AMAKURU

UKWEZI
ubumwe

Burundi: Umuhanzi Délégué Général arafunze ngo yaririmbye urukozasoni

Burundi: Umuhanzi Délégué Général arafunze ngo yaririmbye urukozasoni
4-10-2019 saa 10:20' | By Nsanzimana Ernest | Yasomwe n'abantu 2589 | Ibitekerezo

Umuhanzi w’ Umurundi wiyita Délégué Général yatawe muri yombi ku cyumweru azira amashusho y’ indirimbo yakoze igaragaza ko abanyeshuri batanga ruswa y’ igitsina.

Inkuru y’ uko uyu muhanzi yatawe muri yombi yatangiye kuvugwa ku wa mbere gusa kuri uyu wa 3 Ukwakira 2019 nibwo yeretswe itangazamakuru.

Uyu muhanzi ubusanzwe amazina ye bwite ni Olegue Baraka. Polisi y’ u Burundi yavuze ko izakurikirana n’ abandi bose bagaragara mu mashusho y’ iyi ndirimbo.

Muri iyi ndirimbo hagaragamo abanyeshuri bambaye imyenda y’ ishuri bazamuye amajipo, abandi bari kunywera itabi mu cyumba cy’ ishuri.

Uyu muhanzi agaragaza ko abanyeshuri b’ abakobwa batanga ruswa y’ igitsina abarezi bakabaha amanota.

Ubwo yerekanwa n’igipolisi, uyu muririmbyi yumvikanye avuga ko asaba ikigongwe kuko yakoze iyi ndirimbo abakuru bakamubwira ko ari amakosa.

Mu gihe we ayikora ngo yumva ko ibiyirimwo ari ibintu bibaho.

Ku mbuga nkoranyambaga, abantu bamwe bavuga ko iyi ndirimbo nta kidasanzwe kirimo kitabonetse mbere cyatuma Olegue Baraka n’abagenzi be bafunzwe ubu.

Abandi bavuga ko akwiriye guhanwa kuko ayo mashusho anyuranyije n’imico y’ikirundi.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...