konka coffee
KONKA

AMAKURU

UKWEZI

Harmonize, Safi Madiba na Marina bagiye guhurira mu gitaramo cy’amateka I Kigali

Harmonize, Safi Madiba na Marina bagiye guhurira mu gitaramo cy’amateka I Kigali
22-01-2018 saa 13:50' | By Akayezu Jean de Dieu | Yasomwe n'abantu 1449 | Ibitekerezo

Harmonize, Umuhanzi ukunzwe cyane mu gihugu cya Tanzania ndetse akaba n’umwe mu babarizwa muri Wasafi ya Diamond Platnumz agiye kuza gukora igitaramo I Kigali, ubwo hazaba hamurikwa ku mugaragaro inzu itunganya umuziki ‘ The Mane Label’ ibarizwamo Safi Madiba ndetse n’Umuhanzikazi Marina.

Abahanzi babarizwa muri The Mane Label ‘(Safi Madiba na Marina)’, bagiye kwiyereka abakunzi babo aho Safi Madiba we azaba akoze igitaramo cye cyambere nk’umuhanzi ku giti cye mu bitaramo bazakorera I Kigali na Musanze ku matariki ya 24 na 25 Werurwe uyu mwaka.

Umuhanzi Safi Madiba kuri ubu afite indirimbo nshya ‘Fine’ yakoranye na Rayvanny nawe ubarizwa muri Wasafi, naho Umuhanzikazi Marina we akaba afite inshya yitwa ‘Decision’ afitanye n’umuraperi Papito Harmoniza wamenyekanye mu ndirimbo zitandukanye harimo, Bado yakoranye na Diamond, Aiyola, Matatizo n’inizindi nyinshi agiye kuza mu Rwanda

Mu kiganiro yagiranye na Ukwezi.com, Umuyobozi mukuru wa The Mane akaba n’Umujyana w’aba bahanzi, Mupenda Ramadhan uzwi ku izina rya Badrama yatubwiye ko kugeza ubu amasezerano bagombaga kugirana na Wasafi ari nayo ifite mu biganza Harmonize yarangiye kuri ubu hategerejwe itariki y’ibitaramo dore ko bizaba ari ibitaramo bibiri; ikizabera I Kigali ndetse n’icya Musanze

Badrama yagize ati “Amasezerano yaraye arangiye ubu igisigaye ni uko itariki 24 z’ukwezi kwa Gatatu igera igitaramo kikaba hanyuma tukereka abanyarwanda umuziki mpuzamahanga bahoze barota”

Badrama kandi yavuze ko n’ubwo byinshi bijyanye n’ibi bitaramo abanyarwanda by’umwihariko abakunzi ba muzika bazagenda babigezwaho umunsi ku munsi ariko ngo ubwo aba bahanzi bazaba bataramira abatuye I Kigali, iki gitaramo kizaba tariki 24 Werurwe 2018, kikabera muri Camp Kigali.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...