AMAKURU

UKWEZI
pax

Cyusa Ibrahim yasobanuye iby’indirimbo yahimbye kubw’agahinda yatewe n’umukobwa bigeze gukundana

Cyusa Ibrahim yasobanuye iby’indirimbo yahimbye kubw’agahinda yatewe n’umukobwa bigeze gukundana
15-05-2020 saa 19:07' | By Akayezu Jean de Dieu | Yasomwe n'abantu 1262 | Ibitekerezo

Umuhanzi Cyusa Ibrahim uri mu bahagaze neza mu njyana gakondo mu Rwanda yavuze ko indirimbo aheruka gushyira hanze ari inkuru mpamo y’urukundo yakunze umukobwa imyaka itanu nyuma akaza kumusiga agakunda undi wari inshuti ndetse wanakoranaga n’aba bombi.

Indirimbo yitwa ‘Umubabaro’ yasohotse mu minsi ishize ndetse ikomeje kwishimirwa na benshi bagaragaza ko uyu muhanzi yakoze ku mitima yabo akaririmba ibikunze kubabaho.

Ni indirimbo ivuga inkuru y’ibyabaye kuri Cyusa dore ko ari umukobwa bakundanye ubwo yari umunyeshuri I Butare muri Kaminuza y’u Rwanda ndetse na nyuma yo kurangiza amasomo bakomeza umubano wabo.

Urukundo rwa Cyusa n’uyu mukobwa yirinze gutangaza amazina ye ntabwo rwabashije kugera ku nzozi dore ko nyuma y’imyaka itanu bari bamaze bakundana baje gutandukana ndetse wa mukobwa aza guhita akundana n’undi mugabo baranabana.

Mu kiganiro yagiranye na UKWEZI yavuze ko iyi ndirimbo ‘Umubabaro’ yayikoze ubwo yari afite agahinda yari amaze guterwa no kuba uwari umukunzi we akoze ubukwe n’undi mugabo.

Ati “Ni inkuru y’umuntu twakundanaga cyera I Butare, twamaze imyaka myinshi dukundana abantu benshi banzi nawe baramuzi kuko twagacishijeho cyane.”

“Byaje kuba ngombwa ko dutandukana bitewe n’impamvu runaka kandi itanakomeye kuko niyo nicaye ndatekereza nkayibura ariko yaje kugera nyuma afata undi twakoranaga [bose twarakoranaga], buriya wenda wanajya kure ariko noneho icyambabaje yagiye kuwo twakoranaga.”

Uyu muhanzi yavuze ko ubukwe bwabo yabutashye ndetse ariwe wabaririmbiye.

Cyusa avuga ko icyiza ari uko aba bombi babanye ndetse banafitanye abana kandi bose bagikomeza kuvugana n’ubwo habayeho icyo kibazo.

Indirimbo ‘Umubabaro’ yakozwe mu buryo bw’amajwi na Bob Pro mu gihe amashusho yatunganyijwe na Fayzo.

Uyu muhanzi yatangaje ko nyuma y’iyi ndirimbo arakomeza gahunda yo gukora izindi nyinshi cyane ko afite gahunda yo kumurika alubumu mu mwaka utaha wa 2020.

Reba hano ikiganiro Cyusa yagiranye na UKWEZI ONLINE TV

Reba hano indirimbo Umubabaro ya Cyusa


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...