AMAKURU

UKWEZI
Canal+ christmax

Chorale de Kigali yakuriwe ingofero mu gitaramo cy’amateka yahereyemo abanyarwanda Noheli

Chorale de Kigali yakuriwe ingofero mu gitaramo cy’amateka yahereyemo abanyarwanda Noheli
25-12-2020 saa 08:51' | By Akayezu Jean de Dieu | Yasomwe n'abantu 3433 | Ibitekerezo

Abanyarwanda b’ingezo zose by’umwihariko abakoresha imbuga nkoranyambaga bagaragaje ibyishimo bahawe n’abasore, inkumi, abagabo n’abagore b’amajwi agoroye neza babafashije kwinjira mu byishimo byo kwizihiza isabukuru y’Ivuka ry’Umukiza Yezu Kristu.

Bimaze kumenyerwa ko buri mwaka Chorale de Kigali ifasha abanyarwanda kwishimira ibi birori bya Noheli ibinyujije mu gitaramo ‘Christmas Carols’ kiba buri mwaka ubwo Abakristu bo hirya no hino ku Isi baba bizihiza Ivuka rya Yezu.

N’ubwo icyorezo cya COVID19, cyakomye mu nkokora imibereho n’ibikorwa by’ikiremwamuntu mu nguni zose z’Isi, ikoranabuhanga ryafashije abanyarwanda kongera kuryoherwa n’ubwiza bw’umuziki wa Chorale de Kigali.

Reba igitaramo cyose hano..

Mu gitaramo cyabaye mu ijoro ryo ku wa Kane rishyira ku wa Gatanu tariki 25 Ukuboza 2020, Chorale de Kigali ibinyujije kuri Televiziyo Rwanda ndetse no ku rukuta rwayo rwa YouTube yahaye abanyarwanda ibyishimo mu gitaramo cyirahiwe na benshi.

Abakurikiranye iki gitaramo by’umwihariko abakoresha imbuga nkoranyambaga bagaragaje ibyishimo bahawe na Chorale de Kigali bakomeza kuyisabira gutera imbere no gukomeza kunezeza abanyarwanda.

Umuyobozi w’Umujyi wa Kigali, Rubingisa Pudance nawe uri mu bakurikiye iki gitaramo abinyujije ku rukuta rwa Twitter, yashimiye Chorale de Kigali kubwo kwinjiza abanyarwanda mu byishimo bya Noheli.

Umuyobozi Mukuru wa RSSB, Regis Rugemanshuro nawe kuri Twitter ye yashimye iyi Chorale yahaye ibyishimo bya Noheli abanyarwanda.

Reba igitaramo cyose hano..


INKURU ZA :
Tanga Igitekerezo
Ibitekerezo
canal Rwanda
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA