AMAKURU

UKWEZI
pax

Bazongere yakozwe ku mutima n’umwana ufite uburwayi bwo mu mutwe watewe inda n’umugabo atazi

Bazongere yakozwe ku mutima n’umwana ufite uburwayi bwo mu mutwe watewe inda n’umugabo atazi
30-09-2020 saa 11:13' | By UKWEZI | Yasomwe n'abantu 2333 | Ibitekerezo 1

Umukinnyi wa filime Bazongere Rosine n’abafana be bakozwe ku mutima n’inkuru y’umwana w’umukobwa ufite uburwayi bwo mu mutwe watereranwe n’ababyeyi be bamwirukana mu rugo nyuma aza guterwa inda n’umusore atazi ariko avuga ko yitwa ‘Kazungu’.

Inkuru y’uyu mwana w’umukobwa w’imyaka 20, kuri ubu ufite uruhinja yacicikanye ku mbuga nkoranyambaga mu minsi ishize ari nabwo Bazongere yamubonye akumva akozwe ku mutima n’imibereho ye.

Nk’umuntu usanzwe anafite umuryango yatangije wita ku bana b’abakobwa bafite ibibazo bitandukanye birimo abatewe inda bagatereranwa n’abazibateye cyangwa imiryango yashakishije uko yabona uyu mukobwa ngo arebe ko hari icyo yamufasha mu bushobozi bwe.

Aherekejwe n’abafana be ndetse na bamwe mu bamufasha mu bikorwa by’umuryango yatangije, ku Cyumweru tariki 27 Nzeri 2020, nibwo basuye uyu mwana w’umukobwa witwa Muzirankoni Grace.

Muzirankoni kuri acumbikiwe n’umuturanyi w’iwabo mu Karere ka Nyarugenge ahazwi nk’i Kanyinya, nyuma y’uko iwabo bamwirukanye nyuma yo kubyara umwana kuri ubu ufite amezi abiri.

Ubwo iri tsinda riyobowe na Bazongere ryamusuraga baramuganirije bumva afite ikibazo cyane ko n’iyo bamubazaga uwamuteye inda avuga ko atamuzi ariko agakunda kuvuga izina ‘Kazungu’.

Baganiriye n’uwamucumbikiye ababwira ubuzima abayemo kugira ngo barebe niba nibura banamugurira imashini akiga kudoda. Icyakora nabyo babwiwe ko atabishobora.

Mu byo bamushyikirije uretse ibyo kurya bitandukanye, bamuhaye n’ihene nk’itungo rigufi ryo korora kugira ngo yiteze imbere.

Bazongere avuga ko inkuru y’uyu mwana w’umukobwa ibabaje ndetse agasaba ababyeyi kujya baba hafi abana babo kuko akenshi ukubatererana ariho usanga hava uko guterwa inda n’ababashukisha ibyo babuze iwabo.

Mu kiganiro na UKWEZI yagize ati “Uriya mwana yatereranywe n’iwabo, bakajya bamwirukana akava mu rugo akagenda kandi urumva afite n’uburwayi bwo mu mutwe, ari nabwo baje kumutera inda. Iyo umubajije umuntu wamuteye avuga ko atamwibuka, iwabo baramwirukanye kugeza ubu acumbitse ku muturanyi umufasha.”

Bazongere avuga ko iwabo kuri ubu bamugize nk’igicibwa ibintu aheraho asaba ababyeyi kudatererana abana babo cyane ko ariho hava no kuba baterwa izo nda bakiri abangavu.

Ati “Bamugize nk’igicibwa, ari naho mbona havuye uko guterwa inda, ababyeyi bajye bihanganira abana. Abakobwa benshi baterwa inda baratereranwe bagatangira kurarana n’umuntu wese umwijeje kumufasha.”

“Turasaba imiryango kubegera bakabaganiriza bakababa hafi babereka ko ibyo bakoze atari byiza bityo nabo bagatangira kumenya ko bafite inshingano bikaba byabatera kwirinda ko ibyababayeho bitazongera.”

Ikindi asaba ababyeyi kuganiriza ababyeyi babo cyane cyane ku buzima bw’imyororokere mu gihe baba bageze mu myaka y’ubwangavu kugira ngo batazashukwa n’abasore cyangwa abagabo bakabatera inda.

Ikibazo cy’abangavu baterwa inda ni kimwe mu bikomeje guhangayikisha u Rwanda cyane ko nko mu Ugushyingo 2019, hamuritswe Ubushakashatsi bwa Minisiteri y’Uburinganire n’Iterambere ry’Umuryango bugaragaza ko abana 70.614 batewe inda kuva mu mwaka wa 2016 Kugeza mu 2018.


INKURU ZA :
Tanga Igitekerezo
Ibitekerezo 1
Hategeka yasini Kuya 30-09-2020

Nukwihangana ababyeyibiyimitsinukobameze

IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA