanda, naho i Muhanga ho haba imisozi myiza inogeye ijisho" DUSHIMIMANA Lydia (No 9).Uyu we abajijwe n’umwe mu bagize akanama nkemurampaka kuri we icyo abona nk’ibyiza by’ikoranabuhanga avuga ko rifite akamaro cyane nk’urugero mu buhahirane nk’aho kuri ubu umuntu ashobora kugura ibyo kurya yifashishije murandasi.

Lydia kandi yavuze ko kuri we asanga abakoresha nabi ikoranabuhanga ari abatazi akamaro karyo avuga ko abavuga ko hari byinshi ryangiza atemeranya nabo

Uyu mukobwa kandi yabajijwe igisobanuro cy’imvugo abanyarwanda bakunda gukoresha ivuga ngo ’Umugore ni Umutima w’Urugo’ ati "Akenshi umugore niwe uganira n’umugabo cyane kandi bajya bavuga ngo icyo umugore ashaka n’Imana iba igishaka"
UMUNYANA Shanitah (No 10),

Uyu yabajijwe kuba u Rwanda rufite umubare munini w’urubyiruko icyo bimariye igihugu, Ati "Kuba u Rwanda rufite urubyiruko rwinshi ni byiza kuko urubyiruko nitwe mbaraga z’igihugu, dushobora guhanga imirimo tugatanga akazi ku batagafite"

Yabajijwe icyakorwa kugira ngo urubyiruko rusigasire umuco w’ubutwari avuga ati "Ni ukuba intwari niba mbonye mugenzi wange hari icyo ari gukora kitagenda neza nkamukebura"

AGASARO Charlene (No 11).
Uyu we bamubajije akamaro k’umuhango wo Kwita Izina abana b’Ingagi u Rwanda rukora buri mwaka ati "Kwita izina ni umuhango, ingagi ni ibisimba bifite agaciro mu Rwanda, rero Kwita izina bifite icyo bisobanuye kuko iryo zina umuntu ashobora kurimenya akamenya icyo bishatse kuvuga"

Abajijwe umumaro w’uyu muhango ati "Numva icyo umuhango umariye abanyarwanda ari ukwerekana imitako cyangwa se ibyiza bafite umumaro ukomeye"
UMUHIRE Rebecca (No 12). UWASE Ndahiro Liliane (No 13).
ISHIMWE Noriella (No 14).
Update:Ku isaha ya 4:50 abagize akanama nkemurampaka bagiye kwiherera babarure amajwi nyuma baze kugaruka batangaza abakobwa batandatu bagiye gukomeza ari nabo bazahagararira Intara y’Amajyepfo Update:Ku isaha ya 5:13, Abagize akanama Nkemurampaka bavuye mu mwiherero wamaze igihe gito cyane aho kuri ubu bagiye gutangaza ibyagendeweho batanga amanota ndetse bagaherako batangaza amazina y’abakobwa batandatu bazahagararira Intara y’Amajyepfo muri Miss Rwanda 2018 Rwabigwi Gilbert, Sandrine Isheja ndetse na Dr Higiro Jean Pierre bagize akanama nkemurampaka Abakobwa 14 ubu igitima kiri kudiha buri umwe yibaza niba ariwe amahirwe agiye gusekera cyangwa niba ariwe ugiye gutaha

Abakobwa 10 bakomeje mu ntara y’ Amajyepfo
1 . Dushimimana Lydia

2 . Irakoze Vanessa

3 . Ishimwe Noriella

4 . Ikirezi Mpore Marie Wivine

5 . Nzakorerimana Gloria

6 . Umunyana Shanitah

7 . Umuhire Rebecca

8 . Uwase Ndahiro Liliane

9 . Mushombokazi Jordan

10 . Umutoniwase Anastasie

Iri rushanwa riteganyijwe kuzakomeza kuri iki Cyumweru tariki 21 Mutarama 2018, aho mu i Kayonza mu Ntara y’Iburasirazuba nabo bazaba bahatana hagatoranywamo abakobwa batandatu bazahagararira iyi Ntara muri iri rushanwa rya Miss Rwanda 2018

AMAFOTO: Mugabo Paccy


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
  • uwayo https://umuseke.rw/amp/turarakaye-twabuze-epfo-na-ruguru-abagore-babwira-paapa.html

    ">nsubize#Igiraneza https://umuseke.rw/amp/turarakaye-twabuze-epfo-na-ruguru-abagore-babwira-paap
  • IZINDI NKURU WASOMA
    Loading...