konka coffee
KONKA

AMAKURU

UKWEZI

Bobi Wine ngo yakorewe iyicarubozo ndengakamere kugeza no kubabazwa ubugabo

Bobi Wine ngo yakorewe iyicarubozo ndengakamere  kugeza no kubabazwa ubugabo
4-09-2018 saa 14:18' | By Vincent Nsengiyumva | Yasomwe n'abantu 2995 | Ibitekerezo

Depite uhagarariye agace ka Kyaddondo mu Nteko Ishinga Amategeko ya Uganda, Robert Kyagulanyi uzwi nka Bobi Wine yavuze byimbitse ku biokorwa by’iyicarubozo yakorewe ubwo yari afunzwe ashinjwa guteza imvururo no gushaka kugirira nabi Umukuru w’igihugu.

Ibi Depite unabifatanya n’ubuhanzi Robert Kyagulanyi [Bobi Wine] yabitangaje mu butumwa burebure cyane yashyize ku mbuga nkoranyambaga, aho yagaragaje ubugome ndengakamere yakoewe n’abashinzwe umutekano, aho bishobora no kuzamuviramo kumugara zimwe mu ngingo z’umubiri we.

Mu nyandiko ndende Bob Wine yasohoye yavuze uburyo bamuhondaguye ibyuma ahantu hose cyane cyane mu mutwe, bimwe bakabimukuruza amatwi kugeza bafataga ubugabo bwe bakabukurura ku buryo buteye ubwoba n’agahinda.

Yagize ati “Banzingiye mu mwenda, banshyira mu modoka. Bankoreye ibintu bitavugwa muri iyo modoka. Bankuruye ubugabo, barabukanda ari nako bankubita ikintu ntabonesheje amaso.”

Mu gusobanura inzira y’umusaraba yanyuzemo, Bobi Wine yacishagamo agashimira byimazeyo abamubaye hafi, bagakomeza kugaragaza ko batishimiye akarengane kamukorerwaga we na bagenzi be 33 barimo abanyapolitike bari bamushigikiye bari bafunganwe.

Yashimiye cyane kandi umugore we Itunga Barbie ndetse n’abanyamategeko be, batahwemye kumuba hafi no gukomeza kugaragariza Isi ibyo yakorerwaga ubwo yari mu gihome.

Muri ubu buhamya , Bobi Wine yagaragaje akaga we na bagenzi be bahuye nako nyuma y’uko uwari umushoferi we witwa Yassim arashwe.

Ngo kuko we [Bobi Wine] yahigwaga bukware n’inzego z’umutekano zitanduukanye, ngo yihishe mu cyumba cya Hotel yarimo, kubera uburakari abamuhiogaga bari bafite ntiyamazemo kabiri kuko baje guca urugi bakamusaga aho yari yihishe.

Yagize ati “Umusirikare yakubise inshuro eshatu icyuma ku rugi rw’icyumba narimo ruhita rugwamo imbere. Twararebanye mu maso, ahita ahamagara bagenzi be mu Giswahili. Undi musirikare yantunze imbunda nto (pistol) ku mutwe antegeka gupfukama hasi. Nazamuye amaboko ariko mbere y’uko amavi yanjye agera hasi, umusirikare winjiye bwa mbere mu cyumba yankubise cya cyuma yakoresheje aca urugi. Yashakaga kukinkubita mu mutwe ariko nikingira ikiganza, ankubita ku kuboko. Yahise ankubita mu mutwe hafi y’ijisho ry’iburyo, ngwa hasi.”

Yunzemo ati “Mu kanya nk’ako guhumbya, bose bamviriyeho inda imwe buri wese ashaka ahamunogeye ho gukubita no kubabaza. Sinzi umubare wabo ariko bari benshi. Barankubise ndetse bantera imigeri bakoreshejwe inkweto zabo. Bakubise amaso, umunwa n’amazuru, inkokora ndetse n’amavi. Aba bantu nta mutima bagira! Ubwo bansohoraga mu cyumba, bakomeje kunkubita ahantu hose. Nyuma y’igihe gito, sinari ncyumva ububabare. Numvaga ibyo bari gukora nk’ubari kure. Amarira no gutakamba byanjye byarirengagijwe.”

Yavuze ko nawe atariyumvisha neza ukuntu abasirikare yari atarahura nabo byihariye wenda ngo bagire icyo badahurizaho, bamweretse urwango rudasanzwe ku buryo ngo yabonaga bari kumufata nk’aho atari ikiremwamuntu.

Yongeyeho ati “Banzingiye mu mwenda, banshyira mu modoka. Bankoreye ibintu bitavugwa muri iyo modoka. Bankuruye ubugabo, barabukanda ari nako bankubita ikintu ntabonesheje amaso. Bakoreshaga ipensi bankurura amatwi. Umwe yankuye mu myenda bari banzingiyemo ariko akomeza kumpfuka umutwe.Nagaruye ubwenge nsanga ndi mu kumba gato gafite idirishya rito. Nari nambitswe amapingu ku maguru n’amaboko. Navaga amaraso mu matwi no mu mazuru. Nari mfite umubabaro udasanzwe. Umubiri wose wari wabyimbaganye.”

Bobi Wine ngo ntazibagirwa ibikorwa bya kinyamaswa yakorewe n’abasirikare ba Uganda


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...