konka coffee
KONKA

AMAKURU

UKWEZI
Minijust

Akari ku mutima wa Uwicyeza Pamella uri mu bahataniye ikamba na Mwiseneza

Akari ku mutima wa Uwicyeza Pamella uri mu bahataniye ikamba na Mwiseneza
12-01-2019 saa 16:46' | By Vincent Nsengiyumva | Yasomwe n'abantu 3921 | Ibitekerezo 6

Mu gihe irushanwa rya Miss Rwanda 2019 riri kugenda ryegera mu mahina, aho 20 batoranyijwe bagiye kwerekeza muri Boot Camp mu Karere ka Bugesera i Nyamata mu mwiherero uzamara ibyumweru bibiri, Uwicyeza Pamella uri mu bahatanye ahamya ko ariwe uzegukana ikamba rya Nyampinga uyu mwaka ngo kuko adatewe ubwoba n’abo bahanganye barimo Mwiseneza.

Uwicyeza Pamella ari uhagarariye intara y’Amajyepfo muri iri rushanwa, afite imyaka 19 uburebure bwa metero 1 na 71 agapima ibiro 68. Yarangije amashuri yisumbuye 2018 akaba ari umwana wa kabiri mu muryango w’abana batatu.

Aganira na Ukwezi.rw Uwicyeza Pamella yemeje ko nta kabuza agomba kwegukana ikamba rya Nyampinga w’u Rwanda uyu mwaka kuko yiyumvamo ububasha n’ubushobozi ndetse ngo akaba anujuje ibigenderwaho byose.

Yagize ati “Mbishimangira mpereye ku kuba nifitiye icyizere nshoboye kandi nujuje ibigenderwaho byose.“

Yakomeje afite inzozi zo kugeza ibitekerezo bye ku rubyiruko rw’u Rwanda mu rwego rwo gutanga umusanzu we mu kubaka igihugu akaba abona azabasha kubigeraho neza ari uko yambitswe ikamba.

Yagize ati “ Nifuza kugeza ibitekerezo byanjye byubaka ku rubyiruko rw’u Rwanda. Ibitekerezo byange nabikubiye mu mushinga wagutse wo kurwanya inda zitateganyijwe ziterwa abana b‘abangavu.“

Avuga ko uyu mushinga we azawukora binyuze mu buryo bugezweho bw’ikoranabuhanga, aho buri wese azajya atanga igitekerezo cyangwa ikibazo cye aho yaba ari hose kigahita kimenyekana.

Anavuga kandi ko ubu buryo bw’ikoranabuhanga buzaborohereza gukorerwa ubuvugizi ndetse no kubona abaterankunda mu buryo bwihuse.

Uyu mukobwa uvuga ko afite icyizere cyo guhigika bagenzi be bahatanye, ahamya ko adatewe ubwoba n’umuriri w’abagaragaza ko bashyigikiye Mwiseneza Josiane akavuga ko bazatungurwa ku munota wa nyuma.

Uwicyeza Pamella wakuranye inzozi zo kuzaba Miss Rwanda ,ngo hari igihe yageze asa n’utaye icyizere kuko ngo yakuze abyibuha cyane kandi yarabonaga abitabira irushanwa baba bananutse.

Avuga ko ababyeyi be baje kumugira inama z’uburyo agomba kwitwara kugira ngo abe yagabanya umubyibuho, arabikurikiza none byamufashije kugera ku nzozi ze.

Pamella ni umukobwa w’umunyabwenge yigeze ahembwa n’ikigo yizeho icyiciro susange ahabwa igihembo cy’indashyikirwa kuko yari yahize abandi.

Umubyeyi wa Pamella witwa Uwantege Jeannette mu kiganiro kigufi yagiranye na Ukwezi .rw yashimangiye ko afitiye icyizere umukobwa ndetse ko nawe ahamya adashidikanya ko azegukana ikamba.

Yahahamije ko umukobwa we yakuze yifitemo impano zitandukanye ndetse ko yakunze kuvuga ko azaba miss akiri muto.

Yagizez ati "Uyu mwana yakuze mubonamo kuzaba intwari ku bw’ishyaka n’ubupfura bikunze kumuranga,niyo mpamvu ansaba kuzahatana muri Miss Rwanda 2019 ntampungenge byanteye ku bw’ubushobozi muziho,ubwenge,ubupfura n’ubutwari bye ndizera ko hamwe n’Imana azegukana ikanamba rya Nyampianga 2019 kandi bizagirira igihugu umumaro."

Gushyigikira Miss Uwicyeza Pamella wandika ijambo Miss ugasiga akanya ukandika 29 ukohereza kuri 7333.

Irebere amwe mu mafoto agaragaza uburanga bwa Pamella mu bihe binyuranye


INKURU ZA :
Tanga Igitekerezo
Ibitekerezo 6
Matsiko Friday Kuya 17-01-2019

Uwicyeza Pamella, genda uri icyuma kbsa

Fiona Kuya 14-01-2019

Mukunzi ufite ukuri aba ntabo tuzi ntitunifuza kubamenya uwo tuzi ni miss du Rwanda 2019 Josiane abandi bihanagure kbsa

emma Kuya 14-01-2019

sha muramwamamaje kweri......arko ndabona ntacyo bizatanga tuu

Frank Kuya 13-01-2019

Wowe witwa Mukunzi uherahe uvugako Miss ari Josiane?ubukoko niba Miss agomba kuba ari mwiza ubu wabagereranya koko?uyumwana nigisabo rwose courage Pamella

Mukunzi Kuya 13-01-2019

Kwise igisabo! Kandi nguhaye ubufasha bwo kugushakira umugabo! Ikindi kubyerekeranye na Miss Rwanda ! Uwo tuzi numwe! Wowe sinzi ibyo urimo! Miss ni Josiane Mwiseneza!

Mukunzi Kuya 13-01-2019

Kwise igisabo! Kandi nguhaye ubufasha bwo kugushakira umugabo! Ikindi kubyerekeranye na Miss Rwanda ! Uwo tuzi numwe! Wowe sinzi ibyo urimo! Miss ni Josiane Mwiseneza!

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...