AMAKURU

UKWEZI
Canal+

AMAFOTO : Umunyamakuru Uwimana Ferdinand wa RBA yasezeranye n’umukunzi we Grace

AMAFOTO : Umunyamakuru Uwimana Ferdinand wa RBA yasezeranye  n’umukunzi we Grace
29-12-2017 saa 19:19' | By Akayezu Jean de Dieu | Yasomwe n'abantu 22528 | Ibitekerezo

Ku gicamunsi cyo kuri uyu wa Gatanu tariki 29 Ukuboza 2017, nibwo Umunyamakuru Uwimana Ferdinand wamamaye cyane kuri Radiyo na Televiziyo by’Igihugu yasezeranye kubana akaramata n’Umukunzi we Tuyishimire Kageme Marie Grace ndetse bakaba bemeranyijwe kubahiriza ibyo amategeko asaba abashakanye mu buzima bagiye kubanamo nk’umugore n’umugabo

Ibirori byo gusezerana imbere y’amategeko hagati ya Ferdinand uzwi cyane mu kiganiro ‘Isi ya None’ gitambuka kuri RBA na Grace nawe uzwi kuri Radio Magic FM byabereye ku biro by’Umurenge wa Remera umaze kubaka izina mu gusezeranya ibyamamare binyuranye hano mu Rwanda.

Imiryango y’aba bombi yari yaje kwifatanya nabo muri ibi birori aho bari baje guhamya koko ko buri umwe yemereye undi ko azamubera umufasha w’ibihe byose haba mu bihe byiza n’ibigoye nk’uko inyigisho zihabwa abashyingiranywe zibivuga.

Ibi birori kandi byari byitabiriwe na bamwe mu nshuti za hafi z’aba bombi aho na bamwe mu banyamakuru bakorana na Uwimana Ferdinand bari baje ku mushyigikira barimo na mugenzi we Bienvenu Redumptus bakorana kuri RBA.

Umukozi w’Umurenge wa Remera ushinzwe irangamimerere, Kalisa Jean Sauveur yabwiye aba bageni ko guhera uyu munsi babaye umuntu umwe kandi ko igishobora gutera umwe bose cyabatera bityo abasaba kunga ubumwe no gufatanya muri byose umwe akaba hafi ya mugenzi we mu buzima bwa buri munsi

Nyuma y’uko Ferdinand na Grace basezeranye kuri uyu wa Gatanu, biteganijwe ko aba bombi bazasezerana imbere y’Imana mu birori bizaba tariki 10 Gashyantare 2018.

Uwimana Ferdinand n’Umukunzi we Tuyishimire Kageme Marie Grace bamaze gusezerana kubana akaramata

Aha basinyiraga koko ko bemeranije kubana ubuzima busigaye bwose

Akanyamuneza kari kose hagati yabo

Umukozi w’Umurenge wa Remera ushinzwe irangamimerere, Kalisa Jean Sauveur

Ibi birori byari byitabiriwe kandi n’inshuti n’imiryango yabo


AMAFOTO:Mugabo Paccy


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA