konka coffee
KONKA

AMAKURU

UKWEZI
Minijust

Gaga Daniel ukina filime ari umugome ngo yahuriye n’ umugore utwite muri super market yitura hasi

Gaga Daniel ukina filime ari umugome ngo yahuriye n’ umugore utwite muri super market yitura hasi
14-02-2019 saa 19:19' | By Nsanzimana Ernest | Yasomwe n'abantu 12761 | Ibitekerezo 2

Abakunda kureba filime nyarwanda bazi umugabo wakinnye mu mafilime atandukanye yitwa Ryangombe, Rwasibo, Ngenzi, Nkuba n’ ayandi. Muri aya mafilime yose uyu mugabo akina ari umuntu w’ umugome, ndetse ngo binamugiraho ingaruka mu buzima busanzwe n’ ubwo ubusanzwe muri kamereye atari umugome.

Mu buzima busanzwe uyu mugabo wandika amafilime nyarwanda, akaba umukinnyi wayo n’ umuyobozi wayo yitwa Gaga Daniel. Ngo iyo barimo gutanga role muri filime iri gukinwa bamuha gukina ari umugome ariko ngo n’ izindi role arazishoboye.

Gaga avuga ko kubera gukina filime ari umugome bituma abantu bamutinya. Ngo yigeze kujya mu isoko rya Kimironko abantu bakajya bamuhunga, aho ageze hose bamukubita amaso bakihinda.

Si aha gusa ngo byanamubayeho ku Kisimenti aho yagiye muri Supermaket agahuriramo n’ umugore utwite yamukubita amaso agahita agwa hasi.

Ati “Hano Kisimeti muri alimentation imwe ntari buvuge, nagiyemo ngiye guhaha nkubitana n’ umudamu wari utwite inda iri hafi kuvuka. Ambonye amanuka pole pole yicara hasi, urumva sinari kumuhumuriza, umuntu wagize ubwoba gutyo ntabwo wamuhumuriza noneho yahwera kandi urumva aratwite arakuriwe byabaye ngombwa ko nsha kuruhande ndagenda negera abashinzwe hariya ndababwira nti nimurebe uriya muntu yagize ikibazo.”

Avuga ko abakora mu isoko bo yabasobanuriye ko uwo muntu ariwe yatinye. Ati “Urumva guhaha kwanjye kwarahagaze biba ngombwa ko njya guhahira ahandi mpunze umuntu umwe.”

Gaga avuga ko uko iminsi igenda ishira abantu bamutinya bagenda bagabanuka bakabona ko nubwo akina ari umugome mu buzima busanzwe ari umwana mwiza.

Mu kiganiro Gaga yagiranye na Televiziyo ikorera kuri interinete X Large yavuze ko umwuga wa sinema ari umwuga mwiza arimo amafaranga asaba abashoramari kuwugana n’ ababyeyi bakorohereza abana bakawiga.

Yagize ati “Sinema irimo amafaranga abashoramari nibaze bashoremo amafaranga kuko sinema ni ikintu kigari kitakuzura. Abana nibakunde sinema bayige ibyo kwiga birahari ushobora kuba umukinnyi, ushobora kwandika, ushobora kuyobora filime cyangwa gukamera. Ariko babanze babyige apana guhuduka ngo nabonye Ryangombe akina numva nabishora”.

“Ababyeyi bareke abana bage muri filime ariko babahe inama bababe hafi kuko umwana iyo ashaka ikintu ushobora kumureka akakijyamo nabi”

Ntiyemeranya n’ abavuga ko filime zisobanuye zitesha agaciro filime ahubwo ngo zihumura abantu amaso zikabakundisha filime zikoze neza.

Muri filime zakinwemo na Gaga zenda kujya ahagaragara harimo iyitwa 600 handred soliders , igaragaza uko abasirikare 600 babohoye abatutsi bari bahungiye muri CND. Iyi filime ishingiye ku nkuru yabayeho.


INKURU ZA :
Tanga Igitekerezo
Ibitekerezo 2
KABEHO Kuya 21-02-2019

JYE NI UBWA MBERE MWUMVISE. N’IZO FILMS AKINA SINDAZIBONA NARI MENYEREYE S..EBULIKOKO (SEBU, PAPA SAVA). CYAKOZE MU MASO NTAGARAGARA NK’UMUGOME. MU ZINDI FILMS BAKINISHA ABO UREBA UKUMVA UGIZE UBWOBA MU BUZIMA BUSANZWE

Natasha Kuya 14-02-2019

Film ndazikunda cyane.none kuzikina nta myaka ntarengwa kuko jye mfite 37. Umuntu yabakura he

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...